ព័ត៌មានជាតិ
ឯកឧត្តម ឌី វិជ្ជា ត្រូវបានចាត់តាំងជាប្រធាន អនុគណៈកម្មការបង្ការ ទប់ស្កាត់ និងបង្ក្រាបគ្រឿងញៀនតាមបញ្ញើប្រៃសណីយ៍
ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ ត្រូវបានប្រមុខរាជរដ្ឋាភិបាលកម្ពុជា ចាត់តាំងជាប្រធានអនុគណៈកម្មការបង្ការ ទប់ស្កាត់ និងបង្ក្រាបគ្រឿងញៀនតាមបញ្ញើប្រៃសណីយ៍ ក្រោមចំណុះគណៈបញ្ជាការយុទ្ធនាការប្រយុទ្ធប្រឆាំងគ្រឿងញៀនខុសច្បាប់។
សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា តាមរយៈសេចក្ដីសម្រេចចុះថ្ងៃទី១៤ ខែកុម្ភៈ ឆ្នាំ២០២៤ បានសម្រេចបង្កើតនូវគណៈបញ្ជាការយុទ្ធនាការប្រយុទ្ធប្រឆាំងគ្រឿងញៀនខុសច្បាប់ ដែលដឹកនាំដោយឯកឧត្តម នេត សាវឿន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ជាប្រធាន និងឯកឧត្តមឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃ ជាអនុប្រធាន។
គណៈបញ្ជាការយុទ្ធនាការប្រយុទ្ធប្រឆាំងគ្រឿងញៀនខុសច្បាប់ មានតួនាទី និងភារកិច្ចដឹកនាំ បញ្ជា និងចាត់តាំងអនុវត្តផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់របស់រាជរដ្ឋាភិបាល ហើយគណៈបញ្ជាការនេះមានគណៈកម្មការចំនួន៥ ជាសេនាធិការ។ គណៈកម្មការចំនួន៥ នេះ គឺ ១. គណៈកម្មការទទួលបន្ទុកផ្សព្វផ្សាយអប់រំ ២. គណៈកម្មការទទួលបន្ទុកអនុវត្តវិធានការរដ្ឋបាល ៣. គណៈកម្មការបង្ការ ទប់ស្កាត់ និងបង្ក្រាបគ្រឿងញៀនតាមបណ្តាខេត្តជាប់ព្រំដែន និងតាមច្រកទ្វារព្រំដែន ៤. គណៈកម្មការទទួលបន្ទុកសហប្រតិបត្តិការអន្តរជាតិ និង៥. គណៈកម្មការផ្គត់ផ្គង់។
បើតាមសេចក្ដីសម្រេចដដែលនេះ ចំពោះគណៈកម្មការបង្ការ ទប់ស្កាត់ និងបង្ក្រាបគ្រឿងញៀននៅតាមបណ្តាខេត្តជាប់ព្រំដែន និងតាមច្រកទ្វារព្រំដែន គឺត្រូវបានបង្កើតឱ្យមានអនុគណៈកម្មការចំណុះចំនួន៣ថែមទៀត ដែលក្នុងនោះ អនុ គណៈកម្មការមួយ គឺអនុគណៈកម្មការបង្ការ ទប់ស្កាត់ និងបង្ក្រាបគ្រឿងញៀនតាមបញ្ញើប្រៃសណីយ៍ ត្រូវបានដឹកនាំដោយឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ ជាប្រធាន អមដោយអនុប្រធាន និងសមាជិកមួយចំនួន។
អនុគណៈកម្មការបង្ការ ទប់ស្កាត់ និងបង្ក្រាបគ្រឿងញៀនតាមបញ្ញើប្រៃសណីយ៍ ដែលដឹកនាំដោយឯកឧត្តម ឧត្តមសេនីយ៍ឯក ឌី វិជ្ជា នេះ គឺមានភារកិច្ចប្រមូលព័ត៌មាន ដើម្បីវិភាគ និងវាយតម្លៃអំពីឧបាយកល បែបផែនសកម្មភាពរបស់ក្រុមឧក្រិដ្ឋជន សំដៅដាក់ចេញផែនការ វិធានការបង្ការ ទប់ស្កាត់ ការចរាចរឆ្លងកាត់គ្រឿងញៀន និងសារធាតុគីមីផ្សំគ្រប់ប្រភេទតាមបញ្ញើប្រៃសណីយ៍។ បន្ថែមពីនេះ ត្រូវសហការជាមួយអង្គការអន្តរជាតិ និងភ្នាក់ងារអនុវត្តច្បាប់នៃបណ្តាប្រទេសជាមិត្ត ដើម្បីផ្លាស់ប្តូរព័ត៌មាន និងមានវិធានការស្រាវជ្រាវបង្ក្រាបមុខសញ្ញាពាក់ព័ន្ធការចរាចរគ្រឿងញៀនខុសច្បាប់តាមបញ្ញើប្រៃសណីយ៍ ម្ចាស់ការស៊ើបអង្កេត និងបង្ក្រាបបទល្មើសគ្រឿងញៀនតាមបញ្ញើប្រៃសណីយ៍ ជាដើម៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង