កីឡា

ថៃទំនងចង់បំបាក់គុនខ្មែរ ពេលឃើញ Thiago វ៉ៃតំណាងគុនខ្មែរតែខកចិត្ត

បានផុស

៣ years មុន

នៅ

ថ្ងៃអង្គារ ១១ មេសា ២០២៣

ដោយ

ស្ថាប័នប្រដាល់មួយថៃពិភពលោកដែលជាអ្នកគ្រប់គ្រងក្បាច់គុនមួយថៃទំនងជាចង់បំបាក់គុនខ្មែរលើឆាកអន្តរជាតិ នៅពេលឃើញកីឡាករប្រេស៊ីល Thiago Teixeira បានប្រកាសប្រកួតតំណាងឲ្យគុនខ្មែរក្នុងកម្មវិធីប្រដាល់ Apex Fight Series នៅប្រទេសអាល្លឺម៉ង់។

Thiago បានមានឈ្មោះប្រកួតដណ្តើមខ្សែក្រវាត់មួយថៃពិភពលោក WMO នៅប្រទេសអាល្លឺម៉ង់ ថ្ងៃទី១ ខែមេសា ឆ្នាំ២០២៣ ប៉ុន្តែក្នុងការត្រៀមខ្លួននេះ រូបគេបានមកប្រកួតខ្សែក្រវាត់គុនខ្មែរពិភពលោក IPCC Kun Khmer Belt ជាមួយកីឡាករកម្ពុជា ធឿន ធារ៉ា ក្នុងខែកុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីប្រកួតចាញ់ ធឿន ធារ៉ា កីឡាករប្រេស៊ីលរូបនេះទទួលបានការស្រឡាញ់ ពេញចិត្ត និងគាំទ្រយ៉ាងខ្លាំងពីអ្នកគាំទ្រកម្ពុជា ស្របពេលរូបគេធ្លាប់ប្រកួតនៅខ្មែរច្រើនលើកហើយក្នុងនោះមានលោកគ្រូ ធន់ សុភា និង សេន ប៊ុនថេន ជាដើម។ ដោយសារស្វែងយល់ឃើញពីភាពខ្លាំងរបស់គុនខ្មែរ និងមានអ្នកគាំទ្រចូលចិត្តច្រើន ហើយមានដៃគូចាស់ស្វាគមន៍ច្រើនទៀតផងនោះ រូបគេក៏សម្រេចមកហ្វឹកហាត់នៅប្រទេសកម្ពុជាដើម្បីចេញទៅប្រកួតនៅអាល្លឺម៉ង់។

ពេលហ្វឹកហាត់នៅកម្ពុជា Thiago ទទួលបានក្តីស្រឡាញ់ដ៏លើសឡប់ពីប្រជាជនជនកម្ពុជា និងបានទៅស្វែងយល់គុនខ្មែរនៅប្រាង្គប្រាសាទនានាក្នុងខេត្តសៀមរាបទៀតផង។ ពេលនោះហើយរូបគេមានចិត្តស្រឡាញ់កម្ពុជាកាន់តែខ្លាំង និងសម្រេចប្រកួតតំណាងឲ្យគុនខ្មែរ។

នៅពេលចេញទៅប្រកួតនៅអាល្លឺម៉ង់ Thiago បានធ្វើដូចសំដីដែលខ្លួនបាននិយាយមែនគឺវ៉ៃតំណាងឲ្យគុនខ្មែរ និងលើកទង់ជាតិខ្មែរ បើទោះជារូបគេជាជនជាតិប្រេស៊ីលក៏ដោយ។

ពិភពលោកឃើញច្បាស់នឹងភ្នែកគឺ Thiago ចាប់តាំងពីថ្លឹងទម្ងន់រហូតឡើងប្រកួត និងឈ្នះខ្សែក្រវាត់គឺរូបគេកាន់ទង់ជាតិខ្មែរ និងវ៉ៃតំណាងឲ្យគុនខ្មែរមែន។ កម្មវិធី Apex Fight Series មិនបានហ៊ានឃាត់អ្វីទាំងអស់ពីការវ៉ៃតំណាងឲ្យគុនខ្មែរ ឬកាន់ទង់ជាតិខ្មែរ ប៉ុន្តែត្រឹមតែ៦ថ្ងៃក្រោយការប្រកួត ស្ថាប័នប្រដាល់មួយថៃពិភពលោកបានចេញសេចក្តីសម្រេចជាផ្លូវការពីការដកខ្សែក្រវាត់ពីកីឡាករប្រេស៊ីលរូបនេះ និងហាមមិនឲ្យប្រកួតគ្រប់កម្មវិធីទាំងអស់នាពេលអនាគត។

ក្នុងចំណោមអ្នកបញ្ចេញមតិយោបល់នៅក្រោមលិខិតផ្លូវការនោះ មានជនជាតិថៃជាច្រើនបានលើកឡើងថា កម្មវិធីប្រដាល់ដែលគ្រប់គ្រងដោយស្ថាប័ន World Mauy Thai Organization គឺសម្រាប់តែការប្រកួតក្បាច់គុនមួយថៃប៉ុណ្ណោះ ដូច្នេះក្បាច់គុនផ្សេងមិនអាចប្រកួតនៅស្ថាប័ននេះបានទេ។

បែបនេះហើយបានជានៅក្នុងសន្និសីទសារព័ត៌មានកាលពីល្ងាចថ្ងៃអាទិត្យ ទី៩ ខែមេសានេះ កីឡាករ Thiago បាននិយាយបែបឆ្ងល់ថា ពេលថ្លឹងទម្ងន់ ពេលប្រកួត ពេលឈ្នះខ្សែក្រវាត់ហេតុអ្វីបានជាខាងកម្មវិធី ភ្លាមៗនោះមិនហាមឃាត់រូបលោក ឬណែនាំអ្វីមួយ ប៉ុន្តែបានឲ្យឡើងប្រកួតយ៉ាងរលូនរហូតដល់ចប់។ ចុះហេតុអ្វីក្រោយប្រកួតតែ៦ថ្ងៃប៉ុណ្ណោះ បែរជាដកហូតខ្សែក្រវាត់ មិនឲ្យតម្លៃខ្លួន និងហាមប្រកួតនានាទៅថ្ងៃក្រោយ ដោយយកមូលហេតុពាក់ព័ន្ធនឹងការប្រកូតតំណាងឲ្យគុនខ្មែរទៅវិញ។

ហេតុផលខាងលើ តើជាចេតនារបស់ ម្ចាស់កម្មវិធីឲ្យ Thiago ឡើងវ៉ៃដែលតំណាងឲ្យគុនខ្មែរដើម្បីបំពាក់គុនខ្មែរឲ្យបាក់មុខលើឆាកអន្តរជាតិឬយ៉ាងណា ពីព្រោះកីឡាករប្រេស៊ីលរូបនេះបានធ្លាក់ចុះសមត្ថភាពយ៉ាងខ្លាំងរយៈពេលប៉ុន្មានឆ្នាំចុងក្រោយដោយសារមានរបួស និងវិបត្តិផ្លូវចិត្ត។

បន្ទាប់ពីបានប្រកាសដកខ្សែក្រវាត់ពីកីឡាករ Thiago ស្ថាប័ន WMO បានទទួលរងការរិះគន់យ៉ាងខ្លាំងពីបណ្តាអ្នកជំនាញផ្សេងៗទូទាំងពិភពលោក។ ជំនាញទាំងនោះបានលើកឡើងថា WMO មិនសមជាអ្នកកីឡាអាជីពឡើយ។ មួយថៃឈប់ធ្វើចរឹកដូចកូនក្មេង និងឈប់រើសអើងទៀតទៅ។ ចាញ់ ឬឈ្នះគឺជាកីឡា។ មួយថៃគួរតែចាស់ទុំ មិត្តភាព គារវកិច្ច និងគោរពការសម្រេចរបស់បុគ្គលដូចជា Thiago ជាដើម៕