ព័ត៌មានអន្ដរជាតិ
អ៊ីស្រាអែល កំពុងរងការព្រមានពីអន្តរជាតិកាន់តែខ្លាំង ជុំវិញគម្រោងវាយប្រហារទីក្រុង Rafah
អ៊ីស្រាអែលកំពុងប្រឈមមុខនឹងការព្រមានពីអន្តរជាតិកាន់តែខ្លាំងឡើង ជុំវិញការវាយលុកដែលបានគ្រោងទុកនៅ Rafah ដែលជាទីក្រុងប្រមូលផ្តុំដោយជនភៀសខ្លួនប៉ាឡេស្ទីន នៅភាគខាងត្បូងតំបន់ Gaza ។
ជាមួយគ្នានេះ រដ្ឋមន្ត្រីការបរទេសអង់គ្លេសលោក David Cameron បាននិយាយថា “ជាងពាក់កណ្តាលនៃចំនួនប្រជាជននៅតំបន់ Gaza កំពុងជ្រកកោននៅក្នុងតំបន់ Rafah នេះ” ខណៈដែលវិទ្យុ FM ហូឡង់ Hanke Bruins Slot បាននិយាយថា “អាចមានជនស៊ីវិលស្លាប់បាត់បង់ជីវិតជាច្រើននាក់ ប្រសិនបើគម្រោងវាយប្រហារទីក្រុង” Rafah ពីសំណាក់ភាគី អ៊ីស្រាអែល ប្រព្រឹត្តទៅបានសម្រេចមែននោះ ។ ហើយដូចគ្នានេះ អារ៉ាប៊ីសាអូឌីត ក៏បានព្រមានអំពី “ផលប៉ះពាល់យ៉ាងធ្ងន់ធ្ងរ” ប្រសិនបើ Rafah ត្រូវបានវាយប្រហារ។
នៅថ្ងៃអាទិត្យ នេះ ក្រសួងសុខាភិបាលដែលគ្រប់គ្រងដោយក្រុមហាម៉ាសនៅក្នុងតំបន់ Gaza បាននិយាយថា ជនជាតិប៉ាឡេស្ទីនចំនួន ១១២ នាក់ទៀត ត្រូវបានសម្លាប់ដោយយោធាអ៊ីស្រាអែល ដែលនាំឱ្យចំនួនអ្នកស្លាប់សរុបកើនឡើងដល់ជាង ២៨,១០០ នាក់ និងជាង ៦៧,៥០០ នាក់ បានរងរបួស។ ហើយប្រជាជនប៉ាឡេស្ទីន ជាច្រើននាក់ ដែលកំពុងរស់នៅក្នុងទីក្រុង Rafah ត្រូវបានបង្ខំឱ្យភៀសខ្លួនពីផ្ទះរបស់ពួកគេទៅកន្លែងផ្សេងទៀត។
ជាមួយនឹងការប្រកាសរបស់រដ្ឋមន្ត្រីអ៊ីស្រាអែល លោក Benjamin Netanyahu អំពីគម្រោងជម្លៀសប្រជាជនប៉ាឡេស្ទូីន ចេញពីទីក្រុង Rafah ដើម្បីវាយកម្ទេចបន្ទាយចុងក្រោយរបស់ហាម៉ាស់ នេះដែរ សហរដ្ឋអាមេរិកបានព្រមានថា ការលុកលុយក្រុង Rafah នឹងក្លាយជា “គ្រោះមហន្តរាយ” ខណៈដែល EU និង UN កំពុងសម្តែងការព្រួយបារម្ភរៀងៗខ្លួនអំពីបញ្ហានេះ។
ទន្ទឹមគ្នានេះ អ្នកសម្របសម្រួលផ្នែកមនុស្សធម៌របស់អង្គការសហប្រជាជាតិលោក Jamie McGoldrick ដែលទើបតែបានទៅ Gaza ដើម្បីវាយតម្លៃស្ថានភាព បានប្រាប់ BBC ថា ប្រជាជននៅ Rafah នឹងគ្មានកន្លែងសម្រាប់ទៅឡើយ ប្រសិនបើកងទ័ពអ៊ីស្រាអែលចាប់ផ្តើមការវាយលុករបស់ពួកគេ។ លោក Jamie និយាយយ៉ាងដូច្នេះថា ប្រជាជនប៉ាឡេស្ទីនប្រហែល ១.៥ លាននាក់ត្រូវបានគេជឿថា កំពុងរស់នៅភៀសខ្លួនក្នុងទីក្រុង Rafah ដើម្បីគេចចេញពីប្រតិបត្តិការយោធាអ៊ីស្រាអែល ហើយពួកគេភាគច្រើនមិនមានផ្ទះសម្បែងឡើយ ពោលគឺរស់នៅក្នុងតង់ប៉ុណ្ណោះ ។ លោកបន្តថា “Rafah ធ្លាប់តែជាតំបន់មានសុវត្ថិភាព ហើយស្រាប់តែក្លាយទៅជាតំបន់លែងមានសុវត្ថិភាពវិញ តើពួកគេអាចផ្លាស់ទីទៅទីណាបានទៀត?” ៕
ប្រែសម្រួលដោយ÷ ប៉ោ កុសល
ប្រភព÷ CNA
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ១ សប្តាហ៍ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សេចក្ដីជូនដំណឹង១៨ ម៉ោង ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ
-
សេដ្ឋកិច្ច៣ ថ្ងៃ ago
គម្រោងព្រែកជីកហ្វូណនតេជោ គ្រោងបើកការដ្ឋានសាងសង់ឆាប់ៗ