Connect with us

ព័ត៌មានអន្ដរជាតិ

ចារកម្ម អាមេរិក ថា អ៊ុយក្រែន ជាអ្នកសម្លាប់កូនស្រីមនុស្សជំនិតរបស់លោក ពូទីន

បានផុស

នៅ

ចារកម្មអាមេរិកជឿថា ការបំផ្ទុះគ្រាប់បែករថយន្តនៅទីក្រុងមូស្គូដែលបានសម្លាប់នាង Darya Dugina កូនស្រីរបស់លោក Aleksander Dugin ដែលជាមនុស្សជំនិតលោកប្រធានាធីបតី វ្ល៉ាឌីមៀ ពូទីន កាលពីខែសីហា មានជាប់ពាក់ព័ន្ធនឹងរដ្ឋាភិបាលអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះកាសែត New York Times ក៏បានរាយការណ៍កាលពីពេលថ្មីៗនេះដែរថា ផ្នែកខ្លះនៃរដ្ឋាភិបាលអ៊ុយក្រែនបានអនុញ្ញាតឲ្យមានការវាយប្រហារដោយគ្រាប់បែកក្នុងរថយន្តសម្លាប់អ្នកកាសែតរុស្ស៊ីវ័យ ៣០ ឆ្នាំរូបនេះ” ។

មន្ត្រីចារកម្មអាមេរិកដែលសុំមិនបញ្ចេញឈ្មោះបានអះអាងថា ទីក្រុងវ៉ាស៊ីនតោនមិនបានជាប់ពាក់ព័ន្ធក្នុងមធ្យោបាយណាមួយនៃប្រតិបត្តិការនេះឡើយ និងបានប្រឆាំងដាច់ខាតនឹងផែនការទាំងអស់ ហើយ​ក្រោយ​មក​សហរដ្ឋ​អាមេរិកក៏បានព្រមាន​មន្ត្រី​អ៊ុយក្រែន​ជុំវិញហេតុការណ៍ដ៏រន្ធត់នេះផងដែរ រួមទាំងផែនការធ្វើឃាតឪពុករបស់នាងគឺលោក Aleksander Dugin ដូចគ្នា ។

ស្របពេលជាមួយគ្នានេះ រុស្ស៊ីក៏​បានស្ដី​បន្ទោស​ចារកម្ម​អ៊ុយក្រែន​ចំពោះ​ការ​សម្លាប់​នេះផងដែរ ប៉ុន្តែទីប្រឹក្សា​ប្រធានាធិបតី​អ៊ុយក្រែន​លោក Mykhailo Podolyak បាន​បដិសេធ​ថា ​ប្រទេស​របស់​លោក​មិន​ជាប់​ពាក់ព័ន្ធនឹងករណីណាមួយក្នុងហេតុការណ៍នោះទេ ។

គួររំឭកថា ឧបទ្ទវហេតុនៃការផ្ទុះឆេះរថយន្តម៉ាក Land Cruiser Prado ដែលសម្លាប់នាង Darya Dugina បានកើតឡើងកាលពីថ្ងៃទី ២០ ខែសីហា នៅលើផ្លូវហាយវេមួយកន្លែងចម្ងាយប្រហែល ២០ គីឡូម៉ែត្រភាគខាងលិចនៃទីក្រុងមូស្គូ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ អាមេរិក ចោទមហាអំណាច ២ នេះថាបើកដៃឲ្យ កូរ៉េខាងជើង បាញ់មីស៊ីល

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម