កីឡា

លើកទឹកចិត្តដ៏សំខាន់ សាវែង សំណាង ត្រូវបានកោះហៅចូលជម្រើសជាតិ

បានផុស

២ years មុន

នៅ

ថ្ងៃអង្គារ ១២ វិច្ឆិកា ២០២៤

ដោយ

អ្នកចាំទីរបស់ក្លិបភ្នំពេញក្រោន សាវែង សំណាង ត្រូវបានកោះហៅចូលជម្រើសជាតិកម្ពុជាក្នុងការធ្វើដំណើរទៅហ្វឹកហាត់នៅប្រទេសកាតារយៈពេល៥ថ្ងៃគិតចាប់ពីថ្ងៃទី១២ ដល់ទី១៧ ខែវិច្ឆិកា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាវែង សំណាង ជាអ្នកចាំទីមួយរូបដែលកម្រត្រូវបានកោះហៅចូលរួមក្នុងក្រុមជម្រើសជាតិណាស់កន្លងមក បើទោះជារូបគេធ្វើបានល្អនៅក្លិបក៏ដោយ។ នៅក្នុងរដូវកាលនេះរូបគេបង្ហាញខ្លួនបានញឹកញាប់ ស្របពេលអ្នកចាំទីដៃទី១ អុំ វិចិត្រ មានរបួស ហើយរូបគេបានកំពុងជួយឲ្យភ្នំពេញក្រោនមិនទាន់ស្គាល់បរាជ័យសោះនៅលីគកំពូលកម្ពុជា។

ដោយឡែកអ្នកចាំទីនៅក្លិបវិសាខាមិនត្រូវបានកោះហៅទេជំនួសវិញដោយអ្នកចាំទីវ័យក្មេងរបស់ណាហ្គាវើលដ៍ រ៉េត លីហេង រួមជាមួយអ្នកចាំទីព្រះខ័នរាជស្វាយរៀង វីរៈ ដារ៉ា។

ជាមួយគ្នានេះ ខ្សែបម្រើប្រយុទ្ធរបស់ ក្លិបអង្គរថាយហ្គឺរគឺ គី រីណា ក៏ត្រូវបានកោះហៅចូលជម្រើសជាតិជាថ្មី បន្ទាប់ពីរូបគេបានក្លាយជាកម្លាំងដ៏សំខាន់ក្នុងការជួយក្លិបនៅក្នុងរដូវកាលនេះកំពុងឈរលំដាប់កំពូលទាំង៤។

សូមបញ្ជាក់ថា ក្រុមបាល់ទាត់ជម្រើសជាតិកម្ពុជាចេញទៅហ្វឹកហាត់នៅប្រទេសកាតារយៈពេល៥ថ្ងៃជាការត្រៀមខ្លួនសម្រាប់ពានរង្វាន់អាស៊ានកម្រិតទី១ ASEAN Championship នៅចុងឆ្នាំ២០២៤ ប៉ុន្តែនៅមិនទាន់ដំណឹងផ្លូវការពីការប្រកួតមិត្តភាពអន្តរជាតិនៅថ្ងៃ FIFA Day ក្នុងខែវិច្ឆិកានេះឡើយ។

ព្រះខ័នរាជស្វាយរៀង ជាក្លិបដែលមានកីឡាករជាប់ច្រើនជាងគេរហូតដល់៨នាក់ ខណៈភ្នំពេញក្រោន ជាប់៦នាក់ វិសាខាជាប់៤នាក់ បឹងកេត ជាប់២នាក់ ណាហ្គាវើលដ៍ ជាប់២នាក់ និងអង្គរថាយហ្គឺរ ជាប់១នាក់៕