ភាសាវៀតណាម ក្លាយជាភាសាផ្លូវការ នៅ San Francisco

ក្រោយការបោះឆ្នោតជាឯកច្ឆ័ន្ទកាលពីថ្ងៃពុធទី១២ខែមិថុនា, ក្រុមប្រឹក្សាភិបាល San Francisco ប្រកាសថា ភាសាវៀតណាម បានចូលរួមជាមួយភាសាចិន អេស្ប៉ាញ និងហ្វីលីពីន ក្លាយជាភាសាផ្លូវការនៅក្នុងទីក្រុងរបស់សហរដ្ឋអាមេរិកមួយនេះ ហើយត្រូវតែមានការផ្តល់សេវាបកប្រែ ឲ្យខាងតែបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីសម្រេចនេះ គឺមានគោលបំណងឲ្យជនអន្តោប្រវេសន៍វៀតណាម រស់នៅ San Francisco អាចទទួលបានភាពងាយស្រួល ជាមួយភាសាដែលពួកគេពេញចិត្ត។ 

នេះមានន័យថា​ រាល់សេចក្តីប្រកាសរបស់អាជ្ញាធរក្រុង ក៏នឹងត្រូវបកប្រែជាភាសាវៀតណាម ជូនសហគមន៍ដែលរស់នៅទីនោះ ហើយទីក្រុងក៏តម្រូវឲ្យមានការបកប្រែភាសាវៀតណាម នៅក្នុងទូរស័ព្ទដៃ ព័ត៌មានលើគេហទំព័រ ការជូនដំណឹងជាលាយលក្ខណ៍អក្សរ និងសេវាកម្មផ្លូវការឯទៀតផងដែរ។

សូមបញ្ជាក់ថា យោងតាមទិន្នន័យពីមជ្ឈមណ្ឌលស្រាវជ្រាវ Pew ឆ្នាំ២០១៩ បានប៉ាន់ប្រមាណថា មានជនអន្តោប្រវេសន៍វៀតណាម ប្រហែល ៨៤ ០០០នាក់ រស់នៅក្នុងទីក្រុង San Francisco។

ទោះបីជាយ៉ាងណាក៏ដោយ គេដឹងច្បាស់ថា មកទល់សព្វថ្ងៃ តួលេខនេះគឺលើសជាងមុន ច្រើនគួរសមដែរ៕

អត្ថបទ៖ សុខ សុវណ្ណ

ចុចអាន៖ ប៉ូលិសចរាចរណ៍វៀតណាម ត្រូវយកលុយបានពីការផាកពិន័យ ទុកឲ្យក្រសួង