បុត្រារបស់ម្ចាស់ក្សត្រីន័រវែស ត្រូវប៉ូលិសចាប់ព្រះកាយ សង្ស័យពីបទរំលោភសេពសន្ថវៈ

ប៉ូលិសន័រវែស បានបញ្ជាក់នៅថ្ងៃអង្គារទី១៩ខែវិច្ឆិកាឆ្នាំ២០២៤ថា បុត្រារបស់ម្ចាស់ក្សត្រី Mette-Marit ត្រូវបានចាប់ព្រះកាយដោយសង្ស័យពីបទរំលោភសេពសន្ថវៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសេចក្តីថ្លែងការណ៍របស់ប៉ូលិស, ព្រះអង្គ Marius Borg Høiby ព្រះជន្ម២៧ព្រះវស្សាត្រូវចាប់ព្រះកាយកាលពីល្ងាចថ្ងៃចន្ទ ដោយជាប់សង្ស័យទាក់ទងនឹងការរួមភេទជាមួយបុគ្គលផ្សេងដែលសន្លប់ ឬមិនអាចរើបម្រាស់នឹងសកម្មភាពរំលោភបំពានបាន។

យ៉ាងណា នេះមិនមែនទើបលើកទីមួយឡើយដែលព្រះអង្គ Høiby ត្រូវចាប់ព្រះកាយ ពោលគឺព្រះអង្គត្រូវឃុំព្រះកាយម្តងរួចមកហើយ កាលពីខែសីហា ដែលកាលនោះត្រូវគេចោទប្រកាន់ពីបទបង្កគ្រោះថ្នាក់ដល់រាងកាយស្ត្រីម្នាក់ដែលទ្រង់កំពុងមានទំនាក់ទំនងស្នេហាជាមួយ។

កាលនោះ ប្រព័ន្ធផ្សព្វផ្សាយន័រវែស បានចុះផ្សាយព្រោងព្រាតថា ប៉ូលិសរកឃើញកាំបិតនៅជាប់នឹងជញ្ជាំងនៃបន្ទប់គេងរបស់ស្ត្រីម្នាក់នោះ។ លុះក្រោយមក ប៉ូលិសក៏បានរកឃើញថា នៅមានមនុស្ស៣នាក់ទៀត ដែលជាប់ពាក់ព័ន្ធក្នុងរឿងនេះ។

ទោះបីជាយ៉ាងណាក៏ដោយ ប៉ូលិស​មិន​ទាន់​សម្រេចនៅឡើយទេ​ថា​តើ ព្រះអង្គ​នឹង​ត្រូវ​ឃុំ​ព្រះកាយ ​ក្នុង​មន្ទីរ​ឃុំឃាំង​ឬ​នៅកន្លែងណាផ្សេង។

សូមបញ្ជាក់ថា ព្រះអង្គ Høiby ប្រសូតនៅឆ្នាំ១៩៩៧ មុនពេលម្ចាស់ក្សត្រី Mette-Marit រៀបអភិសេកក្នុងឆ្នាំ២០០១ ជាមួយព្រះអង្គម្ចាស់ Haakon ដែលជាអ្នកស្នងមរតកនៃបល្ល័ង្កន័រវែស៕

អត្ថបទ៖ សុខ សុវណ្ណ

ចុចអាន៖ អ្នកវាយប្រហារ ប្រើធ្នូនិងព្រួញ សម្លាប់រង្គាលនៅប្រទេស ន័រវែស