តារាថៃ Kratae ​បង្អួតដងខ្លួនសិចស៊ីម្ដងទៀត ​តបទៅអ្នកចាំតែរិះគន់ ស្អប់លើរូបកាយនាង

តារាចម្រៀងស្រីប្រចាំប្រទេសថៃ​ Kratae RSiam ដែលនិយមបញ្ចេញភាពសិចស៊ីបែបរោលរាល តាមរយៈកាយវិការ MV និងកាច់ស្ទីលលើបណ្ដាញសង្គមជារឿយៗ ដែលពីមុនត្រូវបានអ្នកលេងអ៊ីនធឺណែតរិះគន់លើរូបនាងជាច្រើនដង។ ប៉ុន្តែនាងហាក់មិនដែលខ្វល់ ហើយថែមទាំង​បង្ហោះ​រូប​បង្អួត​គូថយ៉ាង​ក្ដៅ​គគុកលើគណនីផ្ទាល់ខ្លួនថែមទៀត។

តាមរយៈគណនី​ Instagram ផ្ទាល់ខ្លួនរបស់តារាចម្រៀងស្រីវ័យ៣៦ឆ្នាំរូបនេះ បានបង្ហោះនូវរូបភាពច្រើនសន្លឹកដែល​បង្ហាញ​រាង​កាយ និង​កាយវិការអេនអនគូថអមជាមួយនឹងការសរសេរសារក្នុងន័យភ្ជាប់​ទៅ​នឹង​អ្នក​ស្អប់លើរូបនាងថា “ភាពមិនល្អឥតខ្ចោះគឺជាធម្មជាតិ តើអ្នកមិនខ្មាស់ទេដែលនៅតែហ៊ានបង្អួតគូទ? នៅលើរូបរាងកាយរបស់ខ្ញុំគឺជាមានស្នាមឆ្នូត ប៉ុន្តែជីវិត​របស់​ខ្ញុំ​ប្រហែល​ជា​មិន​បញ្ចប់​ដោយ​សារ​តែ​ខ្ញុំ​មាន​ស្នាម​សង្វារ​នោះ​ទេ។ ខ្ញុំ​ក៏សង្ឃឹម​ថា ​អ្នក​រាល់​គ្នា​មិន​ដក់ជាប់​ក្នុង​ពាក្យ​អាក្រក់ៗ ហើយស្រឡាញ់ខ្លួនឯងខ្លាំងឡើង អ្នក​មិន​ចាំបាច់​ប្រៀបធៀប​ខ្លួន​ឯង​នឹង​អ្នក​ណា​ទេ”។

លើសពីនេះទៀតដែរ Kratae ក៏បានសរសេរបញ្ចាក់ន័យពីក្រោមបន្ថែមថា តាមពិតទៅ មកពីមនុស្សគ្រប់គ្នាមិនចាប់អារម្មណ៍តាំងពីដំបូង មិនថាជារូបខ្ញុំឬមនុស្សផ្សេងទេ មិនបានលាបក្រែម មិនថែរក្សា និងមិនខ្វល់ពីចំណុចនេះ។ នៅពេលអ្នកធាត់ ស្តើង និងស្បែកខូច វាជារឿងធម្មតា យើងគ្រាន់តែទទួលយកព្រោះវាជាធម្មជាតិ ហើយមិនថាអ្នកណាថាអ្នកអាក្រក់ មិនស្អាត ធាត់ ស្គម ខ្មៅ ខ្លី ជើងធំ ឆ្នូតៗ សូមកុំយកការវាយតម្លៃអាក្រក់ទាំងនេះមកដាក់សង្កត់ខ្លួន។ សូមទទួលយកការពិតដែលបានកើតឡើង! ដោយសារតែមនុស្សមិនមែនជា AI ដែលនឹងល្អឥតខ្ចោះនៅក្នុងអ្វីគ្រប់យ៉ាង។ ខ្ញុំចង់ឲ្យមនុស្សគ្រប់គ្នាស្រឡាញ់ភាពមិនល្អឥតខ្ចោះនៅក្នុងខ្លួនរបស់យើង។ វា​នឹង​ធ្វើ​ឲ្យយើង​កាន់​តែ​មាន​ទំនុក​ចិត្ត និង​រីករាយ​ជាមួយ​នឹង​ជីវិត​របស់​យើង។ មានមោទនភាពចំពោះយើងជានរណា ស្រឡាញ់​ខ្លួន​ឯងឲ្យបាន​ច្រើន ហើយ​សុភមង្គល​នឹង​មក​កាន់​តែ​ច្រើន​ឡើង​បើយើងស្រលាញ់ខ្លួនឯងគ្រប់គ្រាន់។ ស្អាតតាមបែបយើង ស្អាតមិនទាមទារស្តង់ដារអ្នកណា មិនចាំបាច់ប្រៀបធៀបជាមួយអ្នកណាទេ នៅលើលោកនេះមានមនុស្សតែម្នាក់គត់ដែលនៅជាមួយយើង នោះគឺជាស្នាមសង្វារបស់យើងគឺជាគំរូដ៏ស្រស់ស្អាតមួយ។

បន្ទាប់ពីការ​បង្ហោះ​រូបភាពអមដោយសារលើកទឹកចិត្តយ៉ាងច្រើនបានបង្ហោះពាសពេញបណ្ដាញអ៉ិនធើណេត អ្នកគាំទ្រជាច្រើនបានសម្រុកចូលមកបញ្ចេញមតិព្រោងព្រាត និង​បាន​សម្តែង​ការ​កោតសរសើរ​យ៉ាង​លើសលប់​ រួមទាំងតារាស្រីរៀមច្បង Ploy Chermarn ក៏បានបានចូលមកបញ្ចេញមតិស្របថា ​ត្រូវមានចិត្តវិជ្ជមានជានិច្ច​ ទើបពិភពលោកយើងស្រស់ស្អាតដែរ។

ទោះយ៉ាងណាក៏ដោយ ងាកទៅកាន់មហាជនមួយចំនួនទៀតបានបញ្ចេញមតិដែរថា តាមរយៈរូបភាពនិងសារដែលនាងបង្ហោះអាចបញ្ចាក់​បាន​ថា​ នេះគឺជា​ការ​ឆ្លើយ​តប​យ៉ាង​ខ្លាំង​ចំពោះ​អ្នកអង្គុយចាំតែទើស និងពូកែតែរឿង​រិះគន់។ ប្រសិនបើមនុស្សគ្រប់គ្នាចេះផ្ដល់តម្លៃ ឬ​ឲ្យ​តែ​យើង​ស្រឡាញ់​ខ្លួន​ឯង​គ្រប់គ្រាន់ ពាក្យ​ទាំង​នោះ​មិន​អាច​ធ្វើ​ឲ្យ​យើង​ខូច​ចិត្ត​បាន​ទេ។ Kratae និយាយត្រូវឥតខុសទេ ថ្វីបើរូបនាងជាមនុស្សនិយមភាពសិចស៊ី ប៉ុន្តែនាងហ៊ានបង្ហាញអ្វីដែលនាងមានមិនខ្មាស់គេ មិនខ្លាចគេជាន់នាងទេ ទោះខ្លួនជាតារាល្បីយ៉ាងណាក្ដី៕

អត្ថបទ៖ សាង ស្រីល័ក្ខ

ចុចអាន៖Baifern ប្រាប់មូលហេតុ​បែក​គ្នាថា ជាការសម្រេចចិត្តសងខាង គ្មានអ្នកណាជ្រៀកពួកគេទេ