គម្រប់ខួបអាពាហ៍ពិពាហ៍១ឆ្នាំ Mark និង Kim សម្ងំអបអរតែ២នាក់យ៉ាងក្ដីសុខ

ជាការពិតណាស់ តារាសម្ដែងថៃ Mark Prin និង Kimberley បានក្លាយជាស្វាមីភរិយាក្នុងពិធីអាពាហ៍ពិពាហ៍កាលពីឆ្នាំ២០២៣កន្លងទៅនេះ គិតត្រឹមថ្ងៃទី១៥ ខែកញ្ញា នេះ បានកន្លងហួសអស់រយៈពេល១ឆ្នាំត្រឹមតែម្ដង។ ជាមួយគ្នានេះដែរ Mark និង Kim ក៏បានធ្វើការអបអរគម្រប់ខួបថ្ងៃរៀបការរបស់ខ្លួនតែ២នាក់យ៉ាងមានក្ដីសុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាប្រុសស្រី ដែលជាគូស្នេហ៍ដ៏ល្បីល្បាញនេះ ក៏បានបង្ហោះរូបភាពយ៉ាងផ្អែមល្ហែម ទៅក្នុងបណ្ដាញសង្គមឲ្យអ្នកគាំទ្របានចូលរួមអបអរខួបអាពាហ៍ពិពាហ៍របស់ខ្លួនផងដែរ។ ទន្ទឹមនឹងនេះដែរ អ្នកគាំទ្រនាំគ្នាចូលខមិនអបអរសាទរគូស្វាមីភរិយានេះ ហើយព្រមទាំងបានសួរនាំថាកាលណាយកកូន ខណៈរៀបការបានមួយឆ្នាំហើយ។

ដោយឡែក Kimberley ធ្លាប់និយាយថា នាងពិតជាមានអារម្មណ៍រំភើប ដែលនឹងក្លាយជាម្ដាយគេ នាពេលអនាគត់នេះ ក៏ប៉ុន្ដែបច្ចុប្បន្ន ពួកគេទាំងពីរនាក់ មិនទាន់មានគម្រោងយកកូននៅឡើយនោះទេ ក៏ព្រោះតែមានការងារសិល្បៈមមាញឹកនៅឡើយ។

បើក្រឡេកមកមើលជីវិតគូស្នេហ៍ Mark និង Kim នេះ ហាក់ដូចជាមានសុភមង្គល​ គួរឲ្យច្រណែនមែនទែន ដោយពួកគេតែងតែបង្ហាញភាពផ្អែមល្ហែមទៅកាន់មហាជនជានិច្ច៕

ប្រភព៖ kimmy_kimberley