ព័ត៌មានជាតិ
ខេត្តកំពង់ធំ រងគ្រោះដោយជំនន់ទឹកភ្លៀងធ្ងន់ធ្ងរជាងគេ ចំណោមខេត្តចំនួន ៩
ភ្លៀងធ្លាក់ជាបន្តបន្ទាប់រយៈពេលប៉ុន្មានថ្ងៃចុងក្រោយនេះបានបណ្តាលឲ្យខេត្តចំនួន ៩ រងគ្រោះដោយជំនន់ទឹកភ្លៀង ក្នុងនោះខេត្តកំពង់ធំ រងគ្រោះធ្ងន់ធ្ងរជាងគេ។
លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍នៅរសៀលថ្ងៃទី ២៩ កញ្ញានេះថា ចាប់ពីថ្ងៃទី ១២ ដល់ថ្ងៃទី ២៨ កញ្ញា ជំនន់ទឹកភ្លៀងបានប៉ះពាល់ដល់ខេត្តចំនួន ៩ ដូចជា ខេត្តព្រះវិហារ ក្រចេះ កំពង់ធំ ត្បូងឃ្មុំ ពោធិ៍សាត់ បាត់ដំបង ប៉ៃលិន កោះកុង និងព្រះសីហនុ។
លោកបានបន្តថា ខេត្តតាមមាត់ទន្លេមេគង្គ ទឹកបានស្រកចុះជាបណ្តើរៗ វិញហើយ។ ចំណែកខេត្តតាមមាត់សមុទ្រក៏មិនប៉ះពាល់អ្វីដែរ។ ខេត្តដែលរងគ្រោះធ្ងន់ធ្ងរជាងគេ គឺ ខេត្តកំពង់ធំ ដោយសារទឹកលិចយូរ បានប៉ះពាល់ដល់ ៨ ក្រុងស្រុក ៣០ ឃុំសង្កាត់ ប៉ះពាល់ប្រជាពលរដ្ឋ ៥៥២៦ គ្រួសារ លិចផ្ទះ ២២២៥ ខ្នង ស្រូវ ៣៤៣៣ ហិកតា និងជម្លៀសប្រជាជន ២៣១ គ្រួសារ។
ខេត្តក្រចេះប៉ះពាល់ ៥ ក្រុងស្រុក ២៧ ឃុំសង្កាត់ ប៉ះពាល់ប្រជាពលរដ្ឋ ១៦២២ គ្រួសារ ផ្ទះលិច ២៧៩ ខ្នង ដំណាំស្រូវ ៩៨១ ហិកតា និងដំណាំរួមផ្សំ ១៥០ ហិកតា។ ខេត្តព្រះវិហារប៉ះពាល់ ៦ ក្រុងស្រុក ១០ ឃុំសង្កាត់ ប៉ះពាល់ប្រជាពលរដ្ឋ ៧២៧ គ្រួសារ ជម្លៀសប្រជាពលរដ្ឋ ៣៥ គ្រួសារ លិចផ្ទះ ១៥០ ខ្នង និងដំណាំស្រូវ ៩៥៧ ហិកតា និងខេត្តត្បូងឃ្មុំប៉ះពាល់ ៣ ក្រុងស្រុក ១១ ឃុំសង្កាត់ ប៉ះពាល់ប្រជាពលរដ្ឋចំនួន ៧២៥ គ្រួសារ ជម្លៀសប្រជាពលរដ្ឋ ៧៥ គ្រួសារ និងដំណាំស្រូវ ៣៤៤ ហិកតា។ ខេត្តបាត់ដំបងប៉ះពាល់ស្រូវ ៥០០ ហិកតា នៅស្រុកថ្មគោល ស្រុកឯកភ្នំ និងស្រុកសំឡូត។ រីឯខេត្តពោធិ៍សាត់ប៉ះពាល់ស្រុក ៣ រួមមាន ស្រុកវាលវែង ស្រុកកណ្តៀង និងក្រុងពោធិ៍សាត់ បានប៉ះពាល់ប្រជាពលរដ្ឋ និងស្រូវមួយចំនួន។
បើតាម លោក ខូយ រីដា អភិបាលខេត្តពោធិ៍សាត់ បានឲ្យដឹងថា ប្រជាពលរដ្ឋប្រមាណជាង ៣ ពាន់គ្រួសារ រងការប៉ះពាល់ដោយសារជំនន់ទឹកភ្លៀង ខណៈ ១៤១ នាក់ ត្រូវបានអាជ្ញាធរជម្លៀសរកទីទួលសុវត្ថិភាព ហើយទឹកស្ទឹងពោធិ៍សាត់វាយលុកក្រុងពោធិ៍សាត់ និងស្រុកកណ្ដៀង ដែលទឹកបានហូរច្រោះដាច់ផ្លូវមួយចំនួនផងដែរ៕
អត្ថបទ ៖ សំអឿន
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៩ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម