ជីវិតកម្សាន្ដ

ធ្លាប់បាក់ទឹកចិត្ត តែ សុគន្ធ ថេរ៉ាយុ នៅអាចពង្រឹងស្មារតីបាន

បានផុស

៣ years មុន

នៅ

ថ្ងៃសុក្រ ១១ សីហា ២០២៣

ដោយ

តារាចម្រៀង លោក សុគ្ធ ថេរ៉ាយុ កាលពីថ្មីៗនេះ លោកបានរងការរិះគន់យ៉ាងខ្លាំង បន្ទាប់ពីបានបញ្ចេញបទចម្រៀងស្នាដៃថ្មីរបស់ខ្លួន ដើម្បីបំពេញការទន្ទឹងរង់ចាំអ្នកគាំទ្រក្រោយស្ងប់ស្ងាត់មួយរយៈ។ នាពេលនោះដែរ លោកបានបញ្ចេញស្នាដៃថ្មី និងបានផ្សព្វផ្សាយនៅលើបណ្ដាញសង្គមផ្លូវការ ស្រាប់តែមានបុគ្គលម្នាក់បានចេញមករិះគន់ ថា “សំឡេងកែមិនឡើង”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ បន្ទាប់ពីមានការរិះគន់លោក សុគន្ធ ថេរ៉ាយុ ក៏បានចេញមុខបកស្រាយយ៉ាងច្បាស់ជុំវិញការលើកឡើងទាំងអស់នោះ។

ជាមួយគ្នានេះ អ្វីដែលអ្នកគាំទ្រទើបតែចាប់អារម្មណ៍ថ្មីបន្ថែម តារាចម្រៀងរូបនេះ កន្លងមកក៏ធ្លាប់ឆ្លងបានកាត់រឿងរ៉ាវជាច្រើនរហូតធ្វើឱ្យលោកកើតជំងឺបាក់ទឹកចិត្ត តែពុំធ្លាប់មានមហាជន ឬអ្នកគាំទ្ររបស់លោកបានដឹងនោះឡើយ។

សុគន្ធ ថេរ៉ាយុ បានទម្លាយពីបញ្ហារបស់ខ្លួនថា «ព្រោះធ្លាប់បាក់ទឹកចិត្ត ព្រោះហត់នឿយនឹងពាក្យមើលងាយ ព្រោះស្អប់អារម្មណ៍គេដៀល ទើបរាល់ពេលខ្ញុំតែងតែខំទោះបីពេលខ្លះហត់នឿយយ៉ាងណា ក៏ខ្ញុំមិនបង្ហាញភាពទន់ជ្រាយមុខអ្នកណាឡើយ»។

លោកបញ្ជាក់ថា «រាល់ពេល មានតែខ្លួនឯងប៉ុណ្ណោះដែលខំរុញខ្លួនឯងឱ្យដើរទៅមុខទៀតយកពាក្យគេមើលងាយធ្វើជាកម្លាំងជំរុញចិត្ត គ្រាន់សង្ឃឹមថា ថ្ងៃមួយអាចរកច្រកចេញសម្រាប់គោលដៅជីវិតខ្លួនឯង គឺប្រសើរជាងនេះ។ អរគុណអ្នកទាំងអស់គ្នាដែរបានគាំទ្រ នឹងស្រលាញ់ចូលចិត្តខ្ញុំ»។ លោកបន្ថែមថា ពេលខ្លះបាក់ទឹកចិត្តតែលោកនឹងខំប្រឹងទៀត។

សូមជម្រាបថា សុគន្ធ ថេរ៉ាយុ កាលពីកន្លងទៅមិនត្រឹមក្លាយជាតារាចម្រៀងដ៏មានប្រជាប្រិយភាពខ្លាំងនោះទេ លោកក៏មានភាពជោគជ័យខ្លាំងលើអាជីវកម្មផងដែរ ប៉ុន្តែបន្ទាប់ពីសាងកេរ្តិ៍ឈ្មោះល្បីលើវិស័យសិល្បៈមួយសន្ទុះ កន្លងមកលោកក៏បានបាត់វត្តមានពីសិល្បៈមួយរយៈ ខណៈមហាជនជាច្រើនតែងបានទន្ទឹងរង់ចាំវត្តមាននៃបទចម្រៀងថ្មីៗរបស់លោកដើម្បីប្រជែងលើទីផ្សាបច្ចុប្បន្ន៕

អត្ថបទ៖ ចាន់រ៉ា