ព័ត៌មានអន្ដរជាតិ

នារីម្នាក់បាត់ខ្លួនយ៉ាងអាថ៌កំបាំងនៅ អេស្ប៉ាញ ៩ ឆ្នាំក្រោយបែររកឃើញក្នុងជញ្ជាំង

បានផុស

១ year មុន

នៅ

ថ្ងៃសៅរ៍ ១០ មិថុនា ២០២៣

ដោយ

នារីម្នាក់បានបាត់ខ្លួនយ៉ាងអាថ៌កំបាំង បន្ទាប់ពីបែកគ្នាជាមួយមិត្តប្រុស តាមពិតនាងនៅក្នុងជញ្ជាំង ត្រូវបានមនុស្សស្និទ្ធស្នាលសម្លាប់យ៉ាងរន្ធត់ កាលឆ្នាំ៩ឆ្នាំមុនឯណោះ។

ក្នុងឆ្នាំ ២០១៤ នៅទីក្រុងម៉ាឌ្រីដ ប្រទេសអេស្ប៉ាញ មានករណីក្មេងស្រីអាយុ ២២ ឆ្នាំម្នាក់បានបាត់ខ្លួនយ៉ាងអាថ៌កំបាំង បន្ទាប់ពីបែកគ្នាជាមួយមិត្តប្រុសរបស់នាងភ្លាមៗ។ ថ្មីៗនេះ បន្ទាប់ពី ៩ ឆ្នាំ សាកសពរបស់នាងត្រូវបានរកឃើញនៅក្នុងជញ្ជាំង ខណៈមិត្តប្រុសសារភាពថាបានសម្លាប់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីរាយការណ៍បានឲ្យដឹងថា នារីជនជាតិអ៊ីតាលី ឈ្មោះ Giani អាយុ ២២ឆ្នាំ បានផ្លាស់ទៅរស់នៅជាមួយមិត្តប្រុស នៅភាគខាងត្បូងប្រទេសអេស្ប៉ាញ តាំងពីឆ្នាំ ២០១១ រហូតមកដល់ថ្ងៃទី ៧ ខែកក្កដា ឆ្នាំ ២០១៤ នាងស្រាប់តែបាត់ខ្លួនដោយគ្មានដាន ក្រោយបែកគ្នាជាមួយមិត្តប្រុស សូម្បីសាច់ញាតិក៏មិនដឹងថានាងទៅណាដែរ។

នៅឆ្នាំ ២០១៥ សមាគមជំនួយបាត់ខ្លួនបានប្រកាសពីការស្វែងរករបស់នាង។ ប៉ូលិសក៏បានស្នើរសុំឲ្យសាធារណជន ជួយស្វែងរកផងដែរ ប៉ុន្តែគ្មាននរណាម្នាក់ក្នុងចំណោមពួកគេផ្តល់តម្រុយណាមួយថានាងនៅទីណានោះទេ ទោះបីជាវាមានរយៈពេលប្រាំបួនឆ្នាំហើយក៏ដោយ។

យ៉ាងណាមិញ កាលពីពេលថ្មីៗនេះ នៅក្នុងខែឧសភាឆ្នាំនេះ អតីតមិត្តប្រុសរបស់ Giana គឺ Romeo ត្រូវប៉ូលិសចាប់ខ្លួនពីបទយកកាំបិតចាក់មិត្តស្រីអាយុ ២៨ ឆ្នាំឈ្មោះ Paula។ Romeo បានប្រាប់ប៉ូលិសថា រាងកាយរបស់នាងស្ថិតនៅក្នុងជញ្ជាំង គាត់ប្រើអាស៊ីតដើម្បីរំលាយរាងកាយរបស់ Giana ហើយសង់ជញ្ជាំងលាក់សាកសព ក្រោយមកសមត្ថកិច្ចបានបើកប្រតិបត្តិការស្រាវជ្រាវភ្លាមៗទៅផ្ទះល្វែងដែលគូស្នេហ៍ធ្លាប់រស់នៅជាមួយគ្នា។

ប៉ូលិសស្រាវជ្រាវយ៉ាងយកចិត្តទុកដាក់ ដោយរកឃើញប្រអប់ឈើមួយដាក់នៅចន្លោះជញ្ជាំងទាំងពីរ ហើយបញ្ជាក់ថា មានសាកសពមនុស្សនៅក្នុងនោះ។ ទោះយ៉ាងណា ការធ្វើតេស្ត DNA កំពុងដំណើរការដើម្បីចាត់វិធានការផ្លូវច្បាប់បន្តទៀត៕