ជីវិតកម្សាន្ដ

ស្ថាប័ន MPI បកស្រាយជុំវិញករណីផ្ទុះការរិះគន់ពិធីការិនី ឌួង ហ្សូរីដា

បានផុស

៣ years មុន

នៅ

ថ្ងៃពុធ ៨ កុម្ភៈ ២០២៣

ដោយ

កញ្ញា ឌួង ហ្សូរីដា ថ្មីៗកន្លងទៅនេះ បានរងការរិះគន់ពីសំណាក់ទស្សនិកជន និងអ្នកនិយមប្រើប្រាស់បណ្ដាញសង្គមហ្វេសប៊ុកមួយចំនួនធំ ព្រោះតែនាងនិយាយកាត់ជនជាតិហ្វីលីពីន អំឡុងចាប់ដៃគូធ្វើជាពិធីការិនីក្នុងកម្មវិធីប្រឡងបវរកញ្ញាភពផែនដីអន្តរជាតិ។

រឿងដែលគេរិះគន់កញ្ញា ឌួង ហ្សូរីដា នេះ ដោយហេតុថានាងបានប្រើកាយវិការនិយាយកាត់សង្វាក់ពិធីការិនីជនជាតិបរទេសជាច្រើនដង ហើយថែមទាំងប្រកាសរៃអង្គាសប្រាក់សុំជំនួយពីទស្សនិកជនម្នាក់ ១ ដុល្លារទៀតផង។ សកម្មភាពនេះទើបធ្វើឲ្យមានការវែកញែក និងរិះគន់ពីអ្នកគាំទ្រពេញបណ្ដាញសង្គម។

បន្ទាប់ពីមានការរិះគន់យ៉ាងច្រើនរបស់មហាជន ពេលនេះស្រាប់តែខាងស្ថាប័ន MPI បានចេញមកបកស្រាយ ដើម្បីការពារកិត្តិយសជូនពិធីការិនី ឌួង ហ្សូរីដា បញ្ចៀសការយល់ច្រឡំខ្លាំងជាងនេះ។

ផ្អែកតាមខ្លឹមសារបកស្រាយរបស់ស្ថាប័នបវរកញ្ញាមួយនេះបានលើកឡើងថា តាងនាមឲ្យគណៈគ្រប់គ្រង នៃកម្មវិធីប្រកួតបវរកញ្ញាភពផែនដីអន្តរជាតិ យើងខ្ញុំសូមជម្រាបបកស្រាយជូនប្រិយមិត្តទាំងអស់ឲ្យបានជ្រាបថា ៖ ក្នុងកម្មវិធីប្រកួតផ្ដាច់ព្រ័ត្រដែលបានរៀបចំឡើងកាលពីរាត្រីថ្ងៃទី ២៩ ខែមករា ឆ្នាំ ២០២៣ កន្លងទៅ មានការកាត់យកចំណែកខ្លះ នៃឃ្លិបក្នុងកម្មវិធីប្រកួតដែលនាំឲ្យកើតមានការយល់ច្រឡំរិះគន់ដោយពុំពិចារណាហេតុ និងផល នាំឲ្យប៉ះពាល់កិត្តិយសកេរ្តិ៍ឈ្មោះពិធីការិនីរបស់យើង គឺកញ្ញា ឌួង ហ្សូរីដា យើងសូមគូរបញ្ជាក់ដូចតទៅ, ១.ចំពោះចំណុចដែលមានការជជែកវែកញែក និងត្រូលលើវគ្គនិយាយកាត់រវាងពិធីការិនីខ្មែរ និងហ្វីលីពីន គឺជាការនិយាយលេងក្នុងវគ្គសម្រាក ហើយក្រុមការងារផ្នែកផ្សព្វផ្សាយមានកំហុសដោយអចេតនាពុំបានកាត់ចេញពីការនិយាយលេងនោះទៅចាក់ផ្សាយពាណិជ្ជកម្មវិញ។ ២.បញ្ហារៃអង្គាសទឹកប្រាក់ ១ ដុល្លារ ក៏ជាការទទួលខុសត្រូវ និងស្ថិតក្នុងមាតិកាដែលកញ្ញាពិធីការិនីរបស់យើងត្រូវតែធ្វើតាមការរៀបចំរបស់គណៈកម្មការ។