ព័ត៌មានជាតិ

ទ័ពកងមួកខៀវ១៨៤នាក់ មកពីលីបង់ ត្រូវធ្វើចត្តាឡីស័ក១៤ថ្ងៃ នៅវិទ្យាស្ថានហ្វឹកហ្វឺនខេត្តកំពង់ស្ពឺ

បានផុស

៥ years មុន

នៅ

ថ្ងៃពុធ ៣ កុម្ភៈ ២០២១

ដោយ

កងទ័ពមួកខៀវ នៃកងកម្លាំងវិស្វកម្មពហុជំនាញចំនួន ១៨៤នាក់ ក្នុងនោះមានកម្លាំងនារី២៤នាក់ ដែលទើបវិលត្រឡប់មកពីប្រទេសលីបង់ក្រោយបញ្ចប់បេសកកម្មអង្គការសហប្រជាជាតិ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្រូវបានបញ្ជួនទៅធ្វើចត្តាឡីស័ករយៈពេល១៤ថ្ងៃ នៅមណ្ឌលចត្តាឡីស័កនៅក្នុងវិទ្យាស្ថានហ្វឹកហ្វឺនកងកម្លាំងរក្សាសន្តិភាព នាស្រុកឧដុង្គ ខេត្តកំពង់ស្ពឺ។

ថ្លែងក្នុងពិធីទទួលកងកម្លាំងទ័ពមួកខៀវទាំង១៨៤នាក់ កាលពីរាត្រីថ្ងៃទី០១ ខែមករា ឆ្នាំ២០២១ នៅអាកាសយានដ្ឋាន អន្តរជាតិភ្នំពេញ នាយឧត្តមសេនីយ៍ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាពបានឲ្យដឹងថា កងកម្លាំងមួកខៀវទាំងនេះជាកងលើកទី១០ ដែលកម្ពុជាបានបញ្ជូនកម្លាំង ទៅកាន់សាធារណរដ្ឋលីបង់ ដើម្បីស្វែងរកសន្តិភាពកាលពីខែមករា ឆ្នាំ២០២០ ខណៈយើងទើបបានបញ្ជូនកម្លាំងថ្មីទៅដល់លីបង់កាលពីថ្ងៃទី៣១ ខែមករា ឆ្នាំ២០២១ កន្លងទៅដើម្បីផ្លាស់ប្តូរកម្លាំងចាស់។

នាយឧត្តមសេនីយ៍ មានប្រសាសន៍បន្តទៀតថា«ចំពោះកម្លាំងទ័ពមួកខៀវ ធ្វើមាតុភូមិនិវត្តន៍នៅថ្ងៃនេះ គឺបញ្ជូនទៅធ្វើចចត្តាឡីស័ក១៤ នៅមណ្ឌលចត្តាឡីស័ក ក្នុងវិទ្យាស្ថានហ្វឹកហ្វឺនកងកម្លាំងរក្សាសន្តិភាព នាស្រុកឧដុង្គ ខេត្តកំពង់ស្ពឺហើយយកសំណាកដើម្បីធ្វើតេស្តរកកូវីដ១៩»។ នាយឧត្តមសេនីយ៍ បានបន្ថែមថា ពួកគេត្រូវយកសំណាក់ចំនួន២លើក ដែលលើកទី១ពេលដែលពួកគេមកដល់និងលើទី២នៅថ្ងៃទី១៣ នៃការធ្វើចត្តាឡីស័ក។ បើលទ្ធផលតេស្តអវិជ្ជមានវីរុសកូវីដ១៩ ទើបយើងអនុញ្ញាតឲ្យត្រឡប់ទៅជួបជុំក្រុមគ្រួសារវិញ។ នាយឧត្តមសេនីយ៍ បានបញ្ជាក់ថា ក្នុងបេសកកម្មអង្គការប្រជាជាតិ នៅសាធារណៈរដ្ឋលីបង់ គឺទ័ពមួកខៀវកម្ពុជា គឺមានជំនាញវិស្វកម្ម និងជំនាញបោសសម្អាតមីន ដែលមានការកោតសរសើរ អង្គការសហប្រជាជាតិ និងបណ្តាលប្រទេស បានចូលរួមបេសកកម្មជាមួយគ្នា។

គួរបញ្ជាក់ថា ចាប់តាំងពីឆ្នាំ២០០៦មកកម្ពុជា បានបញ្ជូនកម្លាំង ចំនួនសរុបជាង៧៣០០នាក់ ក្នុងនោះមានស្ត្រីចំនួនជាង៤៥០នាក់ ទៅចូលរួមបេសកកម្មរបស់អង្គការសហប្រជាជាតិ។បច្ចុប្បន្នកម្ពុជាមានកម្លាំងចំនួនជិត១០០០នាក់ ដែលកំពុងបំពេញបេសកកម្មនៅប្រទេសចំនួន៥ រួមមាន ប្រទេសស៊ូដង់ ស៊ូដង់ខាងត្បូង អាហ្វ្រិកកណ្តាល លីបង់ និងម៉ាលី៕

អត្ថបទ៖ សំអឿន

សូមចុចអាន៖ ពលករខ្មែរម្នាក់ស្លាប់ ក្រោយត្រឡប់មកពីប្រទេសថៃបានជាង ១០ ថ្ងៃ

Related Topics:ចត្តាឡីស័ក កងទ័ពមួកខៀវ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា