ព័ត៌មានអន្ដរជាតិ
តើការវិលត្រលប់ចូលស្រុកវិញរបស់លោក ថាក់ស៊ីន ជាប់ពាក់ព័ន្ធរឿងនយោបាយ និងបក្សភឿថៃ ដែរឬទេ?
រឿងរ៉ាវនៃការវិលត្រលប់ចូលស្រុកសាជាថ្មីរបស់អតីតនាយករដ្ឋមន្ត្រីថៃលោក ថាក់ស៊ីន ស៊ីណាវ៉ាត់ត្រា នៅថ្ងៃអង្គារ ទី២២ ខែសីហានេះ មានការចាក់សួរជាច្រើនទាក់ទងទៅនឹងថាតើជារឿងនយោបាយ ឬជាការរៀបចំឡើងដោយគណបក្សភឿថៃ ស្របពេលដែលបក្សមួយនេះគឺជាមេដឹកនាំក្រុមចម្រុះដើម្បីបង្កើតរដ្ឋាភិបាលថ្មី ។
ពាក់ព័ន្ធនឹងបញ្ហានេះដែរ អនុប្រធានគណបក្សភឿថៃលោក Phumtham Wechayachai បានប្រាប់អ្នកសារព័ត៌មានថា ផែនការវិលត្រលប់ចូលស្រុកវិញរបស់លោក ថាក់ស៊ីន នៅថ្ងៃទី២២ ខែសីហានេះ គឺជារឿងគាប់ជួន និងចៃដន្យ ហើយជារឿងរ៉ាវផ្ទាល់ខ្លួនរបស់ត្រកូល ថាក់ស៊ីន ប៉ុណ្ណោះ ហើយមិនពាក់ព័ន្ធនឹងរឿងនយោបាយឡើយ ។
លោក Phumtham បញ្ជាក់ទៀតថា វាក៏មិនជាប់ពាក់ព័ន្ធនឹងរឿងរ៉ាវរបស់គណបក្សភឿថៃនោះដែរ វាគឺជាបញ្ហាផ្ទាល់ខ្លួនរបស់បេក្ខជននាយករដ្ឋមន្ត្រីគឺលោកស្រី ផេថងថាន ស៊ីណាវ៉ាត់ត្រា ហើយសូមអ្នកសារព័ត៌មានបង្វែរសំណួរអំពីការវិលត្រលប់ចូលស្រុករបស់លោក ថាក់ស៊ីន ទៅកូនស្រីគាត់វិញទៅ ។
កាលពីថ្ងៃសៅរ៍កូនស្រីលោក ថាក់ស៊ីន រូបនេះបានប្រកាសពីការវិលត្រលប់ចូលស្រុកវិញរបស់ឪពុកលោកស្រីនៅម៉ោង ៩ ព្រឹកថ្ងៃទី២២ ខែសីហា ពោលចំថ្ងៃដែលសភាថៃក៏នឹងកោះប្រជុំសមាជិកសភាទាំងពីរ ដើម្បីធ្វើការបោះឆ្នោតជ្រើសរើសនាយករដ្ឋមន្ត្រីផងដែរ ។
គួរបញ្ជាក់ថា លោក ថាក់ស៊ីន ធ្លាប់បានពន្យារពេលវិលត្រឡប់ចូលស្រុកវិញចំនួន ២០ ដងមកហើយ រាប់ចាប់តាំងពីការសន្យាចូលមកកាលពីដើមខែនេះផងដែរ បន្ទាប់ពីត្រូវបានទម្លាក់ចេញពីអំណាចក្នុងរដ្ឋប្រហារយោធាកាលពីឆ្នាំ ២០០៦ ហើយចាប់តាំងពីពេលនោះមកលោកបានរស់នៅនិរទេសខ្លួនអស់រយៈពេល ១៧ ឆ្នាំមកហើយ ៕
ប្រែសម្រួលដោយ ៖ ជីវ័ន្ត
ប្រភព ៖ The Nation Thailand
ចុចអាន ៖ កូនស្រីលោក ថាក់ស៊ីន ទៅបន់ស្រន់ដល់ព្រះសុំឲ្យឪពុកទទួលបានសុខ សុវត្ថិភាព ពេលត្រលប់ចូលស្រុកវិញ
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ១ សប្តាហ៍ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សេចក្ដីជូនដំណឹង១៨ ម៉ោង ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ
-
សេដ្ឋកិច្ច៣ ថ្ងៃ ago
គម្រោងព្រែកជីកហ្វូណនតេជោ គ្រោងបើកការដ្ឋានសាងសង់ឆាប់ៗ