ព័ត៌មានជាតិ
ឯកឧត្ដម ហ៊ុន ម៉ានី ៖ ស្មារតី ២ ធ្នូ មានគោលដៅធ្វើឲ្យ កម្ពុជា អភិវឌ្ឍន៍ឆ្ពោះទៅមុខ
ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា សង្កត់ធ្ងន់ថា ស្មារតី ២ ធ្នូ សំដៅដល់ការប្រមូលផ្ដុំយុវជនមានឆន្ទៈរួមគ្នា ហ៊ានលះបង់ផលប្រយោជន៍ខ្លួនឯងដើម្បីជាតិ ក្នុងគោលដៅធ្វើឲ្យប្រទេសមានការអភិវឌ្ឍឆ្ពោះទៅមុខ។
ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា សង្កត់ធ្ងន់បែបនេះ ក្នុងឱកាស ឯកឧត្ដម អញ្ជើញជាអធិបតីភាព ក្នុងពិធីប្រកាសទទួលស្គាល់ក្រុមការងារ ស.ស.យ.ក បម្រើការនៅទីស្ដីការគណៈរដ្ឋមន្ត្រីចំនួន ៧៧ រូប នាអគារ The Kampusកាលពីរសៀលថ្ងៃទី ០៦ ខែធ្នូ ឆ្នាំ ២០២៣។
ឯកឧត្ដម ហ៊ុន ម៉ានី បានមានប្រសាសន៍ថា ទោះបី ៤៥ ឆ្នាំ កន្លងផុតទៅ ប៉ុន្តែស្មារតី ២ ធ្នូ នៅតែរក្សាបានយ៉ាងរឹងមាំ។ ឯកឧត្ដម សង្កត់ធ្ងន់ថា «ស្មារតី ២ ធ្នូ សំដៅដល់ការប្រមូលផ្ដុំយុវជនដែលមានឆន្ទៈរួមគ្នា ហ៊ានលះបង់ផលប្រយោជន៍ខ្លួនឯងដើម្បីជាតិ ក្នុងគោលដៅធ្វើឲ្យប្រទេសមានការអភិវឌ្ឍឆ្ពោះទៅមុខ»។
ឯកឧត្ដម ហ៊ុន ម៉ានី បញ្ជាក់ថា ក្នុងន័យខាងលើនេះ ឯកឧត្ដម ចង់បង្ហាញសមាជិក-សមាជិកា និងសាធារណជន ជ្រាបច្បាស់ពីសកម្មភាពតូចៗ ដែល ស.ស.យ.ក បានរៀបចំ វាគឺជាផ្នែកមួយធ្វើឲ្យប្រជាជននៅរួមគ្នា និងមានភាពស្និទ្ធស្នាលជាមួយគ្នា ដើម្បីសង្គមមួយថែរក្សាបាននូវសាមគ្គីភាព ឯកភាព នូវសុខដុមនីយកម្ម ការចេះយោគយល់អធ្យាស្រ័យគ្នាទៅវិញទៅមក។ ទាំងអស់នេះ មិនមែនកើតឡើងដោយឯកឯងទេ តែត្រូវការចាំបាច់ការរៀបចំសកម្មភាព និងរំលឹកជាប្រចាំ៕
អត្ថបទ ៖ ពិសី
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៧ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ១១ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន