ព័ត៌មានអន្ដរជាតិ
ជនស៊ីវិលស្លាប់និងរបួសជិត៦,០០០នាក់ដោយសារការប្រយុទ្ធគ្នានៅ អាហ្វហ្គានីស្ថាន
អង្គការសហប្រជាជាតិបាននិយាយថា ជនស៊ីវិលអាហ្វហ្គានីស្ថានជិត៦,០០០នាក់ត្រូវបានសម្លាប់ឬរងរបួសក្នុងរយៈពេល៩ខែដំបូងនៃឆ្នាំនេះខណៈការប្រយុទ្ធគ្នាយ៉ាងខ្លាំងក្លារវាងកងកម្លាំងរដ្ឋាភិបាលនិងក្រុមតាលីបង់បានបន្តកើនឡើងថ្វីបើមានកិច្ចខិតខំប្រឹងប្រែងដើម្បីស្វែងរកសន្តិភាពក៏ដោយ។
បេសកកម្មជំនួយរបស់ UN ប្រចាំនៅអាហ្វហ្គានីស្ថាន (UNAMA) បាននិយាយក្នុងរបាយការណ៍ប្រចាំត្រីមាសកាលពីថ្ងៃអង្គារថា ចាប់ពីខែមករាដល់ខែកញ្ញា មានជនស៊ីវិលចំនួន៥,៩៣៩នាក់រងគ្រោះនៅក្នុងការប្រយុទ្ធគ្នាដោយមនុស្សចំនួន២,១១៧នាក់បានស្លាប់និង៣,៨២២នាក់រងរបួស។
របាយការណ៍នេះនិយាយថា “អំពើហិង្សាកម្រិតខ្ពស់នៅតែបន្តមានឥទ្ធិពលនិងបំផ្លិចបំផ្លាញទៅលើជនស៊ីវិលខណៈអាហ្វហ្គានីស្ថាននៅតែស្ថិតក្នុងចំណោមកន្លែងដែលមានជនស៊ីវិលស្លាប់ច្រើនបំផុតនៅលើពិភពលោក” ។
ទោះបីជាយ៉ាងណាក៏ដោយ ការស្លាប់និងរបួសជនស៊ីវិលនេះគឺទាបជាង៣០ភាគរយបើប្រៀបធៀបទៅនឹងរយៈពេលដូចគ្នាកាលពីឆ្នាំមុនប៉ុន្តែ UNAMA និយាយថា អំពើហិង្សាមិនបានថយចុះទេចាប់តាំងពីកិច្ចពិភាក្សារវាងអ្នកចរចារដ្ឋាភិបាលនិងក្រុមតាលីបង់បានចាប់ផ្តើមនៅក្នុងរដ្ឋធានី ដូហា របស់ប្រទេស កាតារ កាលពីខែមុន។
ក្រុមតាលីបង់បានទទួលខុសត្រូវចំពោះការស្លាប់និងរបួសជនស៊ីវិល៤៥ភាគរយខណៈកងទ័ពរដ្ឋាភិបាលទទួលខុសត្រូវ២៣ភាគរយចំណែកកងកម្លាំងអន្តរជាតិដែលដឹកនាំដោយសហរដ្ឋអាមេរិកទទួលខុសត្រូវ២ភាគរយ។
ការស្លាប់និងរបួសដែលនៅសេសសល់ភាគច្រើនបានកើតឡើងក្នុងការបាញ់ឆ្លងដែនឬបណ្តាលមកពីក្រុម ISIL (ISIS) ឬក្រុមប្រឆាំងនិងគាំទ្ររដ្ឋាភិបាល។
បេសកកម្មរបស់ UN បាននិយាយថា ការប្រយុទ្ធគ្នាលើដីគោកបានបណ្តាលឲ្យមានមនុស្សស្លាប់និងរបួសច្រើនបំផុតដូចជាការវាយប្រហារអត្តឃាតនិងការបំផ្ទុះគ្រាប់បែកតាមដងផ្លូវហើយបន្ទាប់មកទៀតមានការសម្លាប់ដោយក្រុមតាលីបង់និងការវាយឆ្មក់ពីអាកាសដោយកងទ័ពអាហ្វហ្គានីស្ថានជាដើម។
ក្រុមតាលីបង់បាននិងកំពុងប្រយុទ្ធប្រឆាំងនឹងរដ្ឋាភិបាលអាហ្វហ្គានីស្ថានចាប់តាំងពីខ្លួនត្រូវបានផ្តួលរំលំពីអំណាចក្នុងការឈ្លានពានដឹកនាំដោយសហរដ្ឋអាមេរិកនៅឆ្នាំ២០០១។
ទីក្រុងវ៉ាស៊ីនតោនបានស្តីបន្ទោសអតីតមេដឹកនាំតាលីបង់ថាបានផ្តល់កន្លែងជ្រកកោនដល់បណ្តាមេដឹកនាំក្រុមអាល់កៃដារួមទាំងលោក Osama bin Laden ផងដែរ។ ក្រុមអាល់កៃដាត្រូវបានចោទប្រកាន់ពីបទរៀបចំផែនការវាយប្រហារនៅថ្ងៃទី១១ខែកញ្ញា៕
ប្រែសម្រួលដោយ៖ Vann Vann
ប្រភព៖ Al Jazzera
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៧ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ៧ ថ្ងៃ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ