សប្ដាហ៍ទី៥ស្វាយរៀងខាប់នារី ក្រុមសសយក ស្រុករំដួល លត់ដៃគូ៩គ្រាប់

ការប្រកួតសន្សំពិន្ទុក្នុងពូល​ ពានរង្វាន់បាល់ទាត់​នារី​ស្វាយរៀងខាប់ រដូវ​កាល​ទី១ សប្ដាហ៍ទី៥ ក្រុមសសយក ក្រុងស្វាយរៀងនិងសសយក ស្រុករំដួល សុទ្ធតែរកបានជ័យជម្នះដូចគ្នា។

នៅថ្ងៃព្រហស្បតិ៍ ទី១៨ ខែមេសា ឆ្នាំ២០២៤ ក្រុម សសយក ក្រុងស្វាយរៀង បានយកឈ្នះក្រុម ស្រ្ដីដើម្បីកីឡា ក្នុងលទ្ធផល ៤-២ ក្នុងនោះ៤គ្រាប់របស់ក្រុមកីឡាការិនី​ក្រុងស្វាយរៀង ស៊ុតបញ្ចូលទៅដោយកីឡាការិនី វណ្ណា ស្រីនីត ៣គ្រាប់ និង១គ្រាប់ទៀតរកបានដោយ កីឡាការិនី អៃ ចាន់ធីតា។

គូទី២ ក្នុងការប្រកួតសន្សំពិន្ទុក្នុងពូល«ក» ក្រុមសសយក ស្រុករំដួល យកឈ្នះក្រុមសសយក ស្រុកស្វាយជ្រំ ក្នុងលទ្ធផល ៩-០។ ស៊ុតបញ្ចូលទីដោយកីឡាការិនី និត សុខា​ ៦គ្រាប់ម្នាក់ឯង និង​៣គ្រាប់ទៀតរកបានដោយកីឡាការិនី៣រូបផ្សេងរួមមានកីឡាការិនី ស្រី សូលីដា, សៀង សុភ័ក្រ និង ហុង សុវណ្ណគង្គារ។

ថ្ងៃសៅរ៍ ទី២០ ខែមេសា ឆ្នាំ២០២៤
-សសយក ស្រុកកំពង់រោទិ៍ vs សសយក ស្រុករមាសហែក វេលាម៉ោង៨ព្រឹក
ថ្ងៃអាទិត្យ ទី២១ ខែមេសា ឆ្នាំ២០២៤
-សសយក ស្រុកចន្រ្ទា vs វិទ្យាល័ព្រះពន្លា វេលាម៉ោង៨ព្រឹក

អត្ថបទ៖ ផា រតនា