កីឡា
សូហ្វតិន្នីសកម្ពុជា ពាំនាំមេដាយពីក្រៅប្រទេស ១ គ្រឿង ត្រៀមមុនស៊ីហ្គេម ២០២៣
អត្តពលិកសូហ្វតិន្នីសកម្ពុជា ដណ្តើមបានមេដាយសំរិទ្ធ ០១ គ្រឿង ពីការប្រកួតព្រឹត្តិការណ៍ កីឡាសូហ្វតិន្នីស 2022 NH Nonghyup Bank Incheon Korea Cup International Soft Tennis Tournament នៅទីក្រុង Incheon សាធារណៈរដ្ឋកូរ៉េ។
ឆ្លងកាត់លទ្ធផលពីប្រកួតខាងលើ គឺអាចឆ្លុះបញ្ចាំងឱ្យឃើញពីកម្រិតបច្ចេកទេស និងការវាស់ស្ទង់សមត្ថភាពរបស់កីឡាករ កីឡាការិនីកម្ពុជា ដ្បិតឆ្នាំនេះ សហព័ន្ធកីឡាសូហ្វតិន្នីសកម្ពុជា បានជ្រើសរើស និងបញ្ជូនយុវជនក្មេងៗ ជំនួសកីឡាករជើងចាស់ចំនួន ០៥ រូប ដែលតែងតែបញ្ចូនទៅប្រកួតប្រជែងជារៀងរាល់លើក។
លទ្ធផលនេះ អាចចាត់ទុកជាសមិទ្ធផលថ្មីមួយ ដែលក្រុមយុវជនសូហ្វតិន្នីសវ័យក្មេងរបស់កម្ពុជា អាចប្រកួតប្រជែងជាមួយកីឡាករ កីឡាការិនី មកពីបណ្តាប្រទេសក្នុងតំបន់អាស៊ីបាន ដូចជា៖ ជប៉ុន ចិនតៃប៉ិ ម៉ុងហ្គោលី ចិន ឥណ្ឌា នេប៉ាល់ ប៉ាគីស្ថាន កម្ពុជា ថៃ ហ្វីលីពីន និងម្ចាស់ផ្ទះកូរ៉េខាងត្បូង។
សូមបញ្ជាក់ថា ក្រៅពីចូលរួមប្រកួតក្នុង ព្រឹត្តិការណ៍ The 2022 NH Nonghyup Bank Incheon Korea Cup International Soft Tennis Tournament កីឡាករ កីឡាការិនីជម្រើសជាតិសូហ្វតិន្នីសកម្ពុជា ក៏បានចូលរួមបោះជំរំហ្វឹកហាត់ជាមួយអត្តពលិកផ្សេងទៀតមកពីច្រើនប្រទេសជុំវិញពិភពលោករយៈពេល ០២ សប្តាហ៍ មុនការប្រកួតដែលបានចាប់ផ្តើមពីថ្ងៃទី ១៤ ដល់ថ្ងៃទី ២០ ខែកញ្ញា ឆ្នាំ ២០២២។
កីឡាករ កីឡាការិនីជម្រើសជាតិសូហ្វតិន្នីសកម្ពុជា ក៏បានធ្វើមាតុភូមិវត្តមកដល់មាតុប្រទេសវិញហើយ កាលយប់ថ្ងៃទី ២១ ខែកញ្ញា ឆ្នាំ ២០២២។ សូហ្វតិន្នីស ក៏ជាកីឡាដែលត្រូវប្រកួតក្នុងស៊ីហ្គេម លើកទី ៣២ ឆ្នាំ ២០២៣ នៅកម្ពុជាផងដែរ៕
អត្ថបទ៖ មន្នីរ័ត្ន
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៥ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៧ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ