KPT+

មកដឹងពីគ្រឿងផ្សំ ៤ ប្រភេទក្នុងឡេការពារកម្ដៅថ្ងៃហាមប្រើនៅ កោះហាវ៉ៃ

បានផុស

២ years មុន

នៅ

ថ្ងៃចន្ទ ៦ មីនា ២០២៣

ដោយ

ខណៈឡេការពារកម្ដៅថ្ងៃដើរតួយ៉ាងសំខាន់ក្នុងការការពារស្បែកពីកាំរស្មីយូវី វាក៏អាចប៉ះពាល់ដល់ជីវិតភាវរស់នៅក្នុងទឹកដូចជាផ្កាថ្មដែរ ។ ហេតុនេះហើយទើបសារធាតុផ្សំមួយចំនួនត្រូវបានហាមឃាត់មិនឲ្យប្រើប្រាស់ពេលចុះលេងទឹករួមមាន ៖

១. អុកស៊ីបេនហ្សូន (Oxybenzone)

អុកស៊ីបេនហ្សូនគឺជាសមាសធាតុគីមីដែលអាចពន្យឺតការស្រូបយកកាំរស្មី UVA និង UVB ប៉ុន្តែមានជាតិពុលដល់ផ្កាថ្ម និងសត្វសមុទ្រដទៃទៀត ។ គេចាត់ទុកវាថាជាការរំខានដល់ប្រព័ន្ធអ៊ីនដូគ្រីននៃគ្រោងឆ្អឹង ហើយអាចបណ្តាលឱ្យខូច DNA ដល់ផ្កាថ្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. អុកទីនណូសេត (Octinoxate)

អុកទីនណូសេតគឺជាសារធាតុផ្សំឡេការពារកម្ដៅថ្ងៃដែលពេញនិយមបំផុតនៅសហរដ្ឋអាមេរិក សារធាតុគីមីនេះផ្តល់នូវការការពារពីកាំរស្មី UVB ប៉ុន្តែមិនរារាំងកាំរស្មី UVA ទេ ចំណែកផលប៉ះពាល់វិញគឺដូចគ្នាទៅនឹងអុកស៊ីបេនហ្សូន ។

៣. អាវ៉ូបេនហ្សូន (Avobenzone)

អាវ៉ូបេនហ្សូនការពារ UVA I, UVA II និង UVB យោងតាមការសិក្សាបានបង្ហាញថា វាជាសារធាតុរំខានដល់ប្រព័ន្ធអ៊ីនដូគ្រីនដែលអាចបង្កគ្រោះថ្នាក់ដល់ជីវិតក្នុងសមុទ្រ និងធ្វើឱ្យផ្កាថ្មមិនសូវធន់នឹងសីតុណ្ហភាពខ្ពស់ ។ បច្ចុប្បន្នគ្រឿងផ្សំខាងលើមិនទាន់ដាក់ហាមឃាត់នៅឡើយទេ ប៉ុន្តែឆ្នាំ ២០២៣ នេះអាចនឹងចេញសេចក្ដីហាមឃាត់ជាផ្លូវការហើយ ។

៤. អុកតូក្រាយលីន (Octocrylene)

អុកតូក្រាយលីនគឺជាភ្នាក់ងារការពារកម្តៅថ្ងៃគីមីដែលផ្តល់នូវការការពារកាំរស្មី UVB និង UVA មានកម្រិត ។ ការសិក្សាថ្មីៗបានរកឃើញថា អុកតូក្រាយលីន អាចបំប្លែងទៅជា បេនហ្សូហ្វីណន (benzophenone) ដែលជាសារធាតុបង្កមហារីក និងថ្នាំសំលាប់ស្មៅបំពុលដល់ភាវរស់ក្នុងទឹក ។ ស្រដៀងទៅនឹងអាវ៉ូបេនហ្សូនដែរ ការរារាំងការលក់ និងចែកចាយផលិតផលផ្ទុកអុកតូក្រាយលីនអាចចេញជាផ្លូវការក្នុងឆ្នាំ ២០២៣ នេះ ។