ព័ត៌មានអន្ដរជាតិ
ចិន បន្ធូរបន្ថយវិធានការកូវីដ បន្ថែមទៀត (មានវីដេអូ)
ប្រទេសចិននិយាយថា មនុស្សដែលមិនចេញរោគសញ្ញាឬ មានជំងឺកូវីដស្រាល ឥឡូវនេះនឹងអាចធ្វើចត្តាឡីស័កនៅផ្ទះ ជាជាងនៅក្នុងទីតាំងរបស់រដ្ឋ ដែលនេះជាការបន្ធូរបន្ថយដ៏ធំ នៃគោលនយោបាយសូន្យកូវីដរបស់ខ្លួន។
ករណីបែបនេះ នឹងអាចស្នាក់នៅផ្ទះ ហើយរាយការណ៍លទ្ធផលតេស្តដោយខ្លួនឯងបាន។
ប្រទេសនេះ ក៏បានលុបចោលតម្រូវការធ្វើតេស្តម៉ាស៊ីន PCR សម្រាប់ទីតាំងសាធារណៈភាគច្រើនផងដែរ លើកលែងតែមន្ទីរពេទ្យ និងសាលារៀនប៉ុណ្ណោះ។
វិធានការនេះកើតឡើងត្រឹមតែមួយសប្តាហ៍ប៉ុណ្ណោះ បន្ទាប់ពីការតវ៉ាស៊ីវិល ប្រឆាំងនឹងការគ្រប់គ្រងជំងឺរាតត្បាត បានផ្ទុះឡើងនៅទូទាំងប្រទេស។
ការផ្លាស់ប្តូរថ្មីនេះ គឺជាសញ្ញាដ៏រឹងមាំបំផុតដែលបង្ហាញថា ប្រទេសចិនកំពុងងាកចេញឆ្ងាយពីគោលនយោបាយសូន្យកូវីដរបស់ខ្លួន ហើយកំពុងសម្លឹងឆ្ពោះទៅរកការរស់នៅជាមួយមេរោគ ដូចប្រទេសផ្សេងទៀតនៅក្នុងពិភពលោកផងដែរ។
នៅថ្ងៃពុធទី០៧ខែធ្នូនេះ អាជ្ញាធរសុខាភិបាលក៏បានប្រកាសអំពីច្បាប់បន្ធូរបន្ថយថ្មីមួយចំនួនផងដែរ។
ការដាក់កម្រិតដូចជាការបិទខ្ទប់ គួរតែត្រូវបានអនុវត្តចំពោះតំបន់ដែលកំណត់អត្តសញ្ញាណច្បាស់ៗ ឧទាហរណ៍ដូចជាអគារ អង្គភាព និងជាន់មួយចំនួន ដែលផ្ទុយពីសង្កាត់ទាំងមូល ឬការបិទខ្ទប់ទូទាំងទីក្រុង។
តំបន់ដែលមានហានិភ័យខ្ពស់ អាចដកការបិទខ្ទប់ក្នុងរយៈពេលប្រាំថ្ងៃ ប្រសិនបើគ្មានករណីថ្មីត្រូវបានរកឃើញទេនោះ។ សាលារៀនគួរតែបន្តបើកទ្វារ ប្រសិនបើមិនមានការរីករាលដាលក្នុងបរិវេណសាលា។
ទន្ទឹមនោះ អាជ្ញាធរក៏បានសង្កត់ធ្ងន់ពីតម្រូវការ ពន្លឿនការចាក់វ៉ាក់សាំងដល់មនុស្សចាស់ផងដែរ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
ចុចអាន៖ តើ ក្រដាស ស តំណាងឲ្យអ្វី ក្នុងបាតុកម្មដ៏កម្រ នៅ ចិន?
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ១ សប្តាហ៍ ago
ក្រុមហ៊ុនស្វីសមួយ សន្យានាំយកបច្ចេកវិទ្យាទំនើបឈានមុខគេ ដើម្បីចូលរួមអភិវឌ្ឍវិស័យកសិកម្មកម្ពុជា
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន