ជីវិតកម្សាន្ដ

នាយ ទុយ ទម្លាយបុគ្គលនៅពីក្រោយខ្នង ក្រោយចប់អនុបណ្ឌិត

បានផុស

៣ years មុន

នៅ

ថ្ងៃចន្ទ ៦ មីនា ២០២៣

ដោយ

លោក អ៊ឹង រដ្ឋា ហៅនាយ ទុយ ដែលជាពិធីករសម្បូរសំនួនវោហារសព្ទ បន្ទាប់ពីស្ងប់ស្ងាត់សិល្បៈមួយរយៈ ស្រាប់តែថ្មីៗនេះមានដំណឹងដ៏ចាប់អារម្មណ៍លោកទើបទទួលបានបរិញ្ញាបត្រជាន់ខ្ពស់នៅសាកលវិទ្យាល័យឯកទេស នៃកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពអ្នកសិល្បៈស្និទ្ធស្នាលពិធីកររូបនេះបញ្ជាក់ថា លោក អ៊ឹង រដ្ឋា ហៅនាយ ទុយ ថ្វីត្បិតមួយរយៈកន្លងមកនេះលោកស្ងប់ស្ងាត់សិល្បៈពិតមែន តែពិធីកររូបនេះបានសម្ងំបន្តការសិក្សារហូតទើបបញ្ចប់បរិញ្ញាបត្រជាន់ខ្ពស់កាលពីថ្មីៗកន្លងមកនេះ។ មិនខុសពីការបង្ហើបរបស់អ្នកគាំទ្រទេ ចំពោះសាមីខ្លួននាយ ទុយ មុននេះ ក៏បានបង្ហោះរូបថតជាច្រើនសន្លឹកអមដោយសារបញ្ជាក់ថា លោកបានទទួលបរិញ្ញាបត្រជាន់ខ្ពស់ពីសាកលវិទ្យាល័យឯកទេស នៃកម្ពុជា។

ជាមួយគ្នា នៃការទទួលបានបរិញ្ញាបត្រជាន់ខ្ពស់នោះដែរ លោក ទុយ ក៏បានបង្ហាញពីការដឹងគុណ ចំពោះបុគ្គលម្នាក់ដែលបានជួយស្រោចស្រង់ខ្លួនឲ្យសម្រេចគោលដៅជីវិតមកដល់សព្វថ្ងៃនេះ។

នាយ ទុយ រៀបរាប់ថា អរគុណមេដែលខ្ញុំបានមកធ្វើការជាមួយមេមួយរយៈនេះ ខ្ញុំមានលទ្ធភាពបានរៀនចប់ថ្នាក់អនុបណ្ឌិត ពិសេសទៀតនោះបានសម្រេចបំណងប្រាថ្នាសាងសង់ផ្ទះមួយជាន់ទៀតឲ្យក្មួយៗបានរស់នៅ។