ព័ត៌មានជាតិ

ចំណូលពលរដ្ឋខេត្តព្រះសីហនុក្នុងមនុស្សម្នាក់ជាង ៤ ពាន់ដុល្លារក្នុងមួយឆ្នាំ

បានផុស

៣ years មុន

នៅ

ថ្ងៃពុធ ១៥ កុម្ភៈ ២០២៣

ដោយ

ខេត្តព្រះសីហនុដែលជាខេត្តសក្តានុពលទេសចរណ៍មានឆ្នេរមានកោះជាច្រើន ខណៈខេត្តជាប់សមុទ្រនេះក៏ស្ថិតនៅក្នុងចំណោមខេត្តដែលពលរដ្ឋមានកម្រិតជីវភាពខ្ពស់បើប្រៀបធៀបខេត្តក្រុងដទៃទៀត។

ប្រាក់ចំណូលប្រចាំឆ្នាំរបស់ពលរដ្ឋម្នាក់ៗមានចំនួន ៤.១៨០ ដុល្លារអាមេរិក។ នេះបើតាមរដ្ឋបាលខេត្តព្រះសីហនុ លើកឡើងនៅក្នុងសន្និសីទជោគជ័យរយៈពេល ៥ ឆ្នាំ ដែលរៀបចំឡើងដោយអង្គភាពអ្នកនាំពាក្យរដ្ឋាភិបាលនៅព្រឹកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយពលរដ្ឋដែលមានប្រាក់ចំណូលខ្ពស់ សេដ្ឋកិច្ចខេត្តមានកំណើន ៦,៨% ដែលធ្វើឱ្យអត្រាភាពក្រីក្ររបស់ប្រជាពលរដ្ឋថយចុះមកត្រឹម ១,៨៦% នៅឆ្នាំ២០២២។

ខេត្តព្រះសីហនុជាខេត្តប៉ូលសេដ្ឋកិច្ចទី ២ បន្ទាប់ពីរាជធានីភ្នំពេញ។ ខេត្តមានវិស័យសេដ្ឋកិច្ចសំខាន់ៗរួមមាន៖ វិស័យឧស្សាហកម្ម ពាណិជ្ជកម្ម ទេសចរណ៍ និងកសិកម្ម។

សក្ដានុពលខេត្តជាប់សមុទ្រនេះរួមមាន៖ កំពង់ផែសមុទ្រទឹកជ្រៅ តំបន់សេដ្ឋកិច្ចពិសេសមានចំនួន ១១ ទីតាំង (៣ កំពុងដំណើរការពេញលេញ និង ៨ ត្រៀមដំណើការ) អាកាសយានដ្ឋានអន្តរជាតិខេត្តព្រះសីហនុ និងរួមទាំងឆ្នេរនិងកោះចំនួន ៣២ (កោះចំនួន ២ ជាថ្មដុះ និងថ្មប៉ប្រះទឹក ៥)។

រាជរដ្ឋាភិបាលកម្ពុជាបានដាក់ចេញគោលនយោបាយជាចក្ខុវិស័យដល់ឆ្នាំ ២០៣៨ ដោយប្រែក្លាយខេត្តព្រះសីហនុដែលជាច្រកដឹកជញ្ជូនទំនិញតាមផ្លូវសមុទ្រសំខាន់ជាងគេរបស់ប្រទេសកម្ពុជា ឱ្យក្លាយទៅជាតំបន់សេដ្ឋកិច្ចពិសេសគំរូពហុបំណង ដែលអាចឆ្លើយតបទៅការអភិវឌ្ឍលើគ្រប់វិស័យ៕

Related Topics:ខេត្តព្រះសីហនុ លោក គួច ចំរើន

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា