ព័ត៌មានជាតិ
អង្គការអាមេរិកមួយ សន្យាជួយបណ្ដុះបណ្ដាលជំនាញវះកាត់ភ្នែកឡើងបាយតាមបែបទំនើបដល់គ្រូពេទ្យកម្ពុជា
អង្គការHelpMesee ដែលជាអង្គការមិនរកប្រាក់ចំណេញ មានទីស្នាក់ការនៅទីក្រុង NeW York សហរដ្ឋអាមេរិក បានសន្យាថា នឹងជួយបណ្ដុះបណ្ដាលជំនាញវះកាត់ភ្នែកឡើងបាយតាមបែបទំនើបដល់គ្រូពេទ្យកម្ពុជា ដើម្បីឲ្យពួកគេមានសមត្ថភាពក្នុងការវះកាត់កាន់តែមានប្រសិទ្ធភាពខ្ពស់បន្ថែមទៀត។
ការសន្យានេះបានធ្វើឡើងក្នុងជំនួបពិភាក្សាការងាររវាងលោកវេជ្ជបណ្ឌិត Jean Mari Andre តំណាងអង្គការ HelpMesee និងលោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល កាលពីរសៀលថ្ងៃទី ២ ខែធ្នូ ឆ្នាំ ២០២២ នៅទីស្ដីការក្រសួង។
នៅក្នុងជំនួបនោះ លោកវេជ្ជបណ្ឌិត Jean Mari Andre បានជម្រាបជូនលោករដ្ឋមន្ត្រីថា អង្គការHelpMesee មានចក្ខុវិស័យក្នុងការជួយលុបបំបាត់ភាពពិការភ្នែក ដែលបង្កដោយជំងឺភ្នែកឡើងបាយ តាមរយៈការបណ្ដុះបណ្ដាលវេជ្ជបណ្ឌិតឯកទេស ចក្ខុរោគអំពីរបៀបវះកាត់ Manual small Incision Cataract Surgery(MSICS) ហើយស្ថាបនិក នៃអង្គការនេះ គឺលោក Albert L Ueltschi ជាស្ថាបនិក នៃក្រុមហ៊ុន FlightSafety International ផងដែរ បាននាំមកនូវបទពិសោធន៍ នៃការបណ្ដុះបណ្ដាលអ្នកបើកបរយន្តហោះ ដោយប្រើបច្ចេកវិទ្យាបង្ហាញត្រាប់(Simulation based aviation) ដើម្បីបង្កើតឡើងនូវម៉ាស៊ីនសម្រាប់បណ្ដុះបណ្ដាលបង្ហាញត្រាប់សម្រាប់វះកាត់ភ្នែក(Simulation based Eye Surgery Simulator)។
លោកវេជ្ជបណ្ឌិតបានបន្តថា ពេលនេះអង្គការ មានបំណងនាំយកនូវបច្ចេកវិទ្យានេះមកដល់កម្ពុជា ដើម្បីជួយបណ្ដុះបណ្ដាលវេជ្ជបណ្ឌិតនៅកម្ពុជា ក្នុងការវះកាត់ភ្នែកឡើងបាយឲ្យកាន់តែមានប្រសិទ្ធភាពខ្ពស់ថែមទៀត។
លោកសាស្ត្រាចារ្យ ម៉ម ប៊ុនហេង បានវាយតម្លៃខ្ពស់ និងថ្លែងអំណរគុណដល់លោក Jean Mari Andre ដែលបានផ្តល់ព័ត៌មានដ៏មានសារៈសំខាន់នេះ ដោយលោករដ្ឋមន្ត្រីចាត់ទុកថា ការបណ្ដុះបណ្ដាលបង្ហាញត្រាប់តាមរយៈម៉ាស៊ីន Simulation based Eye Surgery Simulator នេះ ពិតជានឹងជួយលើកកម្ពស់សមត្ថភាពរបស់និស្សិត និងគ្រូពេទ្យរបស់យើងឲ្យកាន់តែមានភាពស្ទាត់ជំនាញ មុននឹងធ្វើការវះកាត់លើអ្នកជំងឺជាក់ស្ដែង។
លោករដ្ឋមន្ត្រី បានណែនាំឲ្យអង្គការ HelpMesee សហការជាមួយសាកលវិទ្យាល័យវិទ្យាសាស្ត្រសុខាភិបាល មន្ទីរពេទ្យមិត្តភាពខ្មែរ-សូវៀត និងមន្ទីរពេទ្យព្រះអង្គឌួង ក្នុងការរៀបចំបណ្ដុះបណ្ដាល និស្សិត និងលោក លោកស្រីវេជ្ជបណ្ឌិតឯកទេសចក្ខុរោគឲ្យបានច្រើន នាពេលអនាគតខាងមុខ។
លោកវេជ្ជបណ្ឌិតJean Mari Andre បានសន្យាថា នឹងខិតខំរៀបចំស្នើសុំទៅស្នាក់ការកណ្ដាលរបស់អង្គការ HelpMesee នៅទីក្រុង NewYork ដើម្បីអនុវត្តគម្រោងនេះនៅកម្ពុជា៕
អត្ថបទ ៖ សំអឿន
ពេលប្រទេសជាតិមានជម្លោះព្រំដែនមានតែ បក្សប្រជាជនតែមួយគត់ ចេញមុខការពារបូរណភាពទឹកដី
ស្របនឹងមានការលើកឡើងពីការធ្វើទុក្ខបុកម្នេញនៅថៃ ក្រសួងការងារ អំពាវនាវឱ្យពលករខ្មែរវិលមកស្រុកកំណើតវិញ
ទូតឥណ្ឌូនេស៊ី ថាពិភពលោកគួររៀនសូត្រ និងយកគំរូតាមកម្ពុជា ក្នុងការធ្វើឱ្យមានសុខដុមនីយកម្មជាតិសាសន៍ និងសាសនា
អាជ្ញាធរនឹងបិទការធ្វើចរាចរណ៍កំណាត់មហាវិថីព្រះនរោត្តម និងបរិវេណជុំវិញវិមាន៧មករា នៅព្រឹកថ្ងៃទី២៦ ខែកក្កដា
ក្រុម ភ្នំពេញហ្គាឡាក់ស៊ី ព្រះសីហនុ រកបាន៣ពិន្ទុ ខណៈ កណ្តាល ស្មើ កំពង់ស្ពឺ ពានសម្តេចតេជោថ្នាក់ខេត្ត
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
កម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
ដំបូង ថៃថា មីនដែលទាហានខ្លួនជាន់ ជាមីនចាស់ពិបាករាវរក ចុះម្តេចឥឡូវរកឃើញមីនថ្មីៗ ស្រួលម្ល៉េះ?
ភូមិភាគ២ថៃ ប្តូរវិធីសាស្រ្តល្បាត ប្រហែលខ្លាចជាន់មីន បង្កប់ដោយខ្លួនឯង
ជនលួចវាយទាហានខ្មែរហើយរត់ ជាប់គុកតែ១៥ថ្ងៃ និងពិន័យប្រាក់តិចតួចប៉ុណ្ណោះ
-
ព័ត៌មានអន្ដរជាតិ២ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ៣ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ១៣ ម៉ោង agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
បច្ចេកវិទ្យា៦ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានជាតិ១ ថ្ងៃ agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៦ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
សន្តិសុខសង្គម៣ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន