ចិន មានអ្នកស្លាប់ដោយសារកូវីដ លើកដំបូង ក្នុងរយៈពេលជាង កន្លះខែ

នៅថ្ងៃចន្ទទី១៩ខែធ្នូនេះ ប្រទេសចិន បានរាយការណ៍ជាផ្លូវការអំពីការស្លាប់លើកដំបូងដោយសារជំងឺកូវីដ១៩ ចាប់តាំងពីរដ្ឋាភិបាល បានចាប់ផ្តើមបន្ធូរបន្ថយវិធានការគ្រប់គ្រងប្រឆាំងមេរោគដ៏តឹងរ៉ឹងកាលពីដើមខែនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្លាប់មនុស្សពីរនាក់នៅថ្ងៃចន្ទនេះ គឺជាករណីដំបូងដែលត្រូវបានរាយការណ៍ដោយគណៈកម្មការសុខភាពជាតិ (NHC) ចាប់តាំងពីថ្ងៃទី០៣ខែធ្នូមក ពោលគឺប៉ុន្មានថ្ងៃមុនពេលទីក្រុងប៉េកាំងប្រកាសថា ខ្លួនបានលុបចោលវិធានការទប់ស្កាត់ដ៏តឹងរ៉ឹង ដែលបានបង្កឲ្យមានការតវ៉ារីករាលដាលកាលពីខែមុន។

ជាផ្លូវការ ប្រទេសចិន មានមនុស្សស្លាប់ទាក់ទងនឹងជំងឺកូវីដ១៩ត្រឹមតែ ៥២៣៧នាក់ប៉ុណ្ណោះក្នុងអំឡុងពេលផ្ទុះរោគរាតត្បាត រួមទាំងអ្នកស្លាប់ចុងក្រោយបំផុតចំនួន២នាក់ផងដែរ ដែលតួលេខនេះទាបណាស់ បើគិតទៅនឹងចំនួនប្រជាជនប្រមាណ ១.៤ ពាន់លាននាក់របស់ខ្លួន។

NHC ក៏បានរាយការណ៍អំពីការឆ្លងមេរោគចំនួន១៩៩៥ករណីផងដែរសម្រាប់ថ្ងៃទី១៨ខែធ្នូ បើ ធៀបនឹង២០៩៧ នៅមួយថ្ងៃមុននោះ៕

ប្រែសម្រួល៖ Vann Vann

ប្រភព៖ Money Control

ចុចអាន៖ ចិន បន្ធូរបន្ថយវិធានការកូវីដ បន្ថែមទៀត