វប្បធម៌ ជំនឿ

ទម្លាយអត្តចរិតពិតរបស់មនុស្សកើតឆ្នាំ «រោង» ក្នុងធាតុទាំង ៥

បានផុស

៣ years មុន

នៅ

ថ្ងៃព្រហស្បតិ៍ ២ កុម្ភៈ ២០២៣

ដោយ

មនុស្សប្រុសស្រីដែលមានឆ្នាំកំណើតរោង ច្រើនតែជាមនុស្សមានមន្តស្នេហ៍ និងពោរពេញដោយថាមពលជីវិត។ ពួកគេក៏មានភាពឆ្លាតវៃ ប៉ិនប្រសព្វ និងមានគោលដៅផ្ទាល់ខ្លួន ដោយជឿជាក់ថា គ្មានអ្វីអាចបញ្ឈប់ពួកគេបានឡើយ។ ប៉ុន្តែពេលខ្លះរោងក៏មានភាពខ្ចិលច្រអូស និងធ្វើការងារតែងទុកពាក់កណ្ដាលទីផងដែរ។

ទោះយ៉ាងណា ខាងលើនេះគ្រាន់តែជាការទស្សន៍ទាយនៅចរិតឆ្នាំរោងរួមគ្នាប៉ុណ្ណោះ បើយោងតាមហោរាសាស្ត្រ ឆ្នាំរោងមានធាតុដល់ទៅ៥ខុសៗគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ រោង ធាតុឈើ ចំពោះមនុស្សដែលក្នុងឆ្នាំ ១៩០៤ និង ១៩៦៤

មនុស្សដែលមានធាតុឈើ គឺជាមនុស្សរាងប្រកាន់ខ្លួន ហើយបដិសេធមិននិយាយច្រើន។ ពួកគេមិនសាទរក្នុងទំនាក់ទំនងជាមួយមនុស្សប្លែកមុខ ឬនរណាដែលមុនស្គាល់ឡើយ។ មិនចម្លែកទេ ដែលមនុស្សឆ្នាំរោងធាតុឈើពុំសូវមានមិត្តជិតស្និទ្ធច្រើនក្នុងជីវិត។ ទោះបីជាខ្វះទំនាក់ទំនងរវាងបុគ្គលល្អជាច្រើនក៏ដោយ ប៉ុន្តែនាគឈើក៏ពូកែដោះស្រាយបញ្ហា បានយ៉ាងល្អប្រសើរជាមួយក្រុមមិត្តផងដែរ។

២ រោង ធាតុភ្លើង ចំពោះមនុស្សដែលក្នុងឆ្នាំ ១៩១៦ និង ១៩៧៦

ទាំងមនុស្សប្រុសនិងស្រីដែលមានធាតុភ្លើង តែងតែមានរូបសម្រស់លោមឆោមល្អស្អាតពីកំណើត ហើយក៏ជាឱកាសមួយដែលពួកគេអាចស្រលាញ់អ្នកណាក៏បាន។ នាគភ្លើងមានចំណង់ចំណូលចិត្តស្រលាញ់ភពអង្គារ និងពណ៌ក្រហម ដោយទិសខាងត្បូងជាទិសសំណាង ខណៈរដូវក្តៅគឺជារដូវកាលដែលពួកគេចូលចិត្ត ហើយសត្វនាំសំណាងរបស់នាគភ្លើងគឺសត្វហ្វូនីករបស់ចិន។ ទោះយ៉ាងណា មិនមែននាគភ្លើងទាំងអស់តែឆ្លាតទេ បុគ្គលនេះ ភាគច្រើនអាចធ្វើរឿងត្រឹមត្រូវតាមពេលវេលាត្រឹមត្រូវ ដោយប្រើប្រាស់ឱកាសឲ្យបានពេញលេញ ហើយជារឿងធម្មតាដែលនាគភ្លើងងាយនឹងទទួលបានជោគជ័យទាំងក្នុងអាជីព និងជីវិត។

៣ រោងធាតុដី ចំពោះមនុស្សដែលក្នុងឆ្នាំ ១៩២៨ និង ១៩៨៨

ចំពោះបុគ្គលដែលកើតក្នុងធាតុដី ច្រើនតែជាមនុស្សឆ្លាតមានមហិច្ឆតា និងឧស្សាហ៍ព្យាយាមរាល់កិច្ចការដែលបំពេញ ជាពិសេសនោះគឺ ធ្វើអ្វីគ្រប់យ៉ាងជាវិជ្ជមានក្នុងជីវិត។ នាគដីអាចនឹងសម្រេចបាននូវសមិទ្ធផលដ៏អស្ចារ្យ ប្រសិនបើបន្តខិតខំប្រឹងប្រែង ប៉ុន្តែនាគដីច្រើនតែធ្វើអ្វីមួយទុកចោលពាក់កណ្ដាលទី។ ត្បិតថាពេលខ្លះពួកគេខ្វះខ្ចាយ ប៉ុន្តែឆ្នាំរោងធាតុដីក៏មានចិត្តស្រលាញ់ដោយស្មោះ ឬគ្មានដាននៃអាកប្បកិរិយាអួតអាង ហើយពួកគេមានទំនោរចង់ក្លាយជាមនុស្សសប្បុរសជានិច្ច។

៤ រោង ធាតុមាស ចំពោះមនុស្សដែលក្នុងឆ្នាំ ១៩៤០ និង ២០០០

មនុស្សដែលមានធាតុមាស មានលក្ខណៈធម្មជាតិ និងស្មោះត្រង់ ហើយពួកគេតែងតែផ្លាស់ប្តូរចិត្តដោយសារតែអារម្មណ៍ឡើងចុះមិនទៀងទាត់ប៉ុណ្ណោះ។ ជួនពេលខ្លះពួកគេតែងតែត្រូវបានអ្នកដទៃទាយចរិតលក្ខណៈ ប៉ុន្តែមិនមែនមានន័យថាធាតុមាសនឹងបង្កគ្រោះថ្នាក់នោះទេ។ ពួកគេសង្ឃឹមថា ខ្លួននឹងរស់នៅក្នុងជីវិតគ្រួសារប្រកបដោយសុខដុមរមនា មានសន្តិភាព ហើយព្រឹត្តិការណ៍ល្អៗដូចជាការឡើងឋានៈ និងការមានកូន នឹងកើតឡើងចំពោះគ្រួសាររបស់ពួកគេ។ ទោះយ៉ាងណាក៏ដោយ មនុស្សចាស់ក្នុងគ្រួសារងាយរងគ្រោះនឹងជំងឺបន្តិចបន្តួច ដោយសារសុខភាពមិនល្អ។ ដូច្នេះ ធាតុមាសអ្នកកើតឆ្នាំរោង គួរថែរក្សាមនុស្សចាស់ និងយកចិត្តទុកដាក់ចំពោះសុខភាពឲ្យបានច្រើន។

៥ រោង ធាតុទឹក ចំពោះមនុស្សដែលកើតក្នុងឆ្នាំ ១៩៥២ និង ២០១២

ធាតុទឹក ជាមនុស្សមើលឃើញឆ្ងាយ ដោយមានការតស៊ូក្នុងជីវិត ប៉ុន្តែខ្វះភាពឯកោបន្តិច ហើយតែងតែហែលឆ្លងឧបសគ្គជាប់មកតាំងពីតូច។ ពួកគេមានភាពស្វាហាប់ និងអត់ធន់ខ្លាំង ដោយយកចិត្តទុកដាក់លើគ្រប់ព័ត៌មានលម្អិត ដើម្បីធានាបាននូវភាពល្អឥតខ្ចោះ ប៉ុន្តែក៏ងាយនឿយហត់ផងដែរ។ នាគទឹកតែងតែមានមិត្តភ័ក្តិភេទផ្ទុយស្រលាញ់ពេញចិត្ត ដោយសារតែចរិតកំប្លែងរបស់ពួកគេ ហើយក៏ងាយនឹងមានស្នេហាហ៊ុំព័ន្ធជុំវិញផងដែរ៕