វីដេអូមួយ ត្រូវគេសង្ស័យថា ជាដើមហេតុបង្កភ្លើងឆេះព្រៃដ៏សាហាវនៅ ហាវ៉ៃ

តាមការមើលឃើញក្នុងវីដេអូ, គេដាក់ការសង្ស័យថា អគ្គិភ័យនៅរដ្ឋហាវ៉ៃ គឺផ្តើមចេញពីខ្សែភ្លើងដែលដាច់អំឡុងពេលមានព្យុះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូដែលថតបាន នៅមជ្ឈមណ្ឌលអភិរក្សសត្វស្លាប Maui ជិតតំបន់ Makawao ហាក់ដូចជាបង្ហាញពន្លឺភ្លឺនៅក្នុងព្រៃ ដូចដែលរាយការណ៍ដោយក្រុមហ៊ុនអគ្គិសនី Hawaiian Electric កាលពីថ្ងៃទី៧ខែសីហា។

លោក Jennifer Pribble អ្នកសម្របសម្រួលស្រាវជ្រាវជាន់ខ្ពស់នៅមជ្ឈមណ្ឌលខាងលើ បានមើលវីដេអូនេះហើយ ក៏និយាយថា “ខ្ញុំគិតថា នោះហើយគឺជាពេលដែលដើមឈើបាក់លើខ្សែភ្លើងធ្វើឲ្យខ្សែភ្លើងដាច់។ វាក៏ទុស្សេ ហើយបង្កជាអគ្គិភ័យតែម្តង”។

គួរបញ្ជាក់ថា គិតត្រឹមថ្ងៃសៅរ៍ទី១៩ខែសីហា ភ្លើងឆេះព្រៃសាហាវបំផុតក្នុងប្រវត្តិសាស្រ្តរដ្ឋហាវ៉ៃ បានឆក់យកអាយុជីវិតមនុស្សចំនួន១១១នាក់ហើយ។

ស្របពេលជាមួយគ្នានោះដែរ មេប៉ូលិសកោះ Maui លោក John Pelletier បាននិយាយកាលពីថ្ងៃព្រហស្បតិ៍ទី១៧ខែសីហា មនុស្សប្រមាណ១០០០នាក់ទៀតកំពុងបាត់ខ្លួន ជាហេតុធ្វើឲ្យគេបារម្ភថា មនុស្សស្លាប់នឹងកើនឡើងជាបន្ត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ កត្តាចំនួន ២ អាចបណ្ដាលឲ្យកើតមានភ្លើងឆេះដ៏សាហាវនៅ ហាវ៉ៃ