បុរសមានប្រជ្រុយតំបន់ប្រដាប់ភេទ ជាបុរសឆ្វាក់ស្នេហ៍?

ប្រិយមិត្តកម្ពុជាថ្មី មុខជាធ្លាប់ឮចាស់ៗ ឬគេនិយាយតៗគ្នាថា បុរសដែលមានប្រជ្រុយនៅលើប្រដាប់ភេទ ឬក្បែរតំបន់នេះ ជាបុរសឆ្វាក់ស្នេហ៍ សម្បូរស្រីចោមរោមស្រឡាញ់ ខណៈការអះអាងខាងនរវិទ្យាក៏បានលើកឡើងស្រដៀងគ្នានេះ។

បុរសដែលមានប្រជ្រុយដុះនៅទីតាំងប្រដាប់ភេទ ត្រូវបាននរវិទ្យាបកសា្រយថា ជាបុរសសម្បូរមន្តស្នេហ៍ ឯជីវិតជួបប្រទះនឹងសំណាងជាច្រើនក្នុងជីវិត។ មិនថាអាជីព ឬស្នេហា នឹងភពប្រសព្វនឹងភាពជោគជ័យ។

លើស​ពី​នេះ​ទៅ​ទៀត បុរស​ទាំង​នេះ​ក៏​មាន​ជោគ​វាសនា​ល្អខាងទ្រព្យ​សម្បត្តិ និង​ភាព​ជា​អ្នក​ដឹក​នាំ​ផង​ដែរ។ ​ពេល​ពួកគេពេញវ័យ ពួក​គេ​ជា​មនុស្ស​ដែល​មាន​ទាំង​អំណាច ទាំង​លុយ និង​កេរ្តិ៍ឈ្មោះ។ ពេលពួកគេ​រៀប​ការ​រួច នឹងមានសំណាងក្លាយ​ជា​អ្នក​មានទ្រព្យយ៉ាងឆាប់រហ័ស ដោយសារ​អាជីពជោគជ័យយ៉ាងរលូន។

ចូលដល់វ័យកណ្ដាល ទ្រព្យសម្បត្តិរបស់ពួកគេនឹងកាន់តែមានសន្តិភាព ហើយរីកចម្រើនជាលំដាប់។ ជាពិសេសក្រោយអាយុ ៣០ឆ្នាំប្លាយ អ្វីៗកាន់តែល្អប្រសើរ ទាំងស្នេហា ទាំងទ្រព្យធន។

មនុស្សប្រុសភាគច្រើនដែលមានប្រជ្រុយដុះនៅតំបន់ប្រដាប់ភេទ ជាធម្មតាមានទេពកោសល្យខ្ពស់ ឆ្លាតវៃ រហ័សរហួន និងក្លាហាន។ ដោយសារសមត្ថភាព ជំនាញច្បាស់លាស់ និងភាពក្លាហាន ពួកគេអាចទទួលបានជោគជ័យយ៉ាងងាយស្រួល មិនថាពួកគេធ្វើការក្នុងវិស័យអ្វីក៏ដោយ។ យ៉ាងណាមិញ បុរសប្រភេទនេះចាស់ៗផ្ដាំថា ជាបុរសមិនសូវនឹងធឹងរឿងស្នេហា ទោះបីជាមានដៃគូរួចហើយក្ដី ពួកគេនៅតែអាចឆ្លៀតរកអ្នកផ្សេង។

ទោះយ៉ាងណា ពេលចាស់ទៅ ជីវិតរបស់ពួកគេនៅតែមានសុភមង្គលពេញប្រៀប និងសម្បូរសប្បាយ៕

អត្ថបទ៖ សន្យា

ចុចអាន៖ ពិតឬ ប្រជ្រុយក្បែរតំបន់ពិសេស ជាប្រជ្រុយមានមន្តស្នេហ៍ និងសំណាងខ្លាំង?

ចុចអាន៖ មនុស្សស្រីហុងស៊ុយខ្ពស់ រមែងមានចំណុចពិសេស ៥យ៉ាង