កីឡា

AFC ហាមអ្នកកាសែតអ៊ីរ៉ាក់ពីការរំខាន់គ្រូបង្វឹកអ៊ីរ៉ាក់ក្រោយធ្លាក់ពី Asian Cup

បានផុស

២ years មុន

នៅ

ថ្ងៃព្រហស្បតិ៍ ១ កុម្ភៈ ២០២៤

ដោយ

សហព័ន្ធបាល់ទាត់ទ្វីបអាស៊ី (AFC) កាលពីថ្ងៃអង្គារ៍បានហាមអ្នកសារព័ត៌មានអ៉ីរ៉ាក់ពាក់ព័ន្ធការផ្សព្វផ្សាយការប្រកួតរបស់ AFC ផ្សេងៗនាអនាគត បន្ទាប់ពីអ្នកកាសែតទាំងនោះបានរំខានដល់គ្រូបង្វឹកអ៊ីរ៉ាក់ លោក Jesus Casas ក្នុងសន្និសីទសារព័ត៌មាន បន្ទាប់ពីបរាជ័យក្នុងការប្រកួតជើងឯកទ្វីបអាស៊ី AFC Asian Cup វគ្គ១៦ក្រុមចុងក្រោយ។

ក្រុមជម្រើសជាតិអ៊ីរ៉ាក់ បានចាញ់ក្រុមហ្សកដានី ៣-២ ក្នុងការប្រកួតដែលខ្សែប្រយុទ្ធអ៊ីរ៉ាក់ជាអ្នកស៊ុតបញ្ចូលទីច្រើនជាងគេក្នុងពានរង្វាន់នេះគឺកីឡាករ Aymen Hussein ត្រូវបានបណ្តេញចេញនៅចុងម៉ោងសម្រាប់ការអបអរគ្រាប់បាល់របស់គេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរបាត់បង់ខ្សែប្រយុទ្ធ Aymen Hussein បានផ្តល់ឱ្យហ្សកដានីគ្រប់គ្រងការប្រកួតឡើងវិញនៅពេលពួកគេត្រូវបានអ៊ីរ៉ាក់នាំមុខ ២-១ ហើយពួកគេបានស៊ុតបាល់បញ្ចូលទី២គ្រាប់នៅក្នុងម៉ោងបន្ថែម ដើម្បីម្លាក់អ៊ីរ៉ាក់ និងឈានទៅវគ្គ៨ក្រុមចុងក្រោយ។

ក្នុងសន្និសីទសារព័ត៌មានក្រោយការប្រកួត អ្នកកាសែតអ៊ីរ៉ាក់ដែលខឹងសម្បារត្រូវបានគេឃើញស្រែកដាក់ លោក Casas ហើយមនុស្សរាប់សិបនាក់បានសម្រុកចេញមកក្រៅ ខណៈមានការចង្អុលដៃទៅកាន់គ្រូបង្វឹកសញ្ជាតិអេស្ប៉ាញ។ អ្នកខ្លះត្រូវបានមន្ត្រីនាំចេញពេលចូលទៅជិតតុសន្និសីទសារព័ត៌មាន។

ក្នុងសេចក្តីថ្លែងការណ៍មួយបានលើកឡើងថា ៖«AFC ថ្កោលទោសយ៉ាងម៉ឺងម៉ាត់ចំពោះអាកប្បកិរិយាមិនសមរម្យ និងឈ្លានពានណាមួយ ហើយប្រកាន់ជំហរមិនអត់ឱនចំពោះសកម្មភាពបែបនេះ។ (AFC) បានសម្រេចយ៉ាងរហ័សក្នុងការរារាំងបុគ្គលដែលមានទំនួលខុសត្រូវពីការគ្របដណ្តប់មិនត្រឹមតែការប្រកួត AFC Asian Cup ប៉ុណ្ណោះទេ ថែមទាំងការប្រកួត AFC ផ្សេងៗនាពេលអនាគត»។

សមាគមបាល់ទាត់របស់អ៊ីរ៉ាក់ បាននិយាយថា សកម្មភាពរបស់អ្នកកាសែតគឺជា “សញ្ញាខ្មៅនៅក្នុងប្រវត្តិសាស្ត្រប្រព័ន្ធផ្សព្វផ្សាយអ៊ីរ៉ាក់។ ហេតុការណ៍ទាំងនេះមិនមានទំនាក់ទំនងជាមួយប្រព័ន្ធផ្សព្វផ្សាយអ៊ីរ៉ាក់ពិតប្រាកដដែលត្រូវបានគេស្គាល់ថាជាមុខតំណែងកិត្តិយសរបស់ខ្លួននោះទេ”៕

ប្រែសម្រួល៖ មន្នីរ័ត្
ប្រភព៖ Reuter

Related Topics:AFC Asian Cup