កីឡា
សម្តេចតេជោ ហ៊ុន សែន នឹងជួបមហាគ្រួសារកីឡាកម្ពុជាថ្ងៃទី៣មេសា
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានឹងជួបមហាគ្រួសារកីឡាកម្ពុជានៅថ្ងៃទី៣ ខែមេសា ឆ្នាំ២០២៣ ខាងមុខនេះ មុនពេលព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេម ជាប្រវត្តិសាស្ត្រដំបូងនៅលើទឹកដីនៃព្រះរាជាណាចក្រកម្ពុជាមកដល់។
តាមទម្លាប់ សម្តេចតេជោ ហ៊ុន សែន ត្រូវជួបមហាគ្រួសារកីឡាកម្ពុជានៅថ្ងៃទី៤ ខែមេសា ជារៀងរាល់ឆ្នាំ ប៉ុន្តែនៅឆ្នាំនេះបានផ្លាស់មកជួបនៅថ្ងៃទី៣ ខែមេសាវិញ។ នេះបើតាមការប្រកាសរបស់គណៈកម្មាធិការជាតិអូឡាំពិកកម្ពុជា (NOCC) នៅល្ងាចថ្ងៃទី២ ខែមីនានេះ។ ចំពោះទីកន្លែងនឹងប្រកាសជូននៅពេលក្រោយ។
នេះជាការជួបជាមួយកីឡាករ កីឡាការិនី គ្រូបង្វឹក មន្ត្រីកីឡា និងអ្នកពាក់ព័ន្ធជាថ្មីរបស់សម្តេចតេជោនាយករដ្ឋមន្ត្រី បន្ទាប់ពីខកខានប៉ុន្មានឆ្នាំចុងក្រោយដោយសារវិបត្តិជំងឺកូវីដ-១៩។ ការជួបមហាគ្រួសារកីឡាកម្ពុជារបស់សម្តេចតេជោពិតជាមានសារសំខាន់ខ្លាំងដើម្បីសំណេះសំណាល បង្កើនភាពស្និទ្ធស្នាល លើកទឹកចិត្ត និងពិសាអាហារសាមគ្គីរួមគ្នា ក៏ដូចជារាំលេងកម្សាន្តដើម្បីរួមដៃគ្នាឆ្ពោះទៅរកភាពជោគជ័យកីឡា ស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ទាំងអស់គ្នា។
សូមរម្លឹកថា សម្តេចតេជោ ហ៊ុន សែន បានជួបមហាគ្រួសារកីឡាកម្ពុជាចុងក្រោយកាលពីថ្ងៃទី៤ ខែមេសា ឆ្នាំ២០១៩ ដែលជាការជួបសំណេះសំណាលលើកទី៤ មុនពេលវិបត្តិជំងឺកូវីដ-១៩បានកើតមានឡើងហើយក៏ខកខានប៉ុន្មានឆ្នាំចុងក្រោយ៕
អត្ថបទ៖ វីរបុត្រ
-
ជីវិតកម្សាន្ដ២ ថ្ងៃ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ព័ត៌មានជាតិ៤ ថ្ងៃ ago
ប្រធានសមាគមសិល្បករខ្មែរ អ្នកឧកញ៉ា ម៉ៅ ចំណាន អញ្ជើញសួរសុខទុក្ខភរិយាអធិរាជសំឡេងមាស
-
ព័ត៌មានជាតិ៦ ថ្ងៃ ago
សម្ដេចតេជោ បញ្ជាឱ្យសមត្ថកិច្ចកម្ពុជា ចាប់ដៃវៀតណាមវែកមុខអ្នកចូលជេរសម្ដេច ព្រោះរឿងព្រែកជីកហ្វូណន
-
ព័ត៌មានជាតិ៤ ថ្ងៃ ago
ស្ពានឆ្លងទន្លេពីដីឥដ្ឋ ភ្ជាប់ទៅផ្លូវល្បឿនលឿនភ្នំពេញបាវិត បន្តវឌ្ឍនភាពតាមការគ្រោងទុក
-
ជីវិតកម្សាន្ដ១ សប្តាហ៍ ago
គេហទំព័រម៉ូដមួយ រិះគន់ Chompoo ដែលស្លៀកពាក់មិនសមទំនង លើកម្រាលព្រំក្រហម Cannes
-
សេដ្ឋកិច្ច៦ ថ្ងៃ ago
គម្រោងអភិវឌ្ឍន៍លំនៅឋានបែបជប៉ុនដំបូងគេនៅកម្ពុជា ចាប់ផ្ដើមហើយក្នុងតំបន់ទីក្រុងរណប អ៉ឹង ស៊ីធី (ING CITY)
-
ព័ត៌មានជាតិ១ សប្តាហ៍ ago
មេ Booyoung Khmer II Co.,Ltd.៖ ការវិនិយោគរបស់ក្រុមហ៊ុននៅកម្ពុជា គឺមិនមែនដើម្បីប្រាក់តែចំណេញឡើយ
-
ព័ត៌មានជាតិ៣ ថ្ងៃ ago
វិនិយោគិនកម្ពុជា និងវៀតណាម ចាប់ដៃគ្នាបង្កើតក្រុមហ៊ុនផ្គត់ផ្គង់ម៉ាស៊ីន និងគ្រឿងបន្លាស់កែច្នៃគ្រាប់ស្វាយចន្ទីនៅកំពង់ស្ពឺ