ជីវិតកម្សាន្ដ

បវរកញ្ញា រុស្ស៊ី រងការចោទប្រកាន់ថា កែសម្ផស្សច្រើនពេក និងអាងប្ដីជាសេដ្ឋីទើបជាប់

បានផុស

៣ years មុន

នៅ

ថ្ងៃសៅរ៍ ១០ មិថុនា ២០២៣

ដោយ

ថ្មីៗនេះ បវរកញ្ញាវ័យ៣៤ឆ្នាំ Natalya Oskar បានគ្រងមកុដបវរកញ្ញារុស្ស៊ីជាផ្លូវការ។ ប៉ុន្តែសម្រស់របស់នាងមានភាពចម្រូងចម្រាស ព្រោះវាត្រូវបានគេចាត់ទុកថាមិនសូវភ្លឺរលោង និងបង្ហាញសញ្ញានៃការវះកាត់កែសម្ផស្សច្រើនពេក។

សហគមន៍សម្រស់បាននិយាយថា បវរកញ្ញារូបនេះមិនសមនឹងឈ្នះ ហើយមានការក្លែងបន្លំលើលទ្ធផល។ ពួកគេសង្ស័យប្តីរបស់នាងមហាសេដ្ឋី Roman Bezmaternykh ជាម្ចាស់ក្រុមហ៊ុនមួយដែលឧបត្ថម្ភលោកស្រីនៅឆ្នាំនេះដូច្នេះលទ្ធផលនាងបានឈ្នះតំណែងខ្ពស់បំផុត។

យ៉ាងណាមិញភ្លាមៗនោះដែរ អ្នករៀបចំការប្រកួតបានចេញមុខមកការពារ Natalya Oskar ថា រូបថតពិធីឡើងគ្រងមកុដដ៏ចម្រូងចម្រាសរបស់នាងគឺបណ្តាលមកពីការថតជ្រុងមិនស្អាត។ ហើយពួកគេបានបញ្ជាក់ថា ចៅក្រមពិតជាមានការចាប់អារម្មណ៍យ៉ាងខ្លាំងចំពោះរូបសម្រស់វ័យ ៣៤ឆ្នាំរូបនេះ ហើយនាងគឺជាអ្នកដែលស័ក្ដិសមក្នុងការឈ្នះការប្រកួតនេះ។

ទោះយ៉ាងណាក៏ដោយ ខាងបវរកញ្ញារុស្ស៊ីថ្មីថាមិនខ្វល់នឹងការរិះគន់ពីអ្នកដទៃមកលើនាងទេ ហើយបដិសេធពាក្យចចាមអារ៉ាមអំពីការវះកាត់កែសម្ផស្សថា “កុំចាំបាច់ខាតពេលអាន comment ឈ្លោះពេលគេមិនសប្បាយចិត្ត ខ្ញុំទៅតាមផ្លូវរបស់ខ្ញុំ”។

សូមបញ្ចាក់ដែរថា បវរកញ្ញា Natalya Oskar បច្ចុប្បន្ននេះបានរៀបអាពាហ៍ពិពាហ៍និងមានកូនស្រីម្នាក់។ ជាមួយគ្នានេះ នាងគឺជាគ្រូបង្រៀនភាសាអង់គ្លេស និងជាអ្នកចម្រៀងផងដែរ៕