បង្កាន់ដៃស្ពានព្រះមុនីវង្សបាក់ជិត១សប្តាហ៍ដោយ​សាររថយន្ដបុក តែជំនាញមិនទាន់ជួសជុលនៅ​ឡើយ

បង្កាន់ដៃស្ពានព្រះមុនីវង្សថ្មីប្រវែងជិត១០ម៉ែត្របានរងការបាក់ខ្ទេចដោយសាររថយន្តបុក ប៉ុន្តែអ្វីដែលអ្នកដំណើរសំណូមពរទៅអាជ្ញាធរគួររួសរាន់ជួសជុលឡើងវិញដើម្បីការពារសុវត្ថិភាពអ្នកធ្វើដំណើរដោយថ្មើជើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពព័ត៌មានពីលោកអនុសេនីយ៍ឯក ហ៊ុល ផាន់ណា ប្រធានផ្នែកវាស់វែងចរាចរណ៍នគរបាលខណ្ឌច្បារអំពៅ បានឲ្យដឹងថា បង្កាន់ដៃស្ពានដែលបាក់នេះ គឺដោយសាររថយន្តម៉ាកហាយឡែនឌឺ ពណ៌ខ្មៅ ពាក់ស្លាកលេខកណ្តាល២A ៨៩ ៦៦ បើកបរដោយឈ្មោះ នួន សុភក្រ័ ភេទប្រុសអាយុ៣៥ឆ្នាំ មុខរបររកសុីស្នាក់នៅផ្ទះលេខ៤១៦ផ្លូវជាតិលេខ១ ភូមិគគីរ ឃុំគគីរស្រុកកៀនស្វាយ ខេត្តកណ្តាល បានបើកបុកកាលពីវេលាម៉ោង៣និង៥០នាទីទាបភ្លឺថ្ងៃទី១០ ខែសីហាមកម្ល៉េះ។

លោក ហ៊ុល ផាន់ណា បានបញ្ជាក់ច្បាស់ថា ពេលកើតហេតុភ្លាមៗ លោកបានរាយការណ៍ទៅមន្ទីរសាធារណៈការរាជធានីភ្នំពេញ ដើម្បីឲ្យផ្នែកជំនាញចុះមកជួសជុលបង្កាន់ដៃដែលបាក់។ ប៉ុន្តែអ្វីដែលគួរឲ្យព្រួយបារម្មណ៍នោះ គឺអ្នកដំណើរថ្មើជើងងាយនឹងគ្រោះថ្នាក់ចំពោះអ្នកមិនដឹងថាបង្កាន់ដៃស្ពានព្រះមុនីវង្សថ្មីនេះប្រមាណជិត១០ម៉ែត្រនេះ៕

អត្ថបទ៖ នរា