ព័ត៌មានអន្ដរជាតិ
ផ្ទុះក្នុងរោងចក្រផលិតអាវុធនៅអឺរ៉ុបខាងកើត បណ្តាលឲ្យមនុស្សស្លាប់
ការផ្ទុះនៅរោងចក្រផលិតអាវុធប៊ុលហ្គារី ភាគខាងកើតទ្វីបអឺរ៉ុប បានបណ្តាលឲ្យមនុស្សចំនួន ៣នាក់ស្លាប់ និងម្នាក់ទៀតរងរបួស ហើយបានបំផ្លិចបំផ្លាញអគារជាច្រើន និងជំរុញឲ្យមានការជម្លៀសមនុស្សចេញពីទីតាំងនោះទាំងស្រុង។
រដ្ឋអាជ្ញាស្រុកនិយាយថា ការផ្ទុះនេះបានកើតឡើងកាលពីថ្ងៃអង្គារទី០៤ខែតុលា នៅរោងចក្រមួយដែលដំណើរការដោយក្រុមហ៊ុនផលិតអាវុធ Arsenal ក្នុងទីក្រុង Kazanlak។
វីដេអូបន្ទាប់ពីការផ្ទុះ ត្រូវបានចែកចាយតាមអ៊ីនធឺណិត ដោយបង្ហាញពីផ្សែងដ៏ក្រាស់ ហុយចេញពីរោងចក្រសព្វាវុធកាលពីរសៀលថ្ងៃអង្គារ។
ក្រុមហ៊ុនផលិតអាវុធឈានមុខរបស់ប៊ុលហ្គារីមួយនេះ បានផលិតអាវុធធុនតូច គ្រឿងផ្ទុះ និងគ្រាប់រំសេវជាច្រើនប្រភេទ ហើយជាក្រុមហ៊ុនដែលមានចំណែកក្នុងការផ្គត់ផ្គង់អាវុធដល់យោធាអ៊ុយក្រែន នៅតំបន់មួយចំនួនអំឡុងពេលផ្ទុះជម្លោះជាមួយរុស្ស៊ី។
ស្របពេលមានមន្ទិលសង្ស័យអំពីការលបវាយប្រហារ អាជ្ញាបានចេញមុខអះអាងថា មូលហេតុនៃការផ្ទុះគឺបណ្តាលមកពីការមិនគោរពតាមបទប្បញ្ញត្តិសុវត្ថិភាពរបស់រោងចក្រ ហើយឧបទ្ទវហេតុនេះ ផ្តើមចេញនៅខាងក្នុងឃ្លាំងផលិតកាំជ្រួច។
ឧប្បត្តិហេតុដែលបណ្តាលឲ្យមនុស្សស្លាប់ជាច្រើនលើក បានកើតឡើងនៅរោងចក្រផលិតអាវុធប៊ុលហ្គារីចាប់តាំងពីឆ្នាំ២០១៨មក ដោយអគ្គិភ័យដ៏សាហាវនៅរោងចក្រ Kazanlak ដដែលនេះកាលពីឆ្នាំ២០២១ បានសម្លាប់បុគ្គលិកម្នាក់។
យោងតាមកាសែត Washington Post បានឲ្យដឹងថា មនុស្សប្រហែល ២០នាក់ផ្សេងទៀតបានបាត់បង់ជីវិតក្នុងគ្រោះថ្នាក់ស្រដៀងគ្នានេះ ក្នុងរយៈពេលប៉ុន្មានឆ្នាំចុងក្រោយ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ អ៊ុយក្រែន អះអាងបាញ់កម្ទេច នាវារុស្ស៊ីដែល ដឹកអាវុធនៅ សមុទ្រខ្មៅ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង