តើក្រុមហ៊ុនអាកាសចរណ៍ជប៉ុន ខាតប៉ុន្មាន ពីហេតុការណ៍ យន្តហោះបុកគ្នា?

នៅថ្ងៃព្រហស្បតិ៍ទី៤ខែមករា ក្រុមហ៊ុនអាកាសចរណ៍ជប៉ុន (JAL) បានប៉ាន់ប្រមាណថា ខ្លួនខាតបង់ប្រាក់អស់ប្រហែល១៥ពាន់លានយ៉េន (១០៤.៨១ លានដុល្លារអាមេរិក) បន្ទាប់ពីជើងហោះហើរ JL516 របស់ខ្លួន បុកជាមួយយន្តហោះឆ្មាំសមុទ្រ កាលពីថ្ងៃអង្គារទី២ខែមករា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ ក្រុមហ៊ុននិយាយថា ថ្លៃខាតបង់ នឹងត្រូវចេញសងដោយក្រុមហ៊ុនធានារ៉ាប់រង។

តាមប្រភព, ក្រុមហ៊ុនធានារ៉ាប់រងអាមេរិក AIG គឺ​ជាអ្នកទទួលខុសត្រូវលើគោលនយោបាយធានារ៉ាប់រងគ្រប់ហានិភ័យទឹ​ក​​​ប្រាក់១​៣០លានដុល្លារសម្រាប់យន្តហោះ JAL Airbus A350 ដែលត្រូវបានបំផ្លាញដោយអគ្គិភ័យ។

បើយោងតាមបណ្តាញសុវត្ថិភាពអាកាសចរណ៍, នេះត្រូវបានគេដឹងថា គឺជាការខាតបង់លើកដំបូងមិនធ្លាប់មាននៅទូទាំងពិភពលោក សម្រា​ប់ម៉ូ​​ដែ​ល​ A350 ដែលជាប្រភេទយន្តហោះ ​ផលិត​ពី​សមាសធាតុ​កាបូន​ភាគច្រើន។

សូមបញ្ជាក់ជាថ្មី យន្តហោះបានបុកគ្នានៅអាកាសយានដ្ឋាន Haneda នាទីក្រុងតូក្យូ រួចក៏ផ្ទុះឆេះ ប៉ុន្តែមនុស្ស៣៧៩នាក់ នៅលើយន្តហោះ Airbus A350 ត្រូវបានជម្លៀសចេញដោយសុវត្ថិភាព។

យ៉ាងណា អាកាសយានិក៥នាក់ក្នុងចំណោម៦នាក់ នៅលើយន្តហោះឆ្មាំសមុទ្រ ត្រូវបាត់បង់ជីវិតនៅក្នុងហេតុការណ៍ខាងលើ។

ម្យ៉ាងទៀត អាជ្ញាធរជប៉ុន ទើបតែចាប់ផ្តើមការស៊ើបអង្កេតប៉ុណ្ណោះ ហើយនៅតែមិនទាន់ច្បាស់អំពីកាលៈទេសៈជុំវិញគ្រោះអកុសលនេះ៕

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ រកឃើញតម្រុយខ្លះនៃសោកនាដកម្មយន្តហោះ ២ គ្រឿងបុកគ្នាស្លាប់មនុស្ស ៥ នាក់នៅ ជប៉ុន