ជីវិតកម្សាន្ដ

រ៉ូលីន ហួសចិត្តចំពោះសម្ដីមនុស្សប្រុសមួយចំនួនផ្លែផ្កាសើចចំអកចរិតរបស់ខ្លួន

បានផុស

៤ years មុន

នៅ

ថ្ងៃសុក្រ ១៨ វិច្ឆិកា ២០២២

ដោយ

តារាពហុជំនាញលោក ជួបច័ន្ទ កក្កដា ហៅ រ៉ូលីន បង្ហាញអារម្មណ៍មិនសប្បាយចិត្ត បន្ទាប់ពីត្រូវបានបុគ្គលមួយចំនួនហាក់រើសអើង និងមិនឲ្យតម្លៃលើអត្តចរិតរបស់ខ្លួនដែលនិយមការតុបតែងខ្លួនលក្ខណៈជាមនុស្សស្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពីកើតមានករណីសើចចំអកផ្លែផ្កានេះឡើង តារាសម្ដែង និងចម្រៀងលោក រ៉ូលីន បានចេញមុខប្រតិកម្មតបវិញថា អស់ឱលោកបងប្រុសសុទ្ធអើយ! ឃើញខ្ញុំដើរកាត់ធ្វើជាប្ដូរសំឡេងម្ញ៉ែម្ញ៉ក់ ស្រែកបែបឡកឡាយ ខ្ញុំសែនអនិច្ចាណាស់ ចរិតបែបហ្នឹងបានជារស់នៅត្រឹមកម្រិតហ្នឹង។ ខ្ញុំស្រីមិនស្រី ប្រុសមិនប្រុសមែន តែខ្ញុំឲ្យពុកម៉ែខ្ញុំរស់ស្រួលណាស់! ចុះអ្នកឯងប្រុសសុទ្ធហ្នឹង បានអីឲ្យលោកអ្នកមានគុណរស់ស្រួលនៅ ឬក៏ចិញ្ចឹមខ្លួនឯងមិនចង់រស់ផង?។

រ៉ូលីន បាននិយាយបន្តទៀតថា ឈប់ទៅខ្ញុំសុំ គេជាភេទអ្វីក៏ដោយ មិនបាច់ចំអកគេទេ រស់នៅតែខ្លួនឯងឲ្យស្រួលទៅ ហើយបន្តភាពជាប្រុសសុទ្ធរបស់ខ្លួនឲ្យល្អណា! កុំឲ្យត្រុកៗ មួយខែបានប្រាក់ខែមិនស្មើម្នាក់ធ្វើស្រីមិនស្រី ប្រុសមិនប្រុស ច្រៀងត្រឹម ១ ម៉ោង ឲ្យសោះណា។

ដោយឡែកក៏មានការបញ្ចេញមតិទៅកាន់ រ៉ូលីន ដែរថា ប្រុសគេពិតគេមិនខ្វល់ឌឺដងទៅអ្នកដទៃរឿងអ៊ីចឹងៗទេបង គេហៅអាញី ហេង ស៊យ ផ្ដុំតែក្បាលគ្នាជល់កែវ អាឡេអាឡូណឹង។

សូមជម្រាបដែរថា បើរំឭកទៅកាន់ការចាប់ផ្ដើមចូលក្នុងវិស័យសិល្បៈរបស់ រ៉ូលីន ត្រូវបានមហាជនអ្នកលេងបណ្ដាញសង្គមហ្វេសប៊ុកស្គាល់តាំងពីគាត់បង្កើតវីដេអូបែបកម្សាន្តជាមួយនឹងម្ចាស់ហាងថតរូប Photo City អំឡុងឆ្នាំ ២០១១ មកម្ល៉េះ។ កាលនោះ រ៉ូលីន ត្រូវបានជាប់ឈ្មោះជា Miss Photo City ដែលតែងបង្ហាញការសម្ដែងជាបវរកញ្ញាគ្រងមកុដយ៉ាងស្រស់ស្អាត៕

អត្ថបទ ៖ ចាន់រ៉ា