Jennie បង្ហាញអារម្មណ៍រំភើប និងចង់សម្ដែងរឿងថ្មីបន្ថែមទៀតនាពេលអនាគត

ជាលើកដំបូងដែល Jennie សមាជិកក្រុម Blackpink បានក្លាយជាតារាសម្ដែងតាមរយៈរឿង “The Idol” របស់ The Weeknd ហើយនាងក៏បានបង្ហាញអារម្មណ៍រំភើប និងចង់សម្ដែងរឿងបន្ថែមទៀតផងដែរនាពេលអនាគត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងបទសម្ភាសន៍ជាមួយទស្សនាវដ្តី Elle ដើម្បីផ្សព្វផ្សាយគម្រោងភាពយន្ត “The Idol” ដែលនឹងចេញនៅថ្ងៃទី ២២ ខែធ្នូ និងក្នុងខែមករា ឆ្នាំ២០២៣, Jennie បានចែករំលែកអំពីបទពិសោធន៍របស់នាងដែលធ្វើការនៅក្នុងការសម្តែងនេះ ក៏ដូចជាគោលដៅអនាគតរបស់នាងក្នុងនាមជាតារាសម្តែង ។

នៅពេលសួរថាតើនាងចាប់អារម្មណ៍លើគម្រោងភាពយន្តថ្មីនាពេលអនាគតឬអត់, Jennie បានឆ្លើយតបទៅវិញថា ”បទពិសោធន៍នៃការថតរឿង The Idol បានបើកឱកាសមួយសម្រាប់ខ្ញុំក្នុងការបង្ហាញពីខ្លួនឯងជាតារាសម្តែង” ។

នាងបានបន្តទៀតថា ”ជាពិសេសខ្ញុំក៏បានរៀនច្រើនពីតារាសម្តែង Lily-Rose Depp ពេលកំពុងថតរឿងនេះ ។ ដូច្នេះខ្ញុំត្រៀមខ្លួនជានិច្ច ខ្ញុំ​ស្រឡាញ់​វា ខ្ញុំ​ស្រឡាញ់​បទពិសោធន៍​ដែល​ខ្ញុំ​រៀនទាំងនេះ​” ។

ទោះបីជានេះជាការសម្តែងជាលើកដំបូងរបស់ Jennie ក៏ដោយ ប៉ុន្តែនាងត្រូវបានលោក Sam Levinson ដែលជាអ្នកដឹកនាំរឿង និងជាផលិតករផងនោះ បានបង្ហាញចំណាប់អារម្មណ៍ លើការសម្ដែងដំបូងរបស់នាង ហើយបានពោលសរសើរនាងយ៉ាងខ្លាំងលើសការរំពឹងទុកចំពោះការសម្តែងរបស់ Jennie ផងដែរ ៕

ប្រែសម្រួល ៖ នាងតូច

ចុចអាន ៖ Park JinYoung សមាជិក GOT7 នឹងចេញអាល់ប៊ុមទោល ក្នុងពេលឆាប់ៗនេះ