ជីវិតកម្សាន្ដ

យក់ ឋិតរដ្ឋា សុខៗ ស្រាប់តែពោលពាក្យស្រលាញ់ស្អប់ ធ្វើឲ្យអ្នកគាំទ្រឆ្ងល់គ្រប់គ្នា

បានផុស

២ years មុន

នៅ

ថ្ងៃអាទិត្យ ១៧ កញ្ញា ២០២៣

ដោយ

តារាស្រីអ្នកនាង យក់ ឋិតរដ្ឋា ថ្មីៗនេះស្រាប់តែបង្ហោះសារប្លែកធ្វើឲ្យអ្នកគាំទ្រចាប់អារម្មណ៍ និងមានចម្ងល់គ្រប់គ្នា ខណៈនាងបានពោលនូវពាក្យស្រលាញ់ និងស្អប់ ប៉ុន្តែគេមិនដឹងទេថា ន័យនេះ ចង់សំដៅលើរឿងអ្វីឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាអ្នកចម្រៀងចាស់វស្សាមានឈ្មោះល្បីយូរឆ្នាំ អ្នកនាង យក់ ឋិតរដ្ឋា គេសង្កេតឃើញថា មួយរយៈចុងក្រោយនេះហាក់ជួបនូវរឿងរ៉ាវព្យុះភ្លៀងបោកបក់មកលើជីវិត និងគ្រួសារជាបន្តបន្ទាប់ ហើយបញ្ហានោះ ធ្វើឲ្យនាង និងស្វាមី កាន់តែមានភាពរឹងមាំថែមទៀត។

អ្នកនាង យក់ ឋិតរដ្ឋា បានលើកឡើងថា «ស្រឡាញ់ប៉ុណ្ណា ក៏ស្អប់ប៉ុណ្ណឹង តែបើបានស្អប់ហើយ គឺស្អប់មួយជីវិត ខុសមួយដងពីរដងមិនអីទេ មនុស្សយើងអ្នកណាក៏មានកំហុសដែរ តែបើខុសចាប់ពីច្រើនដងឡើងទៅ គេហៅថាគ្មាននិស្ស័យនឹងគ្នាហើយ ស្មើនឹងពាក្យគេថា មានវាសនាជួបគ្នាតែគ្មាននិស្ស័យនឹងនៅជាមួយគ្នា»។

តារាចម្រៀងជើងចាស់អ្នកនាង យក់ ឋិតរដ្ឋា កន្លងមកត្រូវបានគេចាំថា បន្ទាប់ពីនាងសាងឈ្មោះល្បីលើវិថីសិល្បៈមួយរយៈមកនោះ តារាស្រីរូបនេះ ក៏បានដកខ្លួនចេញពីអាជីពចម្រៀងជាច្រើនឆ្នាំ ដោយទៅសម្ងំបើកអាជីពរកស៊ីផ្ទាល់ខ្លួនស្ទើរភ្លេចសិល្បៈទៅហើយ។ ប៉ុន្តែយ៉ាងណាមិញ ក្រោយរសាត់ឆ្ងាយពីសិល្បៈអស់មួយសន្ទុះធំ អ្នកនាង យក់ ឋិតរដ្ឋា ក៏លេចវត្តមានឡើងវិញជាមួយការប្រកាសវិលចូលវិស័យចម្រៀងដែលខ្លួនធ្លាប់បោះបង់យូរឆ្នាំកន្លងទៅហើយ។ ទន្ទឹមគ្នានោះដែរ យក់ ឋិតរដ្ឋា ក៏បានស្នើដល់មហាជន បន្តជួយផ្ដល់ជាកម្លាំងចិត្ត និងគាំទ្រវត្តមានរបស់នាងតាមរយៈឆាកតន្ត្រី ឬ បទចម្រៀងថ្មីៗ ខ្លួនផងដែរ៕

អត្ថបទ ៖ ចាន់រ៉ា