វប្បធម៌ ជំនឿ

២០២៣ កាន់តែកៀក ឆ្នាំទាំង ១២ ត្រូវប្រញាប់បង្កើនសំណាង លើករាសីតាមវិធីនេះ

បានផុស

៣ years មុន

នៅ

ថ្ងៃព្រហស្បតិ៍ ១៥ ធ្នូ ២០២២

ដោយ

ឆ្នាំ ២០២៣ កាន់តែកៀកជិតមកដល់នាពេលខាងមុខនេះ ក្នុងនោះមានឆ្នាំខ្លះអាចនឹងឡាក់ឆុងជាមួយឆ្នាំថោះ ធ្វើឲ្យមានសំណាងមិនល្អ ជួបគ្រោះដោយប្រការណាមួយ។ ទោះបីជាមានឆ្នាំខ្លះឆុងនឹងថោះ ប៉ុន្តែ គ្រូ ណុប មានគន្លឹះសម្ងាត់ ដើម្បីជួយពង្រឹងជោគវាសនារាសីទាំង ១២ សម្រាប់ខែធ្នូចុងឆ្នាំ២០២២ ឈានចូល២០២៣ បង្កើនលាភចូលឆ្នាំក្នុងទិដ្ឋភាពផ្សេងៗដូចខាងក្រោម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្នាំជូត ត្រូវឧស្សាហ៍ធ្វើបុណ្យប្រគេនចង្ហាន់ដល់ព្រះសង្ឃ ដើម្បីការងារនិងលុយកាក់កាន់តែមានស្ថិរភាពជាងមុន ឬល្អជាងឆ្នាំចាស់។

ឆ្នាំឆ្លូវ ថ្វាយបង្គំព្រះ ឧស្សាហ៍សូមបួងសួងឲ្យរឿងល្អៗកើតឡើង និងជួយលុបបំបាត់បញ្ហាផ្សេងៗដែលកំពុងតែកើតឡើងក្នុងជីវិត។

ឆ្នាំខាល បន្តការអធិស្ឋាន បួងសួងដើម្បីផ្សព្វផ្សាយសេចក្ដីសប្បុរស លើកកម្ពស់ភាពជោគជ័យ និងមានរង្វង់មិត្តល្អដូចគេឯងវិញ។

ឆ្នាំថោះ ធ្វើបុណ្យដោយការថ្វាយដង្វាយជាគូ ដូចជាថូផ្កា ផ្លែឈើ ឬវត្ថុផ្សេងៗ ដើម្បីមានអ្នកគាំទ្រជួយថ្ងៃខាងមុខ។

ឆ្នាំរោង ធ្វើបុណ្យដោយការចូលថវិកាកសាងវត្តអារាម សាលារៀន ដើម្បីឲ្យជីវិតក្នុងអាជីពការងារកាន់តែរលូន ចំណែកលុយកាក់ និងស្នេហាក៏សម្រេចបានល្អនឹងគេវិញ។

ឆ្នាំម្សាញ់ បរិច្ចាគទឹកដល់អ្នកខ្សត់ ដើម្បីជួយបង្កើនភាពត្រជាក់ក្នុងជីវិតក្រុមគ្រួសារឲ្យមានសុភមង្គលលើសមុន។

ឆ្នាំមមី ធ្វើបុណ្យជួយដល់ជនក្រីក្រ ដើម្បីកាត់បន្ថយទុក្ខលំបាកទាំងឡាយ ដែលជួបនាឆ្នាំ២០២២កន្លងទៅ។

ឆ្នាំមមែ ចូលរួមក្នុងពិធីបួសព្រះសង្ឃ ដើម្បីពង្រឹងសំណាងរបស់អ្នក។ មួយវិញទៀតអាចធ្វើចង្ហាន់យកទៅប្រគេនព្រះសង្ឃនៅឯវត្ត ហើយសុំពរមកវិញ។

ឆ្នាំវក ថ្វាយបង្គំព្រះសីវលី ដើម្បីមានសំណាងហិរញ្ញវត្ថុ និងលុបបំបាត់ឧបសគ្គហិរញ្ញវត្ថុដែលកំពុងជួបកន្លងមក។

ឆ្នាំរកា បរិច្ចាគវត្ថុណាមួយដល់ជនរងគ្រោះដោយគ្រោះមហន្តរាយ ដើម្បីឲ្យមានទ្រព្យសម្បត្តិហិរញ្ញវត្ថុស្ថិតស្ថេរ។ លើសពីនេះ បើអាចសូត្រធម៌ភានាសុំសេចក្ដីសុខចម្រើន ព្រោះឆ្នាំ២០២៣អ្នកនឹងឆុងខ្លាំងជាងគេ។

ឆ្នាំច សូមធ្វើបុណ្យជាមួយចាស់ជរាក្រីក្រ ដើម្បីកាត់បន្ថយកម្មផលចាស់ ចែករំលែកអ្វីដែលអាចចែកបានដល់មនុស្សដែលអត់ជាងយើង។

ឆ្នាំកុរ ត្បិតថាចុងឆ្នាំរាសីអ្នកមិនអាក្រក់ តែយ៉ាងណាក៏ត្រូវថ្វាយបង្គំព្រះ Guan Yin ដើម្បីប្រសិទ្ធពរជ័យ ឲ្យមានចិត្តស្ងប់ មិនឲ្យខ្លាចរឿងអាក្រក់ដែលប៉ងយាយីចូលមកក្នុងជីវិត៕

គ្រូ ណុប

ចុចអាន៖ចូលឆ្នាំ ២០២៣ រកា ជូត មមី និងថោះ ជីវិតឡាក់ឆុងខ្លាំង ត្រូវប្រញាប់កាត់គ្រោះលើករាសី

ចុចអាន៖រូបភាពឃើញមុនគេ អាចទាយដឹងថា អ្នកជាមនុស្សពូកែដោះស្រាយបញ្ហាកម្រិតណា