ព័ត៌មានជាតិ

ក្រសួងគាំទ្រសកម្មភាព លើកកម្ពស់យេនឌ័រស្របតាមគោលនយោបាយគាំពារសង្គម ២០១៦-២០២៥

បានផុស

៥ years មុន

នៅ

ថ្ងៃពុធ ២០ មករា ២០២១

ដោយ

ក្នុងខណៈពេលជួបពិភាក្សាជាមួយខាងអង្គការ GIZ លោក ឈួរ សុបញ្ញា ប្រធាននាយកដ្ឋានសុខុមាលភាពសង្គម បានថ្លែងថា ក្រសួងសង្គមកិច្ចបានគាំទ្រសកម្មភាពអង្គការ GIZ បានបង្ហាញនូវសុច្ឆន្ទៈដ៏ប្រសើរមួយ ក្នុងការចូលរួមលើកកម្ពស់យេនឌ័រក្នុងវិស័យសង្គមកិច្ចឆ្លើយតបទៅនឹងក្របខ័ណ្ឌជាតិគោលនយោបាយគាំពារសង្គម ២០១៦-២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាពេលថ្មីៗនេះដែរ ស្របគ្នាជាមួយទិសដៅយុទ្ធសាស្ត្ររបស់រាជរដ្ឋាភិបាលកម្ពុជា បានរៀបចំរួចជាស្រេច។ ប្រធាននាយកដ្ឋានសុខុមាលភាពសង្គម នៃអគ្គនាយកដ្ឋានបច្ចេកទេសរបស់ក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងបែបនេះ ក្នុងកិច្ចប្រជុំពិនិត្យមើលឡើងវិញពីផែនការសកម្មភាពឆ្នាំ២០២១ ក្រោមក្របខ័ណ្ឌសហការជាមួយគ្នាកន្លងមក នៅបន្ទប់ព្រះអង្គឌួង នៃនាយកដ្ឋានសុខុមាលភាពសង្គមនាល្ងាចម្សិលមិញនេះ។

លោក ឈួរ សុបញ្ញា បានបញ្ជាក់ថា ផ្អែកតាមក្របខ័ណ្ឌគោលនយោបាយជាតិគាំពារសង្គម (២០១ ៦-២០២៥) រាជរដ្ឋាភិបាលបានមិនត្រឹមតែគិតគូរពីសិទ្ធសេរីសុខុមាលភាពយេនឌ័រប៉ុណ្ណឹងទេ គឺពិសេសលើកម្ពស់វិស័យយេនឌ័រប៉ុណ្ណោះទេ គឺរាជរដ្ឋាភិបាលបានផ្ទេរការអនុវត្តកម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម២ឆ្នាំ ពីក្រសួងសុខាភិបាលទៅក្រសួងសង្គមកិច្ច អតីតយុទ្ធជន និងយុវនីតិសម្បទា ដើម្បីគ្រប់គ្រង និងអនុវត្តឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម ២ឆ្នាំ នៅថ្ងៃទី២៤ ខែមករា ឆ្នាំ២០២១តទៅ៕

អត្ថបទ៖ វិមាន