ប៉ះគ្នាលើកទី១ ណុប បាយ៉ារិទ្ធ សរសើរ មូន ម៉ារ៉ា ថាសម្លេងស៊ីគ្នាដែរតើ!

ទោះបីជាកន្លងមកស្ងប់ស្ងាត់ពីសិល្ប:មួយរយ: តែតារាចម្រៀងប្រុសលោក មូន ម៉ារ៉ា ហាក់នៅតែមិនទាន់ទៅណាឆ្ងាយពីវិស័យមួយនេះទេ។ ជារឿយៗគេតែងឃើញលោកបញ្ចេញស្នាដៃបទចម្រៀងថ្មីៗនៅលើបណ្តាញសង្គមពិសេស គឺលោកនៅតែបង្ហាញឆន្ទ:វិលចូលវិស័យចម្រៀងវិញ។

ជាការពិតម្ចាស់បទ”កាដូគ្មានន័យ” លោក មូន ម៉ារ៉ា ត្រូវបានទស្សនិកជនកត់សម្គាល់ថា មកទល់ពេលនេះលោកបានឃ្លាតឆ្ងាយពីអាជីពសិល្បៈមានរយៈពេលយូរឆ្នាំមកហើយក្រោយពេលតារាប្រុសរូបនេះបានសំងំសាងសុខភមង្គលគ្រួ សារយ៉ាងមានសេចក្តីសុខ និងកក់តៅក្តៅបំផុតក្រោយពេលរៀបអាពាហ៍ពិពាហ៍ជាច្រើនឆ្នាំកន្លងទៅ។

ដោយឡែកងាកមកមើលកាលថ្មីៗនេះ តារាចម្រៀងលោក មូន ម៉ារ៉ា បានបង្ហោះរូបភាព១សន្លឹកពេលជួបគ្នាជាមួយតារាចម្រៀងលោក ណុប បាយ៉ារិទ្ធ ធ្វើឲ្យអ្នកគាំទ្រចាប់អារម្មណ៍គ្រប់គ្នា។ កាន់តែចាប់អារម្មណ៍ថែមទៀតលោក មូន ម៉ារ៉ា ក៏បានប្រកាសពីការទទួលច្រៀងនៅគ្រប់កម្មវិធីទាំងអស់។

អារម្មណ៍ពិតរបស់លោក មូន ម៉ារ៉ា ពេលជួបគ្នាលើកដំបូងក្នុងការបង្ហើរសំនៀងជាមួយលោក ណុប បាយ៉ារិទ្ធ បានទម្លាយ​​ថា ខ្ញុំញញឹមពេល ណុប បាយ៉ារិទ្ធ និយាយថា យើងច្រៀងរួមគ្នាលើកទី១ តែសំឡេងយើងស៊ីគ្នាដែរតើ។ ហាហា ចង់ប្រាប់ទៅហ្វែនៗ និងថៅកែៗថា ខ្ញុំនៅច្រៀង និងទទួលច្រៀងគ្រប់កម្មវិធីគ្រប់ទីកន្លែង។

លោក មូន ម៉ារ៉ា ថ្វីត្បិតអាជីពសិល្បៈរបស់លោកនាពេលកន្លងមកស្ទើរបាត់មុខទាំងស្រុងក្រោយពេលដាក់ខ្លួនចូលប្រឡូកលើវិស័យមួយនេះយ៉ាងជោគជ័យ ចាប់តាំងពីអំឡុងឆ្នាំ២០០០យ៉ាងក្តី ប៉ុន្តែសម្រាប់ប្រជាប្រិយភាពនិងការគាំទ្រតារាប្រុសរូបនេះបច្ចុប្បន្ននៅតែរក្សាបានមិនចាញ់គ្រាដែលលោកកំពុងល្បីឈ្មោះនោះឡើយ៕

អត្ថបទ៖ ចាន់រ៉ា