រឿង Avatar វគ្គពីរ ក្លាយជាខ្សែភាពយន្តទី ៦ ក្នុងប្រវត្តិសាស្ត្រ រកចំណូលលើសពី ២ ពាន់លានដុល្លារ

បន្ទាប់ពីការចេញផ្សាយត្រឹមតែប្រាំមួយសប្តាហ៍ រឿង”Avatar: The Way of Water”ឫ Avatar វគ្គពីរក្លាយជាខ្សែភាពយន្តទី ៦ ក្នុងប្រវត្តិសាស្ត្ររកចំណូលបានចំនួន ២ ពាន់លានដុល្លារក្នុងការលក់សំបុត្រទូទាំងពិភពលោក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងបញ្ជីភាពយន្តទាំង ៦ ក្នុងប្រវត្តិសាស្ត្រខាងលើគេអាចមើលឃើញខ្សែភាពយន្តរកចំណូល បានច្រើនក្នុងអំឡុងពេលជំងឺឆ្លងរាតត្បាតសម័យកូវីដ ដែលខ្សែភាពយន្តរកចំណូលបាន ២ ពាន់លានដុល្លារ ដោយមាន រឿង”Avatar”, រឿង”Avengers: Endgame”, រឿង”Titanic”, រឿង”Star Wars: The Force Awakens” និងរឿង “Avengers: Infinity War” ជាដើម។

ជាមួយគ្នានោះ លោក James Cameron ជាអ្នកដឹកនាំរឿងតែម្នាក់គត់ដែលមានខ្សែភាពយន្តចំនួន៣ លើសពីតម្លៃ ២ ពាន់លានដុល្លារ។ នៅក្នុងនោះមានរឿង Avatar ដែលបានចាក់បញ្ចាំងនៅរោងភាពយន្តកាលពី ១៣ ឆ្នាំមុន នៅតែជាភាពយន្តដ៏ធំបំផុតគ្រប់ពេលជាមួយនឹង ២.៩ ពាន់លានដុល្លារ។ រឿង “Titanic” គឺជាភាពយន្តដែលរកចំណូលបានខ្ពស់បំផុតទីបីដែលមិនធ្លាប់មានជាមួយនឹង ២.១៩ ពាន់លានដុល្លារ។ ជាចុងក្រោយរឿងAvatar: The Way of Water អាចរកចំណូលើសពី ២ ពាន់លានដុល្លារ។

យ៉ាងណាមិញ មកទល់នឹងពេលនេះ Avatar: The Way of Water រកចំណូលបាន ៥៩៨ លានដុល្លារនៅ Box Office ក្នុងស្រុក និង ១.៤ ពាន់លានដុល្លារអន្តរជាតិ។ ទីផ្សារបរទេសដែលលេចធ្លោគឺប្រទេសចិន (២២៩ លានដុល្លារ) បារាំង (១២៩ លានដុល្លារ) អាឡឺម៉ង់ (១១៧ លានដុល្លារ) កូរ៉េខាង ត្បូង (៩៦ លានដុល្លារ) និងចក្រភពអង់គ្លេស (៨១ លានដុល្លារ) និងរកចំណូលបាន (១១៦ លានដុល្លារ)ពីទីផ្សារជប៉ុន ដែលរឿងនេះបានចំណាយប្រាក់ប្រហែល ៤៦០ លានដុល្លារដើម្បីផលិតតែប៉ុណ្ណោះ។

ប្រែសម្រួល៖នាងតូច

ចុចអាន៖NewJeans ក្លាយជាក្រុមចម្រៀងស្រី K-Pop ទីពីរជាប់ឈ្មោះលើតារាងចម្រៀងរបស់ អង់គ្លេស