ព័ត៌មានអន្ដរជាតិ

ស្រ្តីជនជាតិកូរ៉េ សម្លាប់កូនពីរនាក់ ក្លាស្សេទូរទឹកកកជិត ៥ឆ្នាំ ទើបបែកធ្លាយដល់ប៉ូលិស

បានផុស

៣ years មុន

នៅ

ថ្ងៃសុក្រ ២៣ មិថុនា ២០២៣

ដោយ

Sonya

កាលពីថ្ងៃព្រហស្បតិ៍ទី២២ ខែមិថុនា ឆ្នាំ២០២៣ ក្រុមប្រឹក្សាសវនកម្មនិងអធិការកិច្ច (BAI) បានរាយការណ៍ថា ទារកពីរនាក់ដែលមិនបានចុះបញ្ជីសំបុត្រកំណើតនៅក្នុងខេត្ត Gyeonggi ប្រទេសកូរ៉េខាងត្បូង ត្រូវគេរកឃើញស្លាប់នៅក្នុងផ្ទះតែមួយ ដោយសាកសពរបស់ពួកគេត្រូវបានរក្សាទុកនៅក្នុងទូរទឹកកក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនពេលរកឃើញសាកសពទារកទាំងពីរ BAI បានតាមដានទារក ២.៦លាននាក់ដែលកើតនៅចន្លោះឆ្នាំ២០១៥-២០២២ ហើយទារកចំនួន ២,២៣៦នាក់ មិនមានកំណត់ត្រានៃការចុះឈ្មោះសំបុត្រកំណើតទេ។ ក្នុងនោះសវនកររដ្ឋបានជ្រើសរើសទារកដែលមិនបានចុះឈ្មោះចំនួន ២៣នាក់ ក្នុងចំណោម ២,២៣៦នាក់ ដើម្បីពិនិត្យមើលកន្លែងរស់នៅរបស់ពួកគេ។

ជាអកុសលពេលកំពុងត្រួតពិនិត្យ សាកសពទារកពីរនាក់ ក្នុងចំណោមទារកទាំង ២៣នាក់ ត្រូវប៉ូលិសរកឃើញក្នុងទូទឹកកកនៅផ្ទះតែមួយក្នុងក្រុង Suwon ខេត្ត Gyeonggi-do ដែលត្រូវបានម្តាយរបស់ពួកគេសម្លាប់ជាច្រើនឆ្នាំមកហើយ។ ស្ត្រីជាម្ដាយ វ័យ ៣០ឆ្នាំប្លាយ បានសម្លាប់ទារកទាំងពីរនាក់ដែលកើតខុសគ្នាមួយឆ្នាំ។ ឃាតកម្មលើកដំបូងកើតឡើងក្នុងខែវិច្ឆិកា ឆ្នាំ២០១៨ នៅផ្ទះរបស់នាង និងលើកទី២ នៅជិតមន្ទីរពេទ្យ ក្នុងខែវិច្ឆិកា ឆ្នាំ២០១៩ គឺក្នុងរយៈពេលមួយថ្ងៃ បន្ទាប់ពីនាងសម្រាលកូន។

ស្ត្រីជាម្ដាយសារភាពថា ខ្លួនបានសម្លាប់កូនខ្លួនឯងពិតមែន ដោយព្រោះនាងមិនមានលទ្ធភាពចិញ្ចឹមពួកគេ។ ចំណែកប្ដីរបស់នាងបានប្រាប់ប៉ូលិសថា គាត់មិនបានដឹងពីបទល្មើសនេះនោះទេ។ គាត់និយាយថា “ខ្ញុំដឹងថាប្រពន្ធខ្ញុំមានផ្ទៃពោះ ប៉ុន្តែខ្ញុំមិនដឹងថានាងបានសម្លាប់ទារកនោះទេ។ ខ្ញុំជឿជាក់លើនាង ពេលនាងប្រាប់ខ្ញុំថា នាងរលូតកូន។”

ទោះជាយ៉ាងណា ឪពុកនៅតែជាជនសង្ស័យក្នុងការស៊ើបអង្កេតករណីឃាតកម្មដែលកំពុងបន្ត។ ភ្នាក់ងារប៉ូលិសខេត្ត Gyeonggi Nambu កំពុងស្វែងរកដីកាចាប់ខ្លួនម្តាយ ដើម្បីកសាងសំណុំរឿងបញ្ជូនទៅតុលាការ។

គួរបញ្ជាក់ថា ប្ដីប្រពន្ធមួយគូនេះមានកូន ៣នាក់ ដែលម្នាក់អាយុ ១២ឆ្នាំ ១០ឆ្នាំ និង ៨ឆ្នាំ។ បច្ចុប្បន្នពួកគេទាំងពីរជាបុគ្គលិកធ្វើការនៅមជ្ឈមណ្ឌលហៅទូរសព្ទក្នុងទីក្រុង Suwon៕

ប្រែសម្រួល៖ សន្យា

ប្រភព៖ Koreaboo

ចុចអាន៖ ដើម្បីឪពុក កូនប្រុសមហាសេដ្ឋីប៉ាគីស្ថាន បែរជាត្រូវស្លាប់ក្នុងយាន Titan

ចុចអាន៖ មេធំក្រុមហ៊ុន Meta ត្រៀមប្រកួតក្នុងទ្រុងជាមួយមហាសេដ្ឋី Elon Musk