តើប្រព័ន្ធបាញ់រ៉ុកកែត “បិសាចជញ្ជក់ឈាម” ដែលអាមេរិក ត្រៀមផ្តល់ឲ្យអ៊ុយក្រែន ខ្លាំងកម្រិតណា?

សហរដ្ឋអាមេរិក គ្រោងប្រកាសកញ្ចប់សព្វាវុធថ្មីក្នុងទំហំទឹកប្រាក ១.៣ពាន់លានដុល្លារទៅឲ្យអ៊ុយក្រែន រួមទាំងយន្តហោះគ្មានមនុស្សបើកអត្តឃាតជាច្រើនប្រភេទ និងប្រព័ន្ធបាញ់រ៉ុកកែត VAMPIRE (បិសាចជញ្ជក់ឈាម) ដែលទើបបង្កើតថ្មីផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រព័ន្ធបាញ់រ៉ុកកែត “បិសាចជញ្ជក់ឈាម” ឬ Vehicle Agnostic Modular Palletized ISR Rocket Equipment គឺជាឧបករណ៍ចល័ត ដែលមានសមត្ថភាព បាញ់រ៉ុកកែត៧០មិល្លីម៉ែត្រ។

ប្រព័ន្ធនេះ មានជើងសម្រាប់បាញ់បាន៤គ្រាប់ ហើយអាចបំពាក់ទៅលើរថយន្តធម្មតាក៏បាន ឬអាចដំឡើងនៅតាមទីតាំងណាក៏បាន។

ក្រុមហ៊ុនផលិត L3Harris Technologies ក៏អះអាងផងដែរថា ប្រព័ន្ធអាវុធប្រភេទនេះអាច ការពារប្រឆាំងនឹងការគំរាមកំហែងលើដីគោកពីសំណាក់សត្រូវទៀតផង។

L3Harris បានប្រកាសកាលពីខែមករាថា ក្រសួងការពារជាតិអាមេរិក បានផ្តល់កិច្ចសន្យាក្នុងទំហំទឹកប្រាក់៤០លានដុល្លារដល់ពួកគេ ដើម្បីផ្តល់ប្រព័ន្ធអាវុធ បិសាចជញ្ជក់ឈាម ចំនួន១៤គ្រឿងទៅឲ្យកងកម្លាំងទីក្រុងកៀវ។

ក្រុមហ៊ុនក៏បញ្ជាក់ផងដែរថា ប្រព័ន្ធអាវុធ បិសាចជញ្ជក់ឈាម គឺមានតម្លៃ២៧៥០០ដុល្លារអាមេរិក ក្នុងមួយគ្រឿង។

យោងតាមអ្នកជំនាញយោធារុស្ស៊ី Yury Knutov, ប្រព័ន្ធអាវុធ បិសាចជញ្ជក់ឈាម អាចវាយប្រហារក្នុងរយៈចម្ងាយបានប្រហែលប្រាំគីឡូម៉ែត្រ៕

ប្រែសម្រួល៖ Vann Vann

ប្រភព៖ Sputnik

ចុចអាន៖ អាមេរិក ត្រៀមបញ្ជូន រ៉ុកកែត “បិសាចជញ្ជក់ឈាម” ទៅឲ្យ អ៊ុយក្រែន