ឌូបៃ អាចចាប់ផ្តើមសេវាកម្មតាក់ស៊ីហោះ នៅឆ្នាំ ២០២៦

ទីក្រុងឌូបៃសង្ឃឹមថា ខ្លួននឹងក្លាយជាទីក្រុងនាំមុខគេនាពេលអនាគត​ ក្នុងការបម្រើសេវាកម្មតាក់ស៊ីហោះ ពេញលេញនាឆ្នាំ ២០២៦។

នាយកប្រតិបត្តិនៃ Skyports ដែលជាក្រុមហ៊ុនសាងសង់ហេដ្ឋារចនាសម្ព័ន្ធចុះចតសម្រាប់តាក់ស៊ីតាមអាកាស បានបញ្ជាក់ថា ទីក្រុងឌូបៃ នឹងក្លាយជាទីក្រុងដំបូងគេក្នុងពិភពលោកដែលមានបណ្តា​ញតាក់ស៊ីហោះហើរដ៏​ពេញលេញជាសាធារណៈ។​

Skyports បានប្រកាសគម្រោងផែនការហោះហើរជាលើកដំបូងនូវតាក់ស៊ីតាមអាកាសនេះ នៅក្នុងខែកុម្ភៈ ដែលមានកន្លែងចតចំនួន ៤ ។ ចំណតទាំងនោះគ្រោងសាងសង់នៅជិតអាកាសយានដ្ឋានអន្តរជាតិឌូបៃ, Palm Jumeirah, Dubai Downtown និង Dubai Marina។

ចំពោះឧស្សាហកម្មរថយន្តហោះ ត្រូវបានគេព្យាករណ៍ថា នឹងមានតម្លៃ ១៥០ពាន់លានដុល្លារនៅឆ្នាំ ២០៣៥ ហើយអ្នកក្រុមអាជីវកម្ម Startups កំពុងព្យាយាមលក់ ទៅកាន់ក្រុមហ៊ុនឯកជននានានិងរដ្ឋាភិបាល ក្រោមគោលបំណងថា បច្ចេកវិទ្យាថ្មីនេះ កាត់បន្ថយការកកស្ទះចរាចរណ៍ រួមទាំងការបំពុលក្នុងទីក្រុង៕

ប្រែសម្រួល៖ នាង រតនៈ

ប្រភព៖​ Business Insider

ចុចអាន៖ ហ្វីលីពីន ចំណាយ ២២៤ លាន ដុល្លារ ជួយកសិករក្នុងគ្រាមានបញ្ហាអាកាសធាតុ