កីឡា
កញ្ញាប្រធានក្លឹប«និរោធន៍មានជ័យ»ពិបាករឿងក្លឹបផ្សេងអូសទាញកីឡាករ
ក្លឹបប្រដាល់គុនខ្មែរ«ថ្មគោលពោធិ៍សែនជ័យ និង និរោធន៍មានជ័យ» ត្រូវបានប្តូរទៅទីតាំងថ្មីរយៈពេលជាងមួយឆ្នាំហើយដោយមានឧកញ៉ាម្នាក់ជួយឧបត្ថម្ភក្នុងការសាងសង់ និងដំណើរការក្លឹបឡើងវិញ។
កញ្ញា ផល លក្ខិណា ដែលជាប្រធានក្លឹប«និរោធមានជ័យ» បានប្រាប់ថា ក្រោយពេលដំណើរការក្លឹបនៅទីតាំងថ្មីមួយរយៈពេលកន្លងទៅនេះ បញ្ហាលំបាកនៅតែដដែលគឺរឿងក្លឹបប្រដាល់ដទៃអូសទាញយកកីឡាករទៅចូលរួមជាមួយក្លឹបខ្លួន។
លក្ខិណា បាននិយាយថា ៖«បញ្ហាកើតមានយូរហើយ។ មិនមែនថ្មីៗទេគឺតាំងពីលោកប៉ាលាចាកលោក។ តាំងពីប៉ារបស់ខ្ញុំស្លាប់ទៅ ខ្ញុំជាអ្នកដឹកនាំ និងគ្រប់គ្រងក្លឹបប្រដាល់បន្ត ហើយជួបបញ្ហាក្លឹបផ្សេងអូយទាញកីឡាកររបស់ក្លឹបខ្ញុំទៅចូលរួមជាមួយគេ។ យើងជាស្រីដឹកនាំក្លឹបប្រដាល់ ហើយក្មេងទៀត ដល់អីចឹង ក្លឹបខ្លះគេល្អ គេល្បីក៏អូយទាញយកកីឡាករល្អៗពីយើង»។
កញ្ញាប្រធានក្លឹបដែលជាគ្រូបង្រៀនឯកជនបានបន្តថា ៖«ដឹងស្រាប់ កាលណាមានក្លឹបផ្សេងអូយទាញ កីឡាករខ្លះចង់ទៅ ព្រោះគិតថា នៅក្លឹបថ្មីឆាប់ល្បី។ អ្នកខ្លះនិយាយថា នៅហ្នឹងមិនកើតទេ ទៅក្លឹបគេទៅទើបឆាប់ល្បី។ អ្នកដែលសុំទៅសុទ្ធតែនិយាយថា ដោះលែងឲ្យគេមានអនាគតទៅ។ ដល់អីចឹង ខ្ញុំមានអារម្មណ៍ថា ក្លឹបរបស់ខ្ញុំអត់អនាគតទេមើលទៅ! ព្រោះអីតាំងពីចូលហាត់ដំបូង តាំងពីអត់ចេះអីបន្តិចសោះរហូតដល់ចេះខ្លាំង គឺនៅក្លឹបរបស់ខ្ញុំអត់មានអនាគតទេ?
សព្វថ្ងៃនេះ ក្លឹបប្រដាល់គុនខ្មែរ«ថ្មគោលពោធិ៍សែនជ័យ, និរោធន៍មានជ័យ»មិនមានកីឡាករប្រដាល់ច្រើនទេ ដោយសារតែកីឡាករខ្លះមានបញ្ហារបួស ខ្លះមានបញ្ហាពាក់ព័ន្ធនឹងវិន័យ ស្របពេលនឹងបញ្ហាអូសទាញរបស់ក្លឹបផ្សេង។
ម្ចាស់ក្លឹបប្រដាល់គុនខ្មែរ«និរោធន៍មានជ័យ» និង«ថ្មគោលពោធិ៍សែនជ័យ»កញ្ញា ផល លក្ខិណា បានកំពុងបារម្ភបាត់បង់ក្លឹបដែលជាកេររបស់ឪពុកនាងគឺលោកគ្រូ ឯម ចន្ទសុផល ជាស្ថាបនិក និងជាគ្រូបង្ហាត់ប្រដាល់ដ៏ល្បីល្បាញ។
លោកគ្រូប្រដាល់ ឯម ច័ន្ទសុផល ដែលជាឪពុករបស់កញ្ញា ផល លក្ខិណា ជាស្ថាបនិកប្រដាល់គុនខ្មែរ«និរោធមានជ័យ»និង«ថ្មគោលពោធិ៍សែនជ័យ»ដែលបានបណ្តុះបណ្តាល និងបង្កើតកីឡាករប្រដាល់គុនខ្មែរជាច្រើនដែលមានមួយចំនួនបានឈ្នះខ្សែក្រវាត់ និងជាជើងឯកជាតិ៕
អត្ថបទ៖ វីរបុត្រ
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម១ សប្តាហ៍ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ២ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ៦ ថ្ងៃ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ