ជីវិតកម្សាន្ដ
ម៉ៃ សុគន្ធ ចេញមកសុំចិត្តអ្នកគាំទ្រ រក្សាឥរិយាបថ កុំឲ្យប៉ះពាល់កិត្តិយសជាតិ
ខណៈប្រទេសកម្ពុជាកំពុងធ្វើជាម្ចាស់ផ្ទះ នៃព្រឹត្តិការណ៍ប្រវត្តិសាស្ត្រ ការបើកកីឡាស៊ីហ្គេមលើកទី ៣២ និងអាស៊ានប៉ារ៉ាហ្គេមលើកទី ១២ ដែលទទួលបានការអបអរសាទរយ៉ាងខ្លាំងពីសំណាក់មហាជនទូទៅ តារាចម្រៀងលោក ម៉ៃ សុគន្ធ បានចេញមកសុំចិត្តអ្នកគាំទ្រ រក្សាឥរិយាបថ កុំឲ្យប៉ះពាល់កិត្តិយសជាតិ។
ជាការពិតក្នុងកម្មវិធីបើកព្រឹត្តិការណ៍កីឡាស៊ីហ្គេមលើកទី ៣២ និងអាស៊ានប៉ារ៉ាហ្គេមលើកទី ១២ បានប្រព្រឹត្តិទៅយ៉ាងរលូន និងអស្ចារ្យបំផុតជាមួយការបង្ហាញផ្ទាំងទស្សនីយភាព ព្រមទាំងការសម្ដែងដ៏កក្រើកពីសំណាក់តារាចម្រៀងល្បីៗប្រចាំប្រទេស ដើម្បីអបអរព្រឹត្តិការណ៍ដ៏អស្ចារ្យនេះ រៀបចំឡើងនៅព្រះរាជាណាចក្រកម្ពុជា។
ជាមួយគ្នានេះ តារាប្រុសលោក ម៉ៃ សុគន្ធ ក៏បានអំពាវនាវដល់អ្នកគាំទ្រថា «ខ្ញុំសង្ឃឹមថា បងប្អូន កូនក្មួយយើង មិនធ្វើអ្វីដែលនាំឲ្យប៉ះពាល់កិត្តិយសជាតិយើងជាម្ចាស់ផ្ទះទេ។ បងប្អូន កូនក្មួយ ច្បាស់ជាធ្វើតាមការផ្ដាំផ្ញើប្រសាសន៍ដ៏ខ្ពង់ខ្ពស់របស់ សម្ដេចពុកតេជោ ហ៊ុន សែន ឲ្យរក្សាសេចក្ដីថ្លៃថ្នូររបស់ជាតិកម្ពុជា ព្រោះគាត់ (ប៊ូខាវ) មកតំណាងប្រទេសគេ ដែលជាសមាជិកអាស៊ានមួយដែរ មិនមែនមកជាឯកជនទេ»។
លោក ម៉ៃ សុគន្ធ បន្តទៀតថា «អ៊ីចឹងសូមបងប្អូនកូនក្មួយៗ មេត្តារក្សាកិត្តិយសជាកូនល្អ និងជាកូនដែលមានសុជីវធម៌ថ្លៃថ្នូររបស់ សម្ដេចពុកតេជោ យើងឲ្យបានល្អ ប្រសើរផង ដែល សម្ដេចពុកយើង ខិតខំរៀបចំឡើង Sea Game នេះ ដើម្បីកូនៗ ក្មួយៗ បងប្អូនទូទាំងប្រទេសមានមុខមាត់លើឆាកអន្តរជាតិ។ សូមឲ្យក្តីសង្ឃឹមនេះបានសម្រេចលទ្ធផលល្អ និងសុខសប្បាយទាំងអស់គ្នា»។
ដោយឡែកពីនេះ លោក ម៉ៃ សុគន្ធ ក៏បានបង្ហោះវីដេអូភ្ជាប់ខ្លឹមសារសុំចិត្តមហាជនថា «ពេលឈ្នះគេសរសើរកីឡាករ ពេលចាញ់គេបន្ទោសថា មកពី ម៉ៃ សុគន្ធ និងមានអ្នកជ្រុលនិយមមួយចំនួន លេងដល់អ្នកមានគុណខ្ញុំ បងប្អូនខ្ញុំ ទាំងសន្តានទៀត តែខ្ញុំនៅទ្រាំញញឹម លេងត្រឹមខ្ញុំបាន កុំលេងដល់បងប្អូន និងពូជសន្តានខ្ញុំ គាត់អត់ដឹងអីទេ»។ លោកថា «សាកយកអារម្មណ៍មួយហ្នឹងដាក់ក្នុងចិត្តអ្នកវិញ តើមានអារម្មណ៍បែបណា»?៕
អត្ថបទ ៖ ចាន់រ៉ា
ផ្លូវក្រវាត់ព្រំដែនប្រវែង ១១ គ.ម តម្លៃ ២,៥ លាន ដុល្លារ ក្រាលបេតុងនៅក្រុងបាវិត សម្ពោធដាក់ឲ្យប្រើប្រាស់
TASS ៖ អ៊ីរ៉ង់ត្រៀមខ្លួនទទួលយកកិច្ចព្រមព្រៀងនុយក្លេអ៊ែរ ក្រោយ៣ថ្ងៃនៃការផ្ទុះអាវុធ
ឱកាសការងារ ២៣ ម៉ឺនកន្លែង រង់ចាំពលករចាប់ឱកាសការងារភ្លាមៗនៅព្រំដែនកម្ពុជា-ថៃ
បុណ្យភ្ជុំបិណ្ឌ ស្ពានឆ្លងកាត់ទន្លេមេគង្គខេត្តក្រចេះ បើកឱ្យពលរដ្ឋធ្វើដំណើរបណ្តោះអាសន្ន
ដាក់ពាក្យចូលរៀននៅ TVET បង្កើតឱកាសការងារ សាងក្តីសង្ឃឹមជំរុញលើកកម្ពស់ជីវភាព
អ្នកស្លាប់និងរបួសនៅអ៊ីស្រាអែលកើនឡើងយ៉ាងគំហុក ខណៈអ៊ីរ៉ង់បាញ់ស្រោចមីស៊ីល
ប្រទេស៣៦ទៀត រួមទាំងកម្ពុជាដែរ ប្រឈមការរឹតត្បិតឬហាមចូលអាមេរិក
ជម្លោះអ៊ីរ៉ង់-អ៊ីស្រាអែល៖ អ្នកស្លាប់និងរបួសកើនឡើង ចំពេលបង្កើនការវាយប្រហារគ្នា
បុណ្យភ្ជុំបិណ្ឌ ស្ពានឆ្លងកាត់ទន្លេមេគង្គខេត្តក្រចេះ បើកឱ្យពលរដ្ឋធ្វើដំណើរបណ្តោះអាសន្ន
កម្ពុជា បដិសេធដាច់អហង្កាមិនទទួលស្គាល់ផែនទីថៃគូសស្រេចតែចិត្តឯង ឬ«ផែនទីចោរ» ដែលសម្ដេចតេជោ បានហៅ
-
ព័ត៌មានអន្ដរជាតិ៥ ថ្ងៃ agoសេដ្ឋវិទូ៖ សេដ្ឋកិច្ចថៃប្រឈមហានិភ័យធ្លាក់ចូលក្នុងវិបត្តិបរិត្តផរណា
-
នយោបាយ៣ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៦ ថ្ងៃ agoសហព័ន្ធឧស្សាហកម្មថៃ៖ ការបិទព្រំដែនជាមួយកម្ពុជា ប៉ះពាល់ដល់ការនាំចេញថៃ ៥,២ ប៊ីលានដុល្លារ
-
ព័ត៌មានជាតិ១ សប្តាហ៍ agoនៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
-
ព័ត៌មានអន្ដរជាតិ៣ ថ្ងៃ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានជាតិ៥ ថ្ងៃ agoកម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា
-
ព័ត៌មានអន្ដរជាតិ៣ ថ្ងៃ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
នយោបាយ៣ ថ្ងៃ agoសម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន