ជីវិតកម្សាន្ដ

Kimberly លុបចោលការងារទាំងអស់ ក្រោយឆ្លងផ្ដាសាយប្រភេទA កំពុងរាលដាលខ្លាំងនៅថៃ

បានផុស

២ years មុន

នៅ

ថ្ងៃព្រហស្បតិ៍ ១៥ កុម្ភៈ ២០២៤

ដោយ

អ្នកគាំទ្រជាច្រើនមានការព្រួយបារម្ភជាខ្លាំង បន្ទាប់ពីតារាសម្ដែង Kimberly Ann Voltemus ក្រោយវិលត្រលប់ពីប្រទេសបារាំងវិញ នាងស្រាប់តែប្រកាសលុបចោលការងារទាំងអស់ភ្លាមៗដោយមិនដឹងមូលហេតុពិតប្រាដក។ នេះបើយើងតាមការចុះផ្សាយពីសារព័តមាន Sanook នៅថ្ងៃទី១៥ ខែកុម្ភៈ។

រឿងរ៉ាវរបស់តារាសម្ដែងរូបនេះបានធ្វើឲ្យទស្សនិកជនក្នុងប្រទេសហាក់មានចម្ងល់ជាខ្លាំងថា តើ Kimberly មានបញ្ហាផ្ទាល់ខ្លួនឬយ៉ាងណា បន្ទាប់ពីត្រលប់មកពីចូលរួមព្រឹត្តិការណ៍ Cartier Trinity 100 years ដែលប្រារព្ធខួបលើកទី ១០០នៃការប្រមូលគ្រឿងអលង្ការ Trinity របស់ Cartier ភ្លាមៗ នាងប្រែជាប្រញាប់ទៅជួបពេទ្យជាបន្ទាន់។

ក្រោយមកទើបអ្នកគាំទ្ររបស់នាងបានដឹងថា Kimberly មានជំងឺគ្រុនផ្ដាសាយប្រភេទ A ឬហៅថា H1N1 ដែលធ្វើឲ្យនាងត្រូវតែប្រញាប់លុបចោលការងារដែលនាងទទួលយកក្នុងអំឡុងពេលនេះជាមុនសិន។ ក្នុងនោះផងដែរតារាសម្ដែងរូបនេះបានបង្ហោះនូវលទ្ធផលតេស្តតាមរយៈបណ្ដាញសង្គម Instagram ផ្ទាល់ខ្លួនងថា “ខ្ញុំសុំទោសចំពោះការលុបចោលព្រឹត្តិការណ៍ទាំងអស់ក្នុងអំឡុងពេលនេះ។ ខ្ញុំនឹងបានប្រសើរឡើងឆាប់ៗនេះ ហើយនឹងវិលមកជួបអ្នកគ្រប់គ្នាវិញជាក់ជាមិនខាន”។

ទោះយ៉ាងណាក៏ដោយ បន្ទាប់ពីអ្នកគាំទ្រនិង មិត្តភ័ក្តិក្នុងវិស័យសិល្បៈថៃបានដឹងថា តារាសម្ដែងកូនកាត់ Kimberly បានឆ្លងនូវជំងឺផ្ដាសាយប្រភេទ A ម្នាក់ៗបានសម្រុកចូលទៅបញ្ចេញមតិផ្ញើសារសួរសុខទុក្ខជាបន្តបន្ទាប់ និងសូមឲ្យនាងសះស្បើយពីជំងឺយ៉ាងឆាប់រហ័ស។ ជាពិសេសមហាជនក៏សម្ដែងនូវការព្រួយបារម្ភពីសុខភាពរបស់នាងយ៉ាងលើសលប់ ដោយសារតែជំងឺគ្រុនផ្ដាសាយប្រភេទ A ឬហៅថា H1N1 កំពុងតែវាលលុកក្នុងប្រទេសថៃនាពេលនេះ៕