KPT+

ចង់ទៅប្រទេសជប៉ុន គួរដឹង ១០ ចំណុចនេះជាមុនសិន

បានផុស

៦ years មុន

នៅ

ថ្ងៃពុធ ៤ វិច្ឆិកា ២០២០

ដោយ

Sonya

ជប៉ុន ជាប្រទេសដែលមានការរីកចម្រើនគ្រប់វិស័យ សូម្បីតែទេសចរណ៍ក៏មានភាពរីកចម្រើនខ្លាំងគួរឱ្យកត់សម្គាល់ដែរ។ ប្រទេសនេះពិតជាស្ថានសួគ៌ក្រោមមេឃ ព្រោះថាគ្រប់កន្លែងកម្សាន្តនិងម្ហូបអាហារពិតជាពិសេសសម្រាប់ការធ្វើដំណើរកម្សាន្តរបស់យើង។ ប្រាកដមែនហើយ យើងពិតជាមិនចង់ក្លាយ អ្នកទេសចរដែលមិនដឹងអ្វីទាំងអស់និងគ្មានទិសដៅដើរទៅទីកន្លែងណានោះទេ។

ថ្ងៃនេះ Kpt Plus ណែនាំពីគន្លឹះខ្លះសម្រាប់ភាពងាយស្រួលនៅពេលទៅលេងប្រទេសជប៉ុន!

១. ធុងសំរាមមានតិចនិងនៅឆ្ងាយ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រសិនយើងទៅលេងប្រទេសជប៉ុនមិនមានភាពងាយស្រួលទេក្នុងការរកធុងសំរាម។ ដើម្បីមានភាពងាយស្រួលក្នុងការដើរលេងនិងញ៉ាំអាហារតាមដងផ្លូវ យើងគួរមានថង់សម្រាប់ដាក់សំរាមរបស់ខ្លួនឯង និងនាំវាតាមខ្លួនមុននឹងរកធុងសំរាមឃើញ។

២. ជួល Wi-Fi តាមខ្លួន

បើមិនមានអ៊ិនធរណិតទេ យើងប្រាកដជាស្លាប់ជាមិនខាន។ នៅតូក្យូមានទីកន្លែងជាច្រើនដែលយើងគួរតែទៅកម្សាន្ត ប៉ុន្តែយើងប្រាកដជាពិបាក ប្រសិនបើគ្មានប្រព័ន្ធអ៊ិនធរណិតដើម្បីប្រើប្រាស់ដូចជា នៅលើរថយន្តនិងរថភ្លើងក្នុងការរកទីតាំងតាមរយៈ Google Maps។

៣. JR Pass ប្រហែលជាមិនសមនឹងអ្នកទេ

បើយើងមិនមានគម្រោងក្នុងការដើរច្រើនកន្លែងនៅប្រទេសជប៉ុនទេ JR Pass គ្រាន់តែ ជួយកាត់បន្ថយក្នុងការធ្វើដំណើរនិងការចំណាយប្រាក់របស់យើងក្នុងការធ្វើដំណើរទៅកន្លែងណាមួយតាមរយៈ JR Pass ។

៤. កាតឥណទានមានការប្រើប្រាស់ច្រើនជាការរំពឹងទុក

មនុស្សច្រើនបាននិយាយថា ប្រទេសជប៉ុនមានការប្រើប្រាស់កាតឥណទានតិចណាស់តែវាមិនមែនជាការពិតទាំងអស់ទេ។ នៅតាមហាងតូចៗនិងហាងដែលលក់តាមដងផ្លូវនៅតែទទួលសាច់ប្រាក់ យើងក៏មិនខុសពីគេដរល គឺត្រូវដាក់លុយនិងកាតឥណទានតាមខ្លួន ព្រោះថាមានហាងជាច្រើនដែលប្រើប្រាស់កាតជាជាងសាច់ប្រាក់។

៥. មិនចាំបាច់ឱ្យលុយធីប

នៅពេលប្រើប្រាស់សេវាកម្មណាមួយរួចហើយ មិនចាំបាច់ឱ្យលុយទៅដល់អ្នកបើកបរ អ្នករត់តុល។ល។ ព្រោះនៅប្រទេសនេះមិនមានទម្លាប់ឱ្យប្រាក់ទៅដល់អ្នកណាម្នាក់ដោយមិនបានធ្វើអ្វីសោះ។ ប្រសិនបើនៅតែចចេសទុកលុយនោះទៀត យើងអាចនឹងរងការស្ដីឱ្យចំពោះការមិនគោរពសិទ្ធិរបស់គេ។

៦. ហាងមួយចំនួននឹងឱ្យយើងដោះស្បែកជើងចេញ

ហាងមួយចំនួននឹងឱ្យភ្ញៀវដោះស្បែកជើងចេញ មុនចូលទៅខាងក្នុង ហើយគេនឹងយកស្បែកជើងនោះទៅរាបយ៉ាងមានរៀបរយនៅទូស្បែកជើង។ ដូច្នេះគួរតែពាក់ស្រោមជើងគ្រប់ពេល។

៧. ត្រូវគោរពច្បាប់របស់រថភ្លើង

ជប៉ុនជាប្រទេសដែលគោរពច្បាប់តឹងរ៉ឹងមែនទែន! នៅលើរថភ្លើងមិនត្រូវញ៉ាំអាហារឬទឹកផ្សេងៗ មិនត្រូវនិយាយទូរសព្ទ និងគួររក្សាភាពស្ងៀមស្ងាត់ ត្រូវទុកកន្លែងដល់ស្រ្តីមានផ្ទៃពោះ ត្រូវឈរជាជួរនិងនៅខាងឆ្វេងដៃនៃទ្វាររថភ្លើង និងរងចាំរហូតគេចេញអស់មុននឹងចូល។

៨. មានហាងលក់អាហារជាច្រើនប្រៀបបាននិងឋានសួគ៌

សម្រាប់អ្នកដែលចូលចិត្តញ៉ាំអាហារ ប្រទេជប៉ុនមានតំបន់មួយឈ្មោះ isetan ជាកន្លែងដែលមានលក់ម្ហូបឆ្ងាញ់ជាច្រើន បើទេសចរមិនបានទៅប្រាកដជាស្ដាយក្រោយជាមិនខាន។

៩. សាក់នៅតែជាបញ្ហា

មនុស្សមួយចំនួន នៅតែមានគំនិតអវិជ្ជមានចំពោះការចាក់សាក់នៅប្រទេសជប៉ុន។ ប្រសិនបើមានគម្រោងទៅទីកន្លែងសក្ការបូជា ឬទស្សនាកន្លែងបុរាណគេនឹងមានការហាមឃាត់ចំពោះមនុស្សដែលមានស្នាមសាក់។

១០. ត្រូវចេះប្រើបង្គន់បច្ចេកវិទ្យា

ច្បាស់ជាពិបាកណាស់ នៅពេលមិនចេះប្រើប្រាស់បង្គន់បែបបរទេសដែលមានប៊ូតុងជាច្រើនសឹងតែរកបង្គន់បែបអាស៊ីមួយគ្មាន។ បង្គន់បែបបុរាណឬបែបអាស៊ីអាចមាននៅតែទីសក្ការបូជា ប្រាសាទ និងអាគារចាស់ៗប៉ុណ្ណោះ៕

ប្រែសម្រួល៖ សន ផានិត

ចុចអាន៖ ៥ យ៉ាងគួរដឹង បើចង់រៀបការជាមួយជនជាតិកូរ៉េ

ចុចអាន៖ គ្រាន់តែស្រកីដូងក៏អាចកាត់បន្ថយការបំផ្លាញពិភពលោកបានដែរ