ជីវិតកម្សាន្ដ
ផ្តើមឱកាសជីវិតថ្មី ប៊ុត សីហា បន្ទោសខ្លួនឯងជាអ្នកដើរផ្លូវខុស
បន្ទាប់ពីបាត់មុខមួយរយៈក្រោយធ្លាយដំណឹងត្រូវបានសមត្ថកិច្ចឃាត់ខ្លួនពាក់ព័ន្ធនឹងករណីប្រើប្រាស់គ្រឿងញៀនតារាចម្រៀង ប៊ុត សីហា ពេលនេះបានលេចវត្តមានជាថ្មីដើម្បីមានឱកាសសាងជីវិតនៅក្នុងសង្គម ខណៈមហាជនមួយចំនួនចាំមើលថា តារាប្រុសសម្បូររឿងអាស្រូវគ្រឿងញៀនរូបនេះអាចកែខ្លួន ឬយ៉ាងណា។
ទស្សនិកជនចាំបានថា អតីតម្ចាស់ជ័យលាភីលេខ១ ក្នុងកម្មវិធីប្រឡងចម្រៀង «The Voice Cambodia» លោក ប៊ុត សីហា ត្រូវបានចាប់ខ្លួនចំនួនពីរលើករួចមកហើយជុំវិញករណីគ្រឿងញៀនដែលទង្វើនេះក៏ត្រូវបានអ្នកគាំទ្រ និងសិល្បករជាច្រើនបង្ហាញការហួសចិត្តចរិតលោកមិនចេះកែប្រែទោះបីមានការលើកទឹកចិត្ត និងការជួយជ្រោមជ្រែងពីមជ្ឈដ្ឋាននានា។
លោក ប៊ុត សីហា គិតមកដល់ពេលនេះបានបាត់មុខពីបណ្ដាញសង្គមរយៈពេលប្រមាណ ៤ខែ កន្លងមក ក្រោយពេលត្រូវចាប់ខ្លួនពាក់ព័ន្ធគ្រឿងញៀន។ យ៉ាងណាថ្មីៗនេះលោក ប៊ុត សីហា ស្រាប់តែលេចវត្តមានជាថ្មី តាមរយៈបណ្តាញសង្គមហ្វេសប៊ុកផ្ទាល់ខ្លួនដោយតារារូបនេះក៏ទទូចស្នើសុំឲ្យមហាជនផ្តល់ការគាំទ្រចំពោះលោកផងដែរ។ ប៉ុន្តែលោក ប៊ុត សីហា ក៏បានបន្ទោសខ្លួនឯងជាអ្នកដើរផ្លូវខុស។
ប៊ុត សីហា បានចេញខ្លឹមសារជាបន្តបន្ទាប់ដោយលើឡើងថា “បងប្អូនចងចាំខ្ញុំផង បន្តិចទៀតខ្ញុំមានអ្វីថ្មីបទថ្មីដែលខ្ញុំក៏មិនដែលច្រៀងបទប្រភេទចឹងដែរ គ្រាន់សាកបើកទំព័រថ្មីសាកល្បង ស៊ែខមិនម្នាក់មួយមើលបងប្អូន”។ លោកថាអ្វីៗដែលអ្នកសារព័ត៌មាននិយាយ គឺត្រូវបងៗនិយាយមិនខុសទេរាល់បងៗចុះផ្សាយមិនថាលើកខ្ញុំ ឬជាន់ខ្ញុំទេបងៗគឺជាអ្នកសារពត៌មាន។
ដោយឡែករឿងមួយទៀតដែលធ្វើឲ្យ ប៊ុត សីហា ចងចាំមិនភ្លេចចំពោះគឺបុគ្គលម្នាក់នោះថៅកែពេជ្រ ទ្រី ដាណា ដែលធ្លាប់ផ្តល់ឱកាស និងលុយកាក់ជ្រោមជ្រេងប៉ុន្តែលោកមិនកែខ្លួន។ ប៊ុត សីហា បានលើកឡើងថា “លោកជំទាវចិត្តធម៌ដែលធ្លាប់ជួយខ្ញុំកន្លងមក ទ្រី ដាណា Dana Try មកពីខ្ញុំទេដែលដើរផ្លូវខុស លោកជំទាវលើសពីល្អពេកហើយសម្រាប់អ្នកក្រីក្រ“។
សូមបញ្ជាក់ថា លោក ប៊ុត សីហា រួមនឹងបក្ខពួកម្នាក់ ត្រូវបានកម្លាំងនគរបាលស្រុកគងពិសី ខេត្តកំពង់ស្ពឺ ឃាត់ខ្លួនកាលពីវេលាម៉ោងប្រមាណ ៤រសៀលថ្ងៃទី១២ ខែកញ្ញា ឆ្នាំ២០២៣ ស្ថិតនៅចំណុច ភូមិត្រាំខ្នា ឃុំស្នំក្រពើ ស្រុកគងពិសី ខេត្តកំពង់ស្ពឺពាក់ព័ន្ធគ្រឿងញៀន។
កាលពីឡុងដើមឆ្នាំ២០១៨ តារាចម្រៀលោក ប៊ុត សី ហា ត្រូវបានសមត្ថកិច្ចឃាត់ចាប់ខ្លួនពាក់ព័ន្ធ នឹងករណីប្រើប្រាស់គ្រឿងញៀនម្តងរួចមកហើយដែលស្ថិតនៅមុខសាលាបឋមសិក្សាពងទឹក សង្កាត់ពងទឹក ខណ្ឌដង្កោ រាជធានីភ្នំពេញ បន្ទាប់ពីតារាប្រុសរូបនេះទៅទិញគ្រឿងញៀនដើម្បីជក់តែកាលណោះត្រូវបានក្រុមគ្រួសារធានាយកទៅធ្វើការអប់រំ និងបន្សាបគ្រឿងញៀន៕
អត្ថបទ៖ ចាន់រ៉ា
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
សន្តិសុខសង្គម៣ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS