ព័ត៌មានអន្ដរជាតិ

ភាពយន្ត Avatar: Fire and Ash រកប្រាក់បាន ជាង ១ប៊ីលានដុល្លារពីការលក់សំបុត្រនៅទាំងពិភពលោក

បានផុស

៦ ខែ មុន

នៅ

ថ្ងៃចន្ទ ៥ មករា ២០២៦

ដោយ

រឿង «Avatar: Fire and Ash» ជាភាពយន្តទី៤ របស់ លោក James Cameron ជាអ្នកដឹកនាំសម្តែង ដែលទទួលបានការគាំទ្រយ៉ាងច្រើន និងរកចំណូលបានលើសពី១ប៊ីលានដុល្លារនៅទូរទាំងពិភពលោក ។

លោក James Cameron ឈរខាងឆ្វេង និង លោក Alan Bergman។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសារព័ត៌មាន Reuters ឱ្យដឹងថា ខ្សែភាពយន្តនេះផ្តល់ជូនទស្សនិកជនទៅកាន់ភពផែនដីមួយដ៏គួរឱ្យភ្ញាក់ផ្អើលនៃភព Pandora អាចលក់សំបុត្របានចំនួន ១.០៣ប៊ីលានដុល្លារក្នុងការលក់សំបុត្រទូទាំងពិភពលោក នេះបើតាមក្រុមហ៊ុន Walt Disney Studios និយាយកាលពីថ្ងៃអាទិត្យ។

ជាក់ស្តែង ភាពយន្ត Fire and Ash គឺជាភាពយន្តទី៣ ក្នុងរឿង Avatar ដែលរកចំណូលបានសរុប ៦.៣៥ប៊ីលានដុល្លារ ទូទាំងពិភពលោក។

លោក Paul Dergarabedian ប្រធានផ្នែកទីផ្សារ បានកត់សម្គាល់ថាភាពយន្ត ៣D ដ៏គួរឱ្យភ្ញាក់ផ្អើលដែលមើលឃើញគឺផលិតឡើងសម្រាប់សម្តែងនៅក្នុងរោងកុន ហើយតែងទទួលបានការសរសើរថា៖ «ភាពយន្តទាំងអស់របស់ Avatar បានទាក់ទាញទស្សនិកជនឱ្យមករោងកុនជាបន្តបន្ទាប់»។

គួរឱ្យដឹងផងដែរថា ខ្សែភាពយន្តដំបូងក្នុងរឿង Avatar ដំណើរការក្នុងឆ្នាំ ២០០៩ លក់សំបុត្របានចំនួន ២.៩ប៊ីលានដុល្លារទូទាំងពិភពលោក ក្លាយជាភាពយន្តដែលរកចំណូលបានខ្ពស់បំផុតមិនធ្លាប់មាន បើទោះបីជារឿងនេះនៅក្រោយរឿង «Gone With the Wind» កាលឆ្នាំ១៩៣៩ បន្តិចក៏ដោយ ដោយសារតែការកែប្រែមួយចំនួននូវអតិផរណា និងតម្លៃសំបុត្រជាមធ្យមក្នុងរយៈពេលជាច្រើនទសវត្សរ៍។

តែយ៉ាងណា ១៣ឆ្នាំក្រោយមក នៅឆ្នាំ២០២២ រឿង «Avatar: The Way of Water» បើកដំណើរការ រកចំណូលបានជាង ២.៣ប៊ីលានដុល្លារទូទាំងពិភពលោក និងបានឈ្នះពានរង្វាន់អូស្ការសម្រាប់សមិទ្ធិផលដ៏ល្អបំផុតនៅក្នុងបែបផែនរូបភាពដ៏ប្រណិតៗ៕

ប្រែសម្រួល៖ ណឺ មិនា